Ejikele 45:19 - Bibilia Buk na Ŋun nagon koti luŋu a

¹⁹ A koane kodyö ’dumuŋdye kunie rima nagon a ti rubaŋga lo toron, a ’bulukiŋdye se i kaden ti kötumit na kadi nio, ko i tusesi iŋwan ti pirit ’yuret na rubaŋgajin, se ko i kaden ti kotumit nagon lupörikin i ’baŋ lo lukata.

Ejikele 45:19 Iomraidhean Croise

Ejikele 43:14

A ŋina ködyö gwe a tojolan na pirit ’yuret na rubaŋgajin, kweja adi suluja kak i gwo ’diet tojo ko i mukök na ŋurupit lobot gwe a lokiliŋan murek ki, a tugalaŋ nanyit i tuset gwe a lokiliŋ geleŋ; a suluje i mukök na ŋurupit lobot tojo ko mukök na ŋurupit lo ’dutet gwe a lokiliŋan iŋwan ki, a tugalaŋ nanyit i tuset gwe a lokiliŋ geleŋ;

Ejikele 43:17

A i mukök nanyit gwe a ŋurupit lobot logon tojolan nanyit a lokiliŋan puök wot iŋwan, a tugalaŋ nanyit gwe a lokiliŋan puök wot iŋwan köti, a togulu nanyit suluja i kutuk tojo kiden gwe a swöt na lokiliŋ i lolorga na swötön kanyit liŋ. A gwo ’diet na ŋina pirit ’yuret na rubaŋgajin gwe a lokiliŋ geleŋ i tuset lonyit, a kiyesi gwe kata nagon diraddu i swöt lo ’yure.

Ejikele 43:19

A do ködyö tiŋdi Lewijin koanejin logon a ti kötumit na Sadok logon mijun köyö nyona i kitakiŋdya na nan kulo, dwöt lo ’dit anyen wuki nan a rubaŋga lo toron. Kilo a kulyaesi kwe ti MATAT ŊUN.

Ejikele 43:20

A do ködyö ’dumuŋdye kunie rima ti ŋilo dwöt, a ’bulukiŋdye i oŋgwora iŋwan ti pirit ’yuret na rubaŋgajin kulo, ko i tusesi iŋwan ti kutuk nanyit logon lolorga lepeŋ kulo; nyena a do lalaji pirit ’yuret na rubaŋgajin sona, i toke ’ya na lepeŋ.

Ejikele 46:1

Nan Matat Ŋun lo kulya adi, Kotumit na lupörikin i ’baŋ lo lukata lo kadi nio nagon diraddu i swot lo ’yure na kodyo gwon kinu i perok buker logon a kitaesi, a kodyo ŋani i lor lo sabata ko i yapa wilo.

Ejikele 46:2

A kasaranit kodyo lupöri baraŋöa na kadi najo na gwon i kotumit na kaŋo tojo i lukata, a lepeŋ gwo ’de nyona ko kodini lo kotumit. A koanejin kodyo wukiŋdye rubaŋga lo ’yu ’yura ’buluŋ logon a lo kasaranit se ko rubaŋgajin kanyit ti taliŋ. A ŋilo kasaranit kodyo rugwuŋökine kak i kwakwaddu i lupet na kotumit nagon tuloddu lukata. A lepeŋ kirut lupöni kaŋo, ama a kotumit tine kinu tojo ko koriri i ’doro na kolor.

Lewi 16:16

a nye toke ’yi pirit nake na rurwan sona, i kulya ti tolutesi ti ŋutu ti Yisaraele, ko i kulya ti tukwölöŋesi kase, iŋkoi i kulya ti toronjin kase liŋ; a nye toke ’yi nu kemia torumet sona nagon si ’da ko lepeŋat i kiden na tolutesi kase nu.