Ejikele 44:7 - Bibilia Buk na Ŋun nagon koti luŋu a

⁷ Ta aje rukuŋdyö Lwaka logon töilyet kase se ko mugunya kase a ko tawero kilo anyen gwon i pirit nio nake na rurwan, i tolu-ddya na kadi nio i diŋit nagon ta wukiŋdya nan kinyo lio nu, kweja adi kine a lokorio nagon a welesi se ko rima, a lepeŋat iŋge ’beleŋgu tomoret nio a ’ya ’yi konesi kasu na mamana kine.

Ejikele 44:7 Iomraidhean Croise

Suluet 17:14

Lunsatyo logon a ko tawero i ka ’bi ’binya lo mo koraji kaŋo i kiden na Ŋutu kanyit; nye aje ’beleŋgu tomoret nio.

Yuörö 12:43

A MATAT kulyani ko Mose ko Arona adi, Lo a saret lo wurö i kulya ti Pasaka. Lwakatyo a ko ’buruki i nyesu kinyo lo Pasaka;

Yuörö 12:48

A ko ŋuto logon a lepetyo kata konut logon ’dek koŋdya Pasaka lo MATAT, ti Ŋutu kanyit lyan liŋ tawe-roni tawero, a kirut ti lepeŋ ’burukine i moruŋdya kata; a nye de gwe gwoso ŋuto lo yuŋwe i jur. Ama ŋuto logon a a ko tawero lo ti gwe ti ’buruki i nyesu kwöŋ.

Yisaya 24:5

A kak iŋge toluta ko ŋutu logon si ’da kata kulo; kogwon se a topoŋdya saresi, a se laŋgi saresi lo wurö, a se ’beleŋgi tomoret na yeŋ nyin.

Yeremia 11:10

Lepeŋat aje löpu­köddu bot i toronjin ti merenyejin kase logon a renya yiŋga kulyaesi kwe kulo. Lepeŋat a kepoddu kulye ŋunyen, a kitakiŋdye se; a kötumit na Yisaraele se ko na Yuda iŋge ’beleŋgu tomoret nio nagon nan se ko merenyejin kase köju a teten na.

Yeremia 31:32

ŋina tomoret ti gwon gwoso tomoret nagon nan aje teten ko merenyejin kase nu, i diŋit nagon nan a mokara se ko könin a jiköddi se kapo i jur lo Ejipeto nu. Lepeŋat a ’beleŋgu tomoret nio ma ’di nagon nan a lalet lose, ŋilo a nan MATAT lo jambu.

Yeremia 4:4

Ta ŋutu ti Yuda se ko lo si ’da Yerusalema kilo, Tawere ta tawer ’börik anyen ta gwon a ŋutu kwe nan MATAT, toke ’yi ta toilyet kasu gwoso ŋutu lo ta Weiju ’börik; an woran nio tuloro kaŋo gwoso kimaŋ nagon ti bulo peŋa, i kulya ti konesi kasu naŋon kine.

Yeremia 9:25

Nan MATAT lo kulya adi, Mete, perok kilo popo logon nan mo riŋge ŋutu liŋ logon a tawero ama meta gwoso a ko tawero kilo,

Yeremia 9:26

kweja adi, ŋutu ti Ejipeto, ko ti Yuda, ko ti Edom, ko ŋutu ti Amon, ko ti Moaba, se ko ŋutu liŋ logon si ’da i yöbu na sese logon ’duŋgö kupir ti komorsikan kase kilo; kogwon kilo jurön liŋ a ko tawero, a kötumit na Yisaraele liŋ gwe a ko tawero kase i töilyet.

Ejikele 22:26

Koanejin kanyit aje gubakin saresi kwe ti MATAT kak, a iŋge toluddya ŋo kwe nake na rurwan; a lepeŋat gwe a ko koŋa ŋo nake na rurwan ko ŋo nagon abur kana, a se gwe a ko todini-kiŋdyö tuka ’de na kinyojin logon a loke logon a ’buruki anyen nyenyei ko logon ’bayin a loke, a se gwe a ko ’debba sabatajin kwe, a nan kirut iŋge lawe kase kiden.

Ejikele 44:15

Ama koanejin logon a Lewijin logon a nyakwariat ti Sadok, se lo tiju pirit nio nake na rurwan i diŋit na giraddi ŋutu ti Yisaraele kaŋo köyö nu; kilo ŋutu ködyö lo mijun köyö ni i kitakiŋdya na nan, a se molu gwo ’de köyö i komor anyen wukiŋdya nan lokorio nagon a welesi se ko rima. Kilo a kulyaesi kwe ti MATAT ŊUN.

Ejikele 44:9

Nan MATAT ŊUN lo kulya adi, Lwaka logon a ko tawero i töilyet ko i mugunya kulo ’bayin logon bubulö lupö i pirit nio nake na rurwan, ’bayin ma ’di Lwaka lo si ’da i kiden na ŋutu ti Yisaraele.

Ejikele 7:20

Lepeŋat bu ’ya ’börik ko minyojin lokwekwelen, logon se teten a nyömuejin kase lorok lo mamana; nyenagon a nan mo konakiŋdye se minyojin kase gwoso korodo.

Lewi 17:11

Kogwon ru na mugun gwon i rima; a nan aje tiŋdu ta kine rima i pirit ’yuret na rubaŋgajin loki i toke ’ya na ta; kogwon rima nagon a ru na mugun gwon a tokelesi.

Lewi 21:17

Tambi ko Arona adi, Ko ŋa lo nya-kwariat kulök i toberon nase liŋ logon gwon ko nene yuyuket, ti nye gwe ti mijun nyona i wukiŋdya na Ŋun lonyit kinyo.

Lewi 21:21

iŋkoi a ŋuto gwe ’bayin lo nyakwariat ti koane Arona logon gwon ko nene yuyuket, logon ködyö mijun nyona i wukiŋdya na MATAT rubaŋgajin lo ’yu ’yura; iŋkoi lepeŋ ködyö ti mijun nyona i wukiŋdya na ŋun lonyit kinyo kogwon nye gwon ko yuyuket.

Lewi 21:6

A se ködyö gwe a loke ti Ŋun lose, a ködyö tine toluddya karin ti Ŋun lose; kogwon se wukiŋdya MATAT rubaŋgajin lo ’yu ’yura logon a kinyo lo Ŋun lose; nyenagon a se ködyö gwe a loke.

Lewi 21:8

A do ködyö geluŋdye lepeŋ kaŋo, kogwon nye lo wukiŋdya Ŋun losu kinyo; a nye ködyö gwe a loke kasu; kogwon nan MATAT logon a geluŋdya ta lo, nan a loke.

Lewi 22:25

A ta köti ködyö tine wukiŋdya nene na ŋo nagon ta a ryö ko lwaka i könisi kune a kinyo liŋ lo ŋun losu. Kogwon se gwon ko yuyukesi, kogwon se a mimiyika, a nan mo tine rukökin ta se.

Lewi 26:15

a ko ta rerenya saresi kwe lo wurö a töilyet kasu maŋdi kulya na ’duŋ nan kune, a ta gwe ti koŋdya saresi kwe liŋ ama a ta ’beleŋgi tomoret nio,

Lewi 26:41

a nan wöröjine a wok kasu a joŋgi lepeŋat tojo i jur lo merok kase; nyena ko töilyet kase logon a ti ŋutu logon a ko yubbö nan kulo a tokoyokwe kak, a se iŋge ropakin ŋonyan nase;

Malaki 1:7

Ta a lauŋdya karin kwe kogwon ta a wukiŋdya kinyo logon a lut koyo i pirit ’yuret na rubaŋgajin. A ta waddi pija adi, Yi tolut do ada? Adi, Kogwon ta yeyeju adi, Misa na MATAT ’bayin a nene ŋo.

Malaki 2:4

Nyena a ta mo deŋdi adi nan lo sunyukiŋdyo ta ŋilo saret, anyen tomoret nio ko kotumit na Lewi boŋo gwo ’dan go, nan MATAT lo kurumi lo kulya.

Malaki 2:8

Ama nan MATAT lo kurumi lo kulya adi ta aje girara kaŋo i ŋilo kiko; a ta aje tukopuggo ŋutu jore i kulya ti saresi kasu; ta aje koŋu tomoret nio ko Lewijin,

Konesi 21:28

a lepeŋat kulyajine ki adi, Ta ŋutu ti Yisaraele, paraki ta yi! Ŋilo a ŋuto logon todiŋdyö ŋutu arabat i piritön liŋ i kulya ti ŋutu kaŋ ko i kulya ti Saresi kaŋ ko i kulya ti na pirit; a nye köti joŋdi ŋutu ti kulye jurön i Kadi na Ŋun, a iŋge toluddya na pirit nake na rurwan.

Konesi 7:51

Nyena ta ŋutu logon ko muruto a nawo ’duŋak, logon toilyet se ko swo kasu gwon gwoso ti ŋutu logon ti yubbö ŋun, ta ŋupi renya Mulökötyo Loke. Ta kelaji ko merenyejin kasu.

Nyökit 10:16

Nyenagoŋ taweŋi ta ’böriköt na muggö töilyet kasu, ko an ta ko gwon a miŋeki köti.

Nyökit 30:6

a MATAT Ŋun losu mo taweŋi ’böriköt na muggö töilyet kasu ko töilyet ti ŋwajik kasu, anyen ta böŋö mo nyaŋu MATAT Ŋun losu ko töilyet kasu liŋ se ko ködu dwölön kasu liŋ anyen ta böŋö gwon jörun.

Nyökit 31:16

A MATAT kulyani ko Mose adi, Mete, do lo gwe nyona ko twan gwoso merenyejin kulök; a kulo ŋutu mo ŋiki i biryeni na ’börik gwoso ŋutu kalupök i kulye Ŋun yen ka ’de ka ’de ti lu jur logon se a tu kase kiden kulu, a se mo kö ’yi nan a mo ’beleŋgi tomoret nio nagoŋ nan aje teteŋdya ko se na.

Nyökit 31:20

Kogwon molu ko nan aje joŋdya se i jur logon ko le ko siwatat ’do ’dokon kata lu, logon nan a milyekin merenyejin kase lu, a ko se aje nyesu, a yimönöni yimönö, a pire pirön, a se mo löpu-köddi i kulye Ŋunyen a kitakiŋdye se, a mo lauŋdye nan, a mo ’beleŋgi tomoret nio.

Ebere 8:9

ŋina tomoret ti gwon gwoso tomoret nagon nan köju aje teten ko merenyejin kase nu, i lor logon nan a mokara se ko könin a jiköddi se kaŋo i jur lo Ejipeto nu; kogwon lepeŋat a ko yeŋon ’debba tomoret nio a nan iŋge kölökin rurugga se ŋilo a kulyaet lio lo Matat.