Ejikele 47:11 - Bibilia Buk na Ŋun nagon koti luŋu a

¹¹ ama piritön nagon a wo ’do ’do se ko nagon a ŋulu ’bujin kune, pioŋ kase mo ti wora a na ’but, ama kine piritön mo kolöki a ti ’balaŋ.

Ejikele 47:11 Iomraidhean Croise

Saumajin 107:34

a nye löpuŋge kak na radan ludweki anyen gwon a yöbu na ’balaŋ, kogwon ŋutu lo si ’da kata kulo a lorok parik.

Yeremia 17:6

Lepeŋ gwon gwoso ködini lo gwon i yöbu na sese; a nye mo tine meddya ŋo na ’but na popo. A nye mo si ’dani i piritön nateyok i yöbu kata i jur lo ’balaŋ loron a ko si ’darikin lo.

Ejikele 47:12

A gwe-yarijin liŋ ti kaden logon ludweki kase nyenyei kulo mo ’duŋe i kijitön ti ŋilo kare i swötön kanyit liŋ murek. Koropo kase mo ti teteyon, a ludweki kase mo tine jaran i toran, ama se mo radan ludweki logon a ludukö temba i yapa, kogwon pioŋ kase ’dukun i pirit nake na rurwan. Ludweki kase mo gwon a kinyo, a koropo kase mo gwe a tolikesi.

Nyökit 29:23

Se mo memet adi kak liŋ a pisek ko a ’balaŋ, ko a ’yura, ko a ko weya, a ŋo nene gwe ’bayin na pipilu, a döru tine wilan kata, gwoso i diŋit na söpuköri Sodoma ko pomora, ko Adema ko Seboim nagoŋ MATAT a söpukökin i woran ko i yulön nanyit.

Kweyatti 21:8

Ama ŋutu kujönök, ko ŋutu logon ’bak yupet, ko ŋutu logon koŋdya ŋo na mamana, ko katatuak, ko kalupök, ko kawanak. ko katwöyök ti nyömuejin, se ko ’burönök liŋ pirit nase mo gwon i tör nagon ’yuŋa a kimaŋ ko pisek. Ŋina a twan tomurek.

Kweyatti 22:11

Ti katoronyanit yeŋe toroŋdya, ko ti ŋuto logon a lut yeŋe toluddya mugun, ko ti ŋuto lo rigwo yeŋe koŋdya rigwo, ko ti ŋuto loke yeŋe gwon a loke.

Ka’duŋök 9:45

A Abimelek möröni ko nu köji i ŋilu lor liŋ. A nye morgi köji, a tatuje ŋutu kanyit, a duŋge kadijik kak, a raddi köji ko ’balaŋ.