Ejikele 45:15 - Bibilia Buk na Ŋun nagon koti luŋu a

¹⁵ A i teŋ geleŋ na yidin miajin murek köbilityo geleŋ ködyö ’dumwe kata i kötumitön ti Yisaraele. Kine ŋo liŋ tiki anyen wuki a ’dokesi ti ’bolot, ko a rubaŋgajin lo ’yu ’yura ’buluŋ ko a rubaŋgajin ti taliŋ, anyen toke ’ya ŋutu ti Yisaraele, ŋilo a nan MATAT ŊUN lo jambu.

Ejikele 45:15 Iomraidhean Croise

Ejikele 45:14

Saret i kulya ti welet gwon sona, adi: i kor geleŋ na welet swöt topuökit na bat geleŋ na welet ködyö ’dumwe kata. (Kor geleŋ gwoso komer nagon temba bajin puök.)

Ejikele 45:17

A ŋina ködyö gwe a kita na kasaranit i tiŋdu na ŋo ti rubaŋgajin lo ’yu ’yura ’buluŋ, ko ’bolot nagon a ’dokesi, se ko rubaŋgajin ’bu ’bukesi i diŋit naroriot, ko i diŋit na yapala wilo, ko i sabatajin, kweja adi i roriot liŋ lo wulwe ti kötumit na Yisaraele; iŋkoi, lepeŋ ködyö tiŋdu ŋo ti rubaŋgajin ti toron, ko ’bolot nagon a ’dokesi, ko rubaŋgajin lo ’yu ’yura ’buluŋ se ko rubaŋgajin ti taliŋ a tokelesi ti kötumit na Yisaraele.

Ejikele 45:20

A ta kodyo koti koŋdi sona i perok buryo ti yapa kogwon ŋuto lo lyaŋan kode logon yeyeesi a namunyak, nyena a ta ködyo toke ’yi kadi nio sona.

Daniele 9:24

Adi jimalan merya buryo logon a kiŋajin kulo a saraki a kwe na kulya ti ŋutu kulök ko i köji inot nake. Kilo jimalan a tutupesi ti lyaŋesi, ko a tu ’bakaesi ti toronjin, ko a lalaesi ti kulya narok, anyen joŋdya torigwo na yeŋ nyin, anyen kwekiŋdya adi ŋo na memeta se ko nebi a gwak, anyen welakiŋdya pirit nake parik na toto-puŋdya.

Lewi 1:4

a ŋilo ŋuto ködyö sopakiŋdye könin lonyit ko lu rubaŋga lo ’yu ’yura ’buluŋ i kwe, a lu mönik rukökine ŋilo ŋuto anyen tokelari lepeŋ.

Lewi 6:30

A ma ti rubaŋga lo toron gwe ti nyei logon rima kanyit a joŋa tojo i kemia torumet lukata, anyen tokelarikin toron i lukata na pirit nake na rurwan; ŋilo rubaŋga totumö ko kimaŋ.

Malaki 1:14

Ti kamumulukanit logon a milyekiŋdyo ’dogga ko lopijot i toro ’bo kanyit lo, ama kolumbo a nye ’duŋokiŋdye MATAT ŋo lo bata, ti ŋilo ŋuto lomoni lomo; kogwon nan MATAT lo kurumi lo kulya adi, Nan logon a mor duma, a karin kwe kujonorikin kujonorikin i kiden na gweyajin liŋ ti ŋutu.

Malaki 1:8

Ko ta wukiŋdya toro ’bo mo ’dokeno a rubaŋgajin, ŋina ’bayin a toron le? A ko ta wukiŋdya kine Ŋo nagon a bata kode a ŋilo, a ŋina ’bayin a toron le? Ko ta tiŋdu modir losu ’doket gwoso ŋina nye ŋona lyolyoŋon ko ta kode ’du ’dulukin ta ki le? ŋilo a nan MATAT lo kurumi lo pija.

Roma 5:10

Kogwon ko twan na Ŋuro lo Ŋun a tomoruŋdya yi ko Ŋun i diŋit nagon yi nyuŋ a merok nu, bia parik yi logon aje tomora ko Ŋun kulo mo lwölwökö kogwon Ŋuro lonyit aje ru i twan.

Epeso 2:16

Lepeŋ a twan i ködini na görö anyen tomoruŋdya yi ko Ŋun ni a mugun geleŋ, a iŋge tu ’baka ’yu tomirikulan ko ŋina twan nanyit.

Kolosai 1:21

Ta koti ko ’borik kasu köju a gwon pajo ko Ŋun, ta a gwon a merok kanyit kasu i yeyeesi ko kasu i konesi narok kine.

Ebere 2:17

Nyena Ŋina a kwe nagon lepeŋ agu ködyö kona gwoso luŋasirik kanyit i ŋo luŋ, anyen nye böŋö gwon a koane duma lo won konyen ko a lo yiyiniki i kitakiŋdya na Ŋun, anyen nye böŋö lalaju toronjin ti Ŋutu.