Ejikele 44:15 - Bibilia Buk na Ŋun nagon koti luŋu a

¹⁵ Ama koanejin logon a Lewijin logon a nyakwariat ti Sadok, se lo tiju pirit nio nake na rurwan i diŋit na giraddi ŋutu ti Yisaraele kaŋo köyö nu; kilo ŋutu ködyö lo mijun köyö ni i kitakiŋdya na nan, a se molu gwo ’de köyö i komor anyen wukiŋdya nan lokorio nagon a welesi se ko rima. Kilo a kulyaesi kwe ti MATAT ŊUN.

Ejikele 44:15 Iomraidhean Croise

2 Samuele 8:17

a Sadok ŋuro lo Akituba, ko Akimelek ŋuro lo Abyatar gwe a koanejin; a Seraya gwe a kawu-rönit;

1 Moran 2:35

A mor tiŋdi Benaya ŋuro lo Yoyada a duma lo kamörök, i ruddya na pirit na Yöaba, a mor tiŋdi koane Sadok i ruddya na pirit na Abyatar.

Yeremia 33:18

a koanejin Lewijin mo ŋupi gwe ko ŋutu logon po köyö i komor i wukiŋdya na rubaŋgajin lo ’yu ’yura ’buluŋ, ko i ’yuŋa na ’dokesi ti ’bolot, ko i wukiŋdya na rubaŋgajin ŋupi ŋupi.

Ejikele 14:11

A kötumit na Yisaraele mo köti tine girara kaŋo köyö, a se mo tine toluddya ’börik köti i laŋgu na saresi kwe, a se mo gwe a ŋutu kwe a nan mo gwe a ŊUN lose. Ŋilo a kulyaet lio lo MATAT ŊUN.

Ejikele 40:45

A lepeŋ takiŋdye nan adi, Na kadi nagon diraddu i swöt lo loki na a na koanejin logon meddya kita na kadi na ŊUN.

Ejikele 40:46

A nene kadi nagon diraddu i swot lo lobot na gwe a na koanejin logon meddya kita i pirit ’yuret na rubaŋgajin; kilo koanejin a nyakwariat ti Sadok. 1 kiden na kötumit na Lewi nyakwariat ti Sadok ka ’de logon a ’buruki i mijörö nyona ko MATAT i kitakiŋdya na lepeŋ.

Ejikele 43:19

A do ködyö tiŋdi Lewijin koanejin logon a ti kötumit na Sadok logon mijun köyö nyona i kitakiŋdya na nan kulo, dwöt lo ’dit anyen wuki nan a rubaŋga lo toron. Kilo a kulyaesi kwe ti MATAT ŊUN.

Ejikele 44:10

Ama Lewijin logon aje girara kaŋo pajo köyö kulo i kepoddu na nyömuejin kase logon a punyen i diŋit na giraddi ŋutu ti Yisaraele i toron nu, lepeŋat ködyö ŋogoŋ riŋet na toron nase.

Ejikele 44:7

Ta aje rukuŋdyö Lwaka logon töilyet kase se ko mugunya kase a ko tawero kilo anyen gwon i pirit nio nake na rurwan, i tolu-ddya na kadi nio i diŋit nagon ta wukiŋdya nan kinyo lio nu, kweja adi kine a lokorio nagon a welesi se ko rima, a lepeŋat iŋge ’beleŋgu tomoret nio a ’ya ’yi konesi kasu na mamana kine.

Ejikele 48:11

A ŋina pirit ködyö gwe a na nyakwariat ti Sadok logon a ’boroki a koanejin, logon a tiju ’debba saresi kwe kulo, a gwe a ko girara i toron gwoso na koŋdi Lewijin i diŋit na giraddi ŋutu ti Yisaraele i toron nu.

Lewi 3:3

A nye ’duŋuŋdye i rubaŋga lo taliŋ kata lele swöt logon ’yuraki MATAT, kweja adi welet na röbbu monyet ko welesi liŋ na gwon i monyet,

Kenet 16:5

a nye kulyani ko Korak ko teŋ nanyit liŋ adi, Ko ’bure MATAT kwekwe ŋuto logon a lonyit ko logon a loke, a nye mo tomijuŋdye lepeŋ kanyit nyona; iŋkoi ŋuto logon nye a wulun lo a nye mo tomijuŋdye lepeŋ kanyit nyona.

Kenet 18:5

A ta ködyö kitani kitajin ti pirit nake na rurwan ko kitajin ti pirit ’yuret na rubaŋgajin, an woran ko pokin köti ko ŋutu ti Yisaraele loki.

Kenet 18:7

A do se ko ŋwajik kulök i pirit na geleŋ ködyö kitani a koanejin i kulya ti ŋo liŋ ti pirit ’yuret na rubaŋgajin ko i kulya ti ŋo na gwon i lukata na boŋgo koret kune; ŋina a kita nasu. Nan a ’dogga ta i kita a koanejin. Ŋuto logon ’bayin a Lewityo lo mijun nyona lo ködyö tatatua.

Nyökit 10:8

A i nu diŋit, a MATAT geluŋdye kötumit na Lewi i ’dokoddu na saŋduk na tomoret na MATAT, ko i gwo ’dan ko MATAT i komor i kitakiŋdya na lepeŋ, ko i ’boroja na ŋutu ’diŋdya karin ti MATAT tojo ko lo lor.

2 Timoteo 2:2

Do a yiŋ kulya na todin nan kune i komor na ŋutu jore. Todiniki kine kulya i ŋutu logon yiyiniki, logon jujukin todinikindyo i kulye ŋutu koti.

Kweyatti 2:1

Wuroki malaikatat lo kanisa na gwon Epeso na adi, Kilo a kulyaesi ti nye lo ’debba kaser buryo kanyit i könin lutaten, lo wörö i kiden na lombojin buryo logon a dakaŋ lo.

Kweyatti 2:12

Wuroki malaikatat lo kanisa na gwon Pergamo na adi, Kilo a kulyaesi ti nye lo gwon ko baŋdu lo pilan swötön murek.

Kweyatti 2:18

Wuröki malaikatat lo kanisa na gwon Tuwatira na adi, Kilo a kulyaesi ti Ŋuro lo Ŋun, logon konyen kanyit poŋu gwoso ŋedepa ti kimaŋ lo, logon mokosi kanyit gwon gwoso mölwö nagon aje nama ko aje ŋoto a nake lo.

Kweyatti 2:8

Wuröki malaikatat lo kanisa na gwon Samurna na adi, Kilo a kulyaesi ti nye logon a suluet ko a ’dutet lo, logon koju a twan ko koti aje ru lo.

Kweyatti 3:1

Wuröki malaikatat lo kanisa na gwon Sardi na adi, Kilo a kulyaesi ti nye lo gwon ko mulökö buryo ti Ŋun se ko kaser buryo lo. Adi, Nan deden konesi kunök. Karin kunök kukwön adi do gwon jörun ama do a twan.

Kweyatti 3:14

Wuroki malaikatat lo kanisa na gwon Laodikia na adi, Kilo a kulyaesi ti Amin, logon a katokoronit logon gwo ’dan go ko a lo to ’diri, logon po liŋ na gwe Ŋun kine pipiluŋdya ko lepeŋ i mugun lo.

Kweyatti 3:22

Ŋuto logon ko swö lo ti nye yiŋge po nagon Mulökötyo Loke a takin kanisajin kune.

Kweyatti 3:7

Wuröki malaikatat lo kanisa na gwon Piladelapia na adi, Kilo a kulyaesi ti ŋilo Loke logon a ’diri, logon ko ŋaet lo Dawidi lo; a ko nye a ŋaju kötumit, a ŋuto gwe ’bayin lo kikiŋdu, a ko nye a kiŋdu, a ŋuto gwe ’bayin lo ŋaŋaju.

1 Samuele 2:35

A nan mo topukokiŋdye mugun koane lo yiyiniki i kita logon mo koŋdya ŋo nagon nan ’de ’dekan köyö i töili ko i yeyeesi kune. A nan mo tetenakiŋdye lepeŋ kötumit nagon a gwak, a nye mo kitani ŋupi i komor na ŋuto liŋ lo welaki a mor lo.