Ejikele 45:2 - Bibilia Buk na Ŋun nagon koti luŋu a

² A i ŋinu kak a ta ködyö koruŋdye nene kak nagon a regorego a na pirit nake na rurwan. Temet nanyit a lokiliŋan miajin mukanat i swötön liŋ. A nene pirit nagon a kölöki kana lolorgi pirit nagon a regorego, temet nanyit a lokiliŋan merya mukanat i tugalaŋ nanyit i swötön liŋ.

Ejikele 45:2 Iomraidhean Croise

Ejikele 27:28

A nagon ŋutu logon tuwöröju do kulo lulujö nu, a tör köbuŋe köbuŋö a ya ’yi ya ’yu parik.

Ejikele 42:15

A nagon ŋilo ŋuto aje tutuŋgö temba lukata na kadi na ŊUN nu, a lepeŋ joŋgi nan kaŋo lupöri kötumit na diraddu i swöt lo ’yure na, a tembi nu pirit ’bukuluŋ.

Ejikele 43:21

A do köti ’dumuŋdye dwöt a lo rubaŋga lo toron logon ’yura i pirit nagon a kore a na kadi na ŊUN i kaŋo na kak nake na rurwan.

Ejikele 45:1

A ko ta mo kökoroji kak i gu-ba na guralan nu, a ta ködyö koruŋdye nene kak kata a nake na rurwan nagon a nio na MATAT, a jolan nanyit ködyö gwe a lokiliŋan aliŋan merya murek wot mukanat, a tugalaŋ nanyit gwe a lokiliŋan aliŋan merya murek, a nye ködyö gwe a nake na rurwan i lokökoritan kanyit liŋ.

Ejikele 45:3

A i ŋina kak nake a ta ködyö temuŋdye nene pitit nagon jolan nanyit a lokiliŋan aliŋan merya murek wot mukanat, a tugalaŋ nanyit gwe a lokiliŋan aliŋan puök, anyen pirit nake na rurwan na totopuŋdya gwon kata.