Ejikele 45:17 - Bibilia Buk na Ŋun nagon koti luŋu a

¹⁷ A ŋina ködyö gwe a kita na kasaranit i tiŋdu na ŋo ti rubaŋgajin lo ’yu ’yura ’buluŋ, ko ’bolot nagon a ’dokesi, se ko rubaŋgajin ’bu ’bukesi i diŋit naroriot, ko i diŋit na yapala wilo, ko i sabatajin, kweja adi i roriot liŋ lo wulwe ti kötumit na Yisaraele; iŋkoi, lepeŋ ködyö tiŋdu ŋo ti rubaŋgajin ti toron, ko ’bolot nagon a ’dokesi, ko rubaŋgajin lo ’yu ’yura ’buluŋ se ko rubaŋgajin ti taliŋ a tokelesi ti kötumit na Yisaraele.

Ejikele 45:17 Iomraidhean Croise

2 Samuele 6:19

A nye gwelakiŋdye lodir liŋ lo ŋutu ti Yisaraele lyan ko wate, ŋutu liŋ geleŋ geleŋ a tiki ambata ko koret na lokore, ko ludweki ti binyo lo nunutu a ambata. A ŋutu liŋ reara reara kase midijik.

2 Dekat 30:24

Kogwon Kijikia mor lo Yuda a tiŋdu ŋutu lo momora kulo öwönin aliŋ geleŋ ko köbilu aliŋan buryo a ti rubaŋgajin, a ŋutu lokukwon iŋge tiŋdu ŋutu lo momora kulo öwönin aliŋ geleŋ ko köbilu aliŋan puök; a koanejin iŋge toke ’ya ’borik jore parik.

2 Dekat 31:3

A mor tiŋdi ’dokesi nagon a toro ’bo kanyit a ti rubaŋgajin lo ’yu ’yura ’buluŋ temba i ko ’bure ko i sömukö i ’doro na kolor, ko a ti sabatajin, ko a ti wilun na yapala, se ko ti roriot lo wulwe, gwoso a wurö i saresi ti MATAT.

2 Dekat 5:6

A mor Solomona ko kurumi liŋ na Yisaraele, logon a momora kanyit i komor kulu iti i ŋerot na nu saŋduk, a se gwe i ’du ’duŋoddu na rubaŋgajin kase ti köbilu ko dwoŋin jore parik logon ti bulo kena kwoŋ.

Ejira 1:5

A kirut kusik ti kotumiton ti merenyejin logon a ti Yuda ko ti Benyamina, ko koanejin se ko Lewijin poki i teteŋdya na ’borik, kilo a ŋutu logon ŋun a toŋiju yeyeesi kase anyen tu nyoggu ’duggo kadi na MATAT na gwon Yerusalema yu.

Saumajin 22:29

Kabulak ti kusik liŋ mo dulaki kak kanyit i komor; ŋutu liŋ logon a liŋo kana kilo mo rosokaki kak kanyit i komor, kweja adi se liŋ logon mo twatwa kilo.

Saumajin 68:18

Na tiri nye ki nu, nye nyömöddu ŋutu jore lo momo-ka, a nye iŋge wuju ’dokesi nagon ŋutu karenyak a tin lepeŋ kune. MATAT Ŋun si ’da kata.

Yisaya 66:23

A ŋutu liŋ mo poŋdi i kwakwaddu köyö i komor, suluja i wilun na yapa tojo i wilun na lele yapa, ko i sabata tojo i lele sabata, nan MATAT lo kulya.

Ejikele 43:27

A nagon kilo perok aje ’baka nu, a suluje i lor tobudök tojo ko ŋerot, a koanejin ködyö wukiŋdye rubaŋgajin kasu lo ’yu ’yura ’buluŋ se ko rubaŋgajin kasu ti taliŋ i loki na ŋina pirit ’yuret, a nan mo wuji ta. Kilo a kulyaesi kwe ti MATAT ŊUN.

Ejikele 45:15

A i teŋ geleŋ na yidin miajin murek köbilityo geleŋ ködyö ’dumwe kata i kötumitön ti Yisaraele. Kine ŋo liŋ tiki anyen wuki a ’dokesi ti ’bolot, ko a rubaŋgajin lo ’yu ’yura ’buluŋ ko a rubaŋgajin ti taliŋ, anyen toke ’ya ŋutu ti Yisaraele, ŋilo a nan MATAT ŊUN lo jambu.

Ejikele 46:1

Nan Matat Ŋun lo kulya adi, Kotumit na lupörikin i ’baŋ lo lukata lo kadi nio nagon diraddu i swot lo ’yure na kodyo gwon kinu i perok buker logon a kitaesi, a kodyo ŋani i lor lo sabata ko i yapa wilo.

Lewi 4:27

A ko lele lo ŋutu kana a toroŋdya ’bak denet i koŋdya na nene na kine ŋo nagon MATAT a sarakin adi ti kona kine, nye gwon ko toron,

Kenet 29:29

A i lor tobuker lonyit a ta ködyö wukiŋdye dwönin budök ko lopijoki murek, ko yisi puök wot iŋwan logon ko kiŋa geleŋ logon ’bak yuyukesi,

Yoane 1:16

A yi liŋ iŋge ’yalaki ’busan na nyaŋu i nene ’busan loki nagon ’dumwe i gugu lonyit logon a jore adi milin.

Epeso 5:2

Wöröni ta i nyaŋu, gwoso nagon Kristo aje nyaŋi yi na, a wukindye mugun nanyit ko Ŋun a ’doket ko a rubaŋga lo mor paleleŋ kogwon kulya kaŋ.

Kolosai 3:17

Ko ta koŋdya nyo, kode i jambu, kode i konesi, koŋdi ta ŋo liŋ i karin ti Matat Yesu, titiŋdu Ŋun Monye tinate i karin kanyit.

Ebere 13:10

Yi gwon ko pirit ’yuret na rubaŋga jin nagon koanejin lo kita i Kemia lukata kulo a ko ’buruki i nyesu kata.

Ebere 13:15

Nyenagon kogwon kulya ti Yesu, ti yi ŋupi wukiŋdye Ŋun rubaŋga pupuret logon lupuŋdyö kayaŋ i kutusen i ’diŋdya na karin kanyit.

1 Petero 2:24

Nye lepeŋ lo ’doŋu toronjin kaŋ kanyit i mugun i kodini, anyen yi boŋo twatwa i kulya ti toron ko anyen ruru i kulya ti loti lo rigwo.

1 Petero 3:18

Kogwon Kristo köti a twan daŋ geleŋ a ’dutet kogwon toronjin kaŋ; lepeŋ a ŋuto lo ’but a iŋge twan kogwon ŋutu lorok anyen joŋga yi ko Ŋun yu. Lepeŋ a tatua i mugun ama a toruöni i ködudwö.