Ejikele 46:2 - Bibilia Buk na Ŋun nagon koti luŋu a

² A kasaranit kodyo lupöri baraŋöa na kadi najo na gwon i kotumit na kaŋo tojo i lukata, a lepeŋ gwo ’de nyona ko kodini lo kotumit. A koanejin kodyo wukiŋdye rubaŋga lo ’yu ’yura ’buluŋ logon a lo kasaranit se ko rubaŋgajin kanyit ti taliŋ. A ŋilo kasaranit kodyo rugwuŋökine kak i kwakwaddu i lupet na kotumit nagon tuloddu lukata. A lepeŋ kirut lupöni kaŋo, ama a kotumit tine kinu tojo ko koriri i ’doro na kolor.

Ejikele 46:2 Iomraidhean Croise

1 Dekat 17:16

A mor Dawidi lupöni i kadi na Ŋun, a si ’dakine ko MATAT i komor, a kulyani adi, Pon MATAT Ŋun, nan ŋona a pa, ko kötumit nio a nyo nagon do aje nyömuŋdyö nan tojo ni na?

1 Dekat 9:18

A se yeoe tiju kötu-mit na mor na gwon i swöt lo ’yure nu. A kilo ŋutu gwe a katiyuk ti kötumitön ti mera na Lewijin.

2 Dekat 23:13

a nye meddi mor gwogwo ’dan nyona ko togwi ’diet i lupet na kadi, se ko dumalak ti kamorok ko kakutak ti toriot logon nyona ko mor, se ko ŋutu liŋ ti jur lyölyöŋi ko kukutuja toriot, a kayolok ko tito kase yolesi gwe i nyombu na kolisi pupuresi. A Atalia kekereŋdi boŋgwat kanyit, a maraŋgi maraŋgu adi, Mwonyorikin nio dyoŋ! Mwonyorikin nio dyoŋ!

2 Dekat 29:29

a nagon rubaŋga aje ’baka liŋ nu, a mor ko ŋutu liŋ lo gwon ko lepeŋ kulu dulakiŋdye ’borik kak a kwakwaddi kwakwaddu.

2 Dekat 34:31

A mor gwo ’de kanyit i pirit, a milyeji ko MATAT, i kepöddu na MATAT, ko i ’debba na saresi kanyit, ko todinesi kanyit, ko saresi kanyit lo wurö, ko töili lonyit liŋ ko kodudwo nanyit liŋ, adi nye mo kökon kulyaesi ti tomoret logon a wuröki i na buk kulo.

2 Dekat 6:13

Nyena Solomona aje teteŋdya pirit na ’duluŋ na ’dayat ko mölwö, a tojolan nanyit gwe a lokiliŋan mukanat, a tugalaŋ nanyit gwe a lokiliŋan mukanat, a tojolan nanyit ki gwe a lokiliŋan musala, a lepeŋ tiŋdi nye i ’baŋ na kadi na MATAT na gwon i mariŋ lukata. A nye kije i loki nanyit, a rugwuŋokine kak ko kuŋwat kanyit i komor na kurumi liŋ na Yisaraele, a mamanyaddi ko könisi kanyit ki i ’diko;

Ejikele 40:19

A lepeŋ tembi tugalaŋ na ’baŋ suluja i komor na kadi najo na gwon i kötumit na gwon kak tojo ko kaŋo na kadi najo na gwon i kötumit nagon tulöddu i ’baŋ lo gwon lukata, a gwe a lokiliŋan mia geleŋ.

Ejikele 40:39

a misajin iŋwan gwe kata i lukata na baraŋöa na kadi najo na gwon i kötumit na, murek i lele swöt ko murek i lele swöt. Kine misajin ’duŋörikin toro ’bo nagon wuki a rubaŋgajin lo ’yu ’yura ’buluŋ, ko rubaŋgajin ti toron se ko rubaŋgajin ti lyaŋan.

Ejikele 44:3

Ake kasaranit tuŋ ködyö bubulö si ’da kata i nyesu na kinyo köyö i komor nan MATAT; lepeŋ bubulö lupöri baraŋöa na gwon i kadi najo na gwon i kötumit na, a yitöri kiko lo geleŋ.

Ejikele 45:19

A koane kodyö ’dumuŋdye kunie rima nagon a ti rubaŋga lo toron, a ’bulukiŋdye se i kaden ti kötumit na kadi nio, ko i tusesi iŋwan ti pirit ’yuret na rubaŋgajin, se ko i kaden ti kotumit nagon lupörikin i ’baŋ lo lukata.

Ejikele 46:12

a ko kasaranit wukiŋdya nan Matat ’doket na tupalikan na töili, kode ŋina ’doket a rubaŋga lo ’yu ’yura ’buluŋ, kode a rubaŋgajin ti taliŋ, a kötumit na diraddu i swöt lo ’yure na ködyö gakine lepeŋ; a lepeŋ wukiŋdye rubaŋga lonyit lo ’yu ’yura ’buluŋ se ko rubaŋgajin kanyit ti taliŋ gwoso na koŋdi nye i sabata na. A kirut nye kodyo iti kaŋo, a i mukok nagon nye aje tu kaŋo nu, a kotumit kinuni kinu.

Ejikele 46:8

Ko kasaranit lupö lukata, lepeŋ ködyö lupöri baraŋöa na gwon i kadi najo na gwon i kötumit na, a yitöri kiko lo geleŋ.

Matayo 26:39

A nye iti ŋerot madaŋ, a nye gubakiŋdye mugun kak rupu, a kwakwaddi adi, A, pon Baba, ko bubulö ti ŋilo kopo lo ŋoŋga wusajine kaŋo köyö; ama ti gwe ti gwon gwoso ’deket nio, ama ti gwe gwoso na ’deggi do na.

Kolosai 1:28

Ŋilo a Kristo logon yi tokujöŋ kulya kanyit lo, i kukuju na ŋutu liŋ ko i todiŋdyo na Ŋutu liŋ ko koŋon ’bukuluŋ, anyen kwekiŋdya se liŋ geleŋ geleŋ ko Ŋun i komor gwoso Ŋutu lo wora kulo ko Kristo i mugun.