Ejikele 45:7 - Bibilia Buk na Ŋun nagon koti luŋu a

⁷ A koret na kasaranit ködyö gwe i lele swot lo kak nake na rurwan nagon didiŋö ko kak nagon a na köji na ko i lele swöt, kweja adi nene kak ’dakara i swöt lo tokotyaŋ na kak nake na rurwan nagon didiŋö ko kak nagon a na köji na, a nene ’dakara i swöt lo ’yure lo ŋina kak. A jolan nan kak na kasaranit ködyö gwe jojo ko kak jin nagon a koraki gwoso i ’duŋesi ti kötumit na Yisaraele, a ŋina kak nanyit suluje i lokökorit lo gwon i swöt lo tokotyaŋ tojo ko lokökorit lo gwon i swöt lo ’yure lo jur.

Ejikele 45:7 Iomraidhean Croise

Ejikele 34:24

A nan MATAT mo gwe a ŊUN lose, a koliŋonit lio Dawidi mo gwe a kasaranit kase kiden. Nan MATAT aje jambu.

Ejikele 37:24

A köliŋönit lio Dawidi mo lo gwe a mor lose, a se liŋ mo gwe ko kayukunit geleŋ. A se mo kebbi jujuwesi kwe, a tirikuni ’debba saresi kwe lo wurö.

Ejikele 48:21

A pitönö na pituŋdyö i swöton murek ti koret na pirit nake se ko na köji na kodyö gwe a na kasaranit. A kak na kasaranit ködyö suluje i swöt lo yure lo koret nake nagon a lokiliŋan aliŋan merya murek wot mukanat na, a ’dakara i swöt lo ’yure tojo ko lokökorit lo jur. A köti suluje i swöt lo tokotyaŋ lo koret na pirit nake nagon a lokiliŋan aliŋan merya murek wot mukanat na, a ’dakara i swöt lo tokotyaŋ tojo ko lokökorit lo jur. A ŋina kak na kasaranit ködyö diŋöni ko kak jin nagon a koraki kötumitön kune. A koret na pirit nake se ko pirit nake na rurwan na kadi na ŊUN ködyö gwe i kiden na kine kak jin.

Yosua 19:49

A nagon se aje tutuŋgö kökora-kiŋdya lu jur i lomoriot nu, a ŋutu ti Yisaraele tiŋdi Yosua ŋuro lo Nun lomore nanyit kase kiden.