Ejikele 47:1 - Bibilia Buk na Ŋun nagon koti luŋu a

¹ A kirut ŋilo ŋuto nyököddi nan i kotumit na kadi na Ŋun, a nan meddi pioŋ lelekun kaŋo i lukak na lupet na kotumit na ŋina kadi i swot lo ’yure (kogwon komor na kadi diraddu i swot lo ’yure); a pioŋ ’doke kak i swot lo lutaten na kadi na Ŋun i swot lo loki na pirit ’yuret na rubaŋgajin.

Ejikele 47:1 Iomraidhean Croise

Saumajin 46:4

Kare lele kata logon luruki kanyit tutulyöŋgu köji na Ŋun, iŋkoi, tutulyoŋgu ŋirit nake nagon Katoŋanit lo ki liŋ si ’da kata na.

Saumajin 46:5

Ŋun gwon i nu köji, nu köji ti bulö koro; Ŋun de ŋaparakin lepeŋ i baŋun na kak.

Saumajin 87:7

A kayolok ko kagwoak ti kore köti kulyani adi, Yi liŋ pipilundya konut.

Yisaya 2:3

a gweyajin jore ti ŋutu mo poni po, akulyaniadi, Po ta, ti yi iti ta i mere lo MATAT, ko Ŋun lo Yakobo kadi; anyen nye mo todinikiŋdyo yi kikolin kanyit, anyen yi mo woro i gwokiot kanyit. Kogwon saret mo tu kaŋo i Siona, a kulyaet lo MATAT mo lupuŋdye i Yerusalema.

Yisaya 30:25

A i ŋilu lor tatuet duma logon bililyat ’do ’do kak lu, a luruki ti pioŋ mo ’doke ’dokon i merya lojoki liŋ ko ilurwat lojo ki liŋ.

Yisaya 55:1

Yakulo, ta liŋ logon a moka kure, po ta i pioŋ; nye logon ’bak gurut ti poŋdi, gwöruŋdye ko nyesi! Poŋdi ta, gwöruŋdye ta binyo ko le ’bak gurut ko ’bak ropet.

Yeremia 2:13

kogwon ŋutu kwe a toroŋdya toronjin murek: kweja adi lepeŋat a kölökiŋdyö nan logon a loro lo pioŋ toruesi lo, a ’bokakiŋdye ’börik kidia logon ti ’debba pioŋ, pioŋ kase lelekara kaŋo.

Ejikele 40:6

a lepeŋ iti i kadi najo nagon suluja lupörikin i kötumit na kaŋo tojo i tulöddu i lukata na mariŋ ŋina kötumit diraddu i swöt lo ’yure. A nye kiyaddi i kiyesi kanyit a tembi tu ’bökik na lupet na kötumit, a gwe a pa ’duŋi geleŋ.

Ejikele 41:2

A tugalaŋ na kötumit gwe a lokiliŋan puök, a goroma na gwon i swötön kanyit murek kune gwe a lokiliŋan mukanat mukanat. A nye tembi tojolan na ŋina kadi a gwe a lokiliŋan merya iŋwan, a tugalaŋ nanyit gwe a lokiliŋan merya murek.

Ejikele 46:24

a kirut lepeŋ takiŋdye nan adi, Kine a piriton deresi nagon ŋutu lo kita i kadi na Ŋun kulo kodyo derakiŋdye ŋutu rubaŋgajin.

Ejikele 47:12

A gwe-yarijin liŋ ti kaden logon ludweki kase nyenyei kulo mo ’duŋe i kijitön ti ŋilo kare i swötön kanyit liŋ murek. Koropo kase mo ti teteyon, a ludweki kase mo tine jaran i toran, ama se mo radan ludweki logon a ludukö temba i yapa, kogwon pioŋ kase ’dukun i pirit nake na rurwan. Ludweki kase mo gwon a kinyo, a koropo kase mo gwe a tolikesi.

Ejikele 47:2

A lepeŋ joŋgi nan kaŋo tiri kötumit na gwon i swöt lo lobot na, a lepeŋ joŋgi nan ko kiko lo kaŋo tojo ko kötumit na gwon kaŋo nagon diraddu i swöt lo ’yure na; a nan meddi pioŋ ’dukun kaŋo madaŋ i swöt lo loki.

Yoele 3:18

A i ŋilu lor a merya mo ’bukun-dye binyo na paleleŋ, a lurwat mo ’doke ’dokon a le, a luruki lio ti Yuda mo ’buŋge a piŋo. A piŋo mo leleku köyö i kadi na MATAT a popoggi pirit na ’dir na Sitim.

Jakaria 13:1

I ŋilu lor a kötumit na Dawidi se ko nutu lo si ’da Yerusalema kulo mo ’bokakine kidi lalaet lo toronjin ko tolutan.

Jakaria 14:4

I ŋilu lor a nye mo gwo ’de i mere lo Jeitun logon komorga Yerusalema i swöt lo ’yure; a mere lo Jeitun mo kilani swötön murek a gwe a pirit na ’dir nagalaŋ parik, suluja i ’yure tojo i tokotyaŋ; a lele swöt lo mere mo ’dakara i swöt lo lobot, ko lele swöt i swöt lo loki.

Jakaria 14:8

A i ŋilu lor a pioŋ na lelek mo lele-kara kaŋo i Yerusalema, lele swöt lose ’dokon i swöt lo tör na ’yure, ko lele swöt ’dokon i tör na tokotyaŋ; a mo yeŋe sona ja ’be ko meliŋ.

Kweyatti 22:1

A kirut malaikatat kwekiŋdye nan kare lo pioŋ toruesi na lelekun kaŋo i lukata na si ’daet na tumatyan na Ŋun ko na ŋilo Kilolor, kokobbu gwoso ŋurupö nasulyöŋök,

Kweyatti 22:17

A Mulökötyo Loke se ko nye na yema na kulyani adi, Po, ko ti nye lo yiŋga lo kulyani adi, Po. Ti ŋuto logon ko kure lo ŋoŋdi, ko ti nye lo ’de ’dekan pioŋ toruesi lo ti nye wuji ’bak ropet.