Ejikele 45:4 - Bibilia Buk na Ŋun nagon koti luŋu a

⁴ A ŋina pirit ködyö ko-rwene a nake na rurwan na jur, a nye ködyö gwe a na koanejin lo kita i pirit nake na rurwan logon mijun nyona i kitakiŋdya na nan MATAT. Iŋkoi, ŋina pirit ködyö gwon a na kadijik kase mora ko pirit nagon kadi nake na rurwan ’duköki kata.

Ejikele 45:4 Iomraidhean Croise

Ejikele 40:45

A lepeŋ takiŋdye nan adi, Na kadi nagon diraddu i swöt lo loki na a na koanejin logon meddya kita na kadi na ŊUN.

Ejikele 40:46

A nene kadi nagon diraddu i swot lo lobot na gwe a na koanejin logon meddya kita i pirit ’yuret na rubaŋgajin; kilo koanejin a nyakwariat ti Sadok. 1 kiden na kötumit na Lewi nyakwariat ti Sadok ka ’de logon a ’buruki i mijörö nyona ko MATAT i kitakiŋdya na lepeŋ.

Ejikele 43:19

A do ködyö tiŋdi Lewijin koanejin logon a ti kötumit na Sadok logon mijun köyö nyona i kitakiŋdya na nan kulo, dwöt lo ’dit anyen wuki nan a rubaŋga lo toron. Kilo a kulyaesi kwe ti MATAT ŊUN.

Ejikele 44:28

Lepeŋat ködyö ti wuju kak a lomore kogwon nan lo gwon a lomore lose. A ta ködyö tine tiŋdu se koret i Yisaraele kogwon nan lo gwon a koret lose.

Ejikele 45:1

A ko ta mo kökoroji kak i gu-ba na guralan nu, a ta ködyö koruŋdye nene kak kata a nake na rurwan nagon a nio na MATAT, a jolan nanyit ködyö gwe a lokiliŋan aliŋan merya murek wot mukanat, a tugalaŋ nanyit gwe a lokiliŋan aliŋan merya murek, a nye ködyö gwe a nake na rurwan i lokökoritan kanyit liŋ.

Ejikele 45:3

A i ŋina kak nake a ta ködyö temuŋdye nene pitit nagon jolan nanyit a lokiliŋan aliŋan merya murek wot mukanat, a tugalaŋ nanyit gwe a lokiliŋan aliŋan puök, anyen pirit nake na rurwan na totopuŋdya gwon kata.

Ejikele 48:8

Nyona ko kak na Yuda, suluja i swöt lo ’yure tojo i swöt lo tokotyaŋ, ködyö gwon a koret nagon ta gelakin a swöt. Temet na ŋina koret a lokiliŋan aliŋan merya murek wot mukanat i tugalaŋ nanyit, a tojolan nanyit gwe jojo ko na kunie koresi na koraki kötumitön kune, suluja i swot lo ’yure tojo i swöt lo tokotyaŋ, a pirit nake na rurwan ködyö gwe i kiden nanyit.

Kenet 16:5

a nye kulyani ko Korak ko teŋ nanyit liŋ adi, Ko ’bure MATAT kwekwe ŋuto logon a lonyit ko logon a loke, a nye mo tomijuŋdye lepeŋ kanyit nyona; iŋkoi ŋuto logon nye a wulun lo a nye mo tomijuŋdye lepeŋ kanyit nyona.