Ejikele 46:12 - Bibilia Buk na Ŋun nagon koti luŋu a

¹² a ko kasaranit wukiŋdya nan Matat ’doket na tupalikan na töili, kode ŋina ’doket a rubaŋga lo ’yu ’yura ’buluŋ, kode a rubaŋgajin ti taliŋ, a kötumit na diraddu i swöt lo ’yure na ködyö gakine lepeŋ; a lepeŋ wukiŋdye rubaŋga lonyit lo ’yu ’yura ’buluŋ se ko rubaŋgajin kanyit ti taliŋ gwoso na koŋdi nye i sabata na. A kirut nye kodyo iti kaŋo, a i mukok nagon nye aje tu kaŋo nu, a kotumit kinuni kinu.

Ejikele 46:12 Iomraidhean Croise

1 Moran 3:4

A mor iti Gibeon i ’duŋgö na rubaŋga nyu, kogwon nu gwon a pirit kwakwaset duma na gwon i ko ’du, a Solomona yeŋ wuwukiŋdya rubaŋgajin aliŋ geleŋ lo ’yu ’yura ’buluŋ i ŋinu pirit ’yuret na rubaŋgajin.

1 Dekat 29:21

A lepeŋat konakiŋdye MATAT rubaŋgajin, a i ko ’bure nanyit a se wukiŋdye MATAT rubaŋgajin lo ’yu ’yura ’buluŋ ti dwönin aliŋ geleŋ. ko lopijoki köbilu aliŋ geleŋ, ko yisi aliŋ geleŋ, ko rubaŋgajin ’bu ’bukesi kase se ko rubaŋgajin jore a ti Yisaraele liŋ;

2 Dekat 29:31

A kirut Kijikia kulyani adi, Ta soŋinana aje wukiŋdya ’borik ko MATAT; miju ta nyona, ko joŋdi ta rubaŋgajin se ko rubaŋgajin lyoŋesi i kadi na MATAT. A ŋutu lo momora kulo joŋdi rubaŋga­jin se ko rubaŋgajin lyoŋesi; a ŋutu liŋ logon ko tupalikan na toilyet joŋdi rubaŋgajin lo ’yu ’yura ’buluŋ.

2 Dekat 5:6

A mor Solomona ko kurumi liŋ na Yisaraele, logon a momora kanyit i komor kulu iti i ŋerot na nu saŋduk, a se gwe i ’du ’duŋoddu na rubaŋgajin kase ti köbilu ko dwoŋin jore parik logon ti bulo kena kwoŋ.

Ejira 1:4

Ko ti pitönö ti ŋutu liŋ ti Yisaraele logon kata i piriton ka ’de ka ’de na gwoŋdi se kunu, ti ŋutu ti ŋinu pirit paraki parakin lepeŋat ko podo, ko dakap, ko toro ’bo, ko kisuk, ko yidin, koko ’dokesi nagon a ti tupalikan na töili a ti kadi na Ŋun na gwon Yerusalema yu.

Ejira 3:5

A i mukök na kine a se wukiŋdye rubaŋgajin lo ’yu ’yura ti perok liŋ, ko ti wilun na yapala, ko i roriot liŋ lo wulwe a ti MATAT, se ko ’dokesi ti ŋutu liŋ lo ’dogga MATAT ko toilyet lo lilik.

Ejira 6:17

A i diŋit ’boriet na ŋina kadi na ŋun a se wukiŋdye dwönin mia geleŋ, ko lopijoki miajin murek, ko yisi miajin iŋwan, köti a se wukiŋdye melon puök wot murek a ti rubaŋga lo toron lo Yisaraele liŋ, gwoso i kenet na kötumitön ti Yisaraele.

Ejikele 44:1

A kirut ŋilo ŋuto nyököddi nan bot i kötumit na kaŋo na pirit nake na rurwan, nagon diraddu i swöt lo ’yure na; a lepeŋ iŋge kinu.

Ejikele 44:3

Ake kasaranit tuŋ ködyö bubulö si ’da kata i nyesu na kinyo köyö i komor nan MATAT; lepeŋ bubulö lupöri baraŋöa na gwon i kadi najo na gwon i kötumit na, a yitöri kiko lo geleŋ.

Ejikele 45:17

A ŋina ködyö gwe a kita na kasaranit i tiŋdu na ŋo ti rubaŋgajin lo ’yu ’yura ’buluŋ, ko ’bolot nagon a ’dokesi, se ko rubaŋgajin ’bu ’bukesi i diŋit naroriot, ko i diŋit na yapala wilo, ko i sabatajin, kweja adi i roriot liŋ lo wulwe ti kötumit na Yisaraele; iŋkoi, lepeŋ ködyö tiŋdu ŋo ti rubaŋgajin ti toron, ko ’bolot nagon a ’dokesi, ko rubaŋgajin lo ’yu ’yura ’buluŋ se ko rubaŋgajin ti taliŋ a tokelesi ti kötumit na Yisaraele.

Ejikele 46:8

Ko kasaranit lupö lukata, lepeŋ ködyö lupöri baraŋöa na gwon i kadi najo na gwon i kötumit na, a yitöri kiko lo geleŋ.

Lewi 1:3

A ko rubaŋga lonyit gwon a rubaŋga lo ’yu ’yura ’buluŋ lo ’dumwe i kisuk, a nye köbyö wukiŋdye mönik logon ’bak yuyuket; a nye tiŋdi lu mönik i kömit na kemia torumet, anyen MATAT böŋö ruruk ŋilo ŋuto;

Lewi 23:38

wat sabatajin ti MATAT, ko wat ’dokesi kasu, ko wat rubaŋgajin kasu liŋ ti milye, ko wat rubaŋgajin kasu liŋ ti tupalikan na töili logon ta wukin MATAT kilo.

Lewi 7:16

Ama ko rubaŋga lo wukin nye lo a rubaŋga lo milye, kode logon wuki ko tupalikan na töili lo, ködyo nyeni i lor logon nye wukiŋdye rubaŋga lonyit lu, a ŋo nagon a pituŋdyö kata kune nyeni i ko ’bure,

Kenet 29:39

A ta ködyö wukiŋdye MATAT kine ŋo i roriot kasu lo wulwe, a ti rubaŋgajin kasu lo ’yu ’yura ’buluŋ, ko a ti ’dokesi kasu ti ’bolot, ko a ti rubaŋgajin kasu ’bu ’bukesi, ko a ti rubaŋgajin kasu ti taliŋ, mora ko ’dokesi kasu ti milye ko ’dokesi kasu ti tupalikan na töili.

Roma 12:1

Nyenagon luŋasirik kwe, ko-gwon Ŋun a won konyen koyi, nan mo ’yu ta anyen ta wukiŋdya lepeŋ mugunya kasu gwoso rubaŋga loke, ti gwon i tatua, ama anyen gwon jörun i tulyöŋgu na lepeŋ.Ŋina a twöju gwak nagon ködyö lupuŋdyö kasu i töilyet.

Epeso 5:2

Wöröni ta i nyaŋu, gwoso nagon Kristo aje nyaŋi yi na, a wukindye mugun nanyit ko Ŋun a ’doket ko a rubaŋga lo mor paleleŋ kogwon kulya kaŋ.