Ejikele 44:12 - Bibilia Buk na Ŋun nagon koti luŋu a

¹² Nyena kogwon se a kitakiŋdya lepeŋat i komor na nyömuejin kase logon a punyen, a iŋge tiŋdu kötumit na Yisaraele i ’doro kogwon toron nase, nyenagon nan MATAT ŊUN lo kulya adi, ’Diri ’diri nan aje milyeju i kulya kase adi se mo poŋga ripet na toron nase.

Ejikele 44:12 Iomraidhean Croise

Saumajin 106:26

Nyenagon a nye ’bi ’yi könin lonyit ki a milyeji ko se adi, ’Diri ’diri nan mo tatatu ta i yöbu,

Yisaya 9:16

kogwon kanyomök ti kilo ŋutu totogiraddu lepeŋat, a se logon a nyömöji ko lepeŋat kilo wiloni wilö asut.

Ejikele 20:15

A nan köti köju iŋge ’doggu könin ki i milyekiŋdyö na se i yöbu yu adi, nan ködyö ti joŋga se i jur logon nan a tikin se lu, ŋilu a jur lo ’dokon a le ko a siwatat, ko a jur lokwekwelen lwölwöŋ jurön liŋ,

Ejikele 20:23

Iŋkoi, a nan iŋge ’doggu könin lio ki i milyekiŋdyö na se i yöbu yu adi nan ködyö totorekin se i kiden na gweyajin ti ŋutu ti jurön,

Ejikele 20:28

Kogwon na joŋdi nan se köju i jur logon nan a milyeju i tiŋdu na se lu, a se iŋge meddya lurwat liŋ lojo, se ko kaden liŋ logon ko koropo jore, a se wukiŋdye rubaŋgajin kase nyu, a tiŋdi ’dokesi kase nyu nagon towoŋa nan; köti a se wukiŋdye ’dokesi na mon paleleŋ a ’bukökiŋdye rubaŋgajin ’bu ’bukesi nyu.

Ejikele 20:6

I ŋilu lor nan a ’doggu könin ki i milyekiŋdyö na se adi, Nan mo jojon ta kaŋo i jur lo Ejipeto tojo i jur logon nan aje galakin ta lu, ŋilu ajur logon ’dokon a le ko a siwatat, ko ajur lokwekwelen lwölwöŋ jurön liŋ.

Ejikele 44:10

Ama Lewijin logon aje girara kaŋo pajo köyö kulo i kepoddu na nyömuejin kase logon a punyen i diŋit na giraddi ŋutu ti Yisaraele i toron nu, lepeŋat ködyö ŋogoŋ riŋet na toron nase.

Ejikele 44:13

Lepeŋat ti po köyö nyona i kitakiŋdya na nan gwoso koanejin; lepeŋat ti mijun nyona ko nene na po kwe nake na rurwan se ko i po nake parik na rurwan na totopuŋdya; kölumbö a lepeŋat mo wuji yu na kusik kogwon po na mamana nagon se a kon kune.

Ejikele 48:11

A ŋina pirit ködyö gwe a na nyakwariat ti Sadok logon a ’boroki a koanejin, logon a tiju ’debba saresi kwe kulo, a gwe a ko girara i toron gwoso na koŋdi Lewijin i diŋit na giraddi ŋutu ti Yisaraele i toron nu.

Osea 4:6

Ŋutu kwe tukara kogwon tu ’ba-kan na deŋdya; nyena kogwon ta renya deŋdya na kulya, a nan koti mo renyani ta i gwon a koanejin kwe. Nyena kogwon ta aje böŋöri saresi kwe ti Ŋun losu, a nan koti mo böpori böŋöri ŋwajik kasu.

Osea 4:9

A nan mo konakiŋdye ŋutu kana se ko koanejin liŋ jojo. A nan mo riŋge Lepeŋat kogwon gwiliŋisi kase, iŋkoi, nan mo ropakiŋdya se kogwon konesi kase.

Osea 5:1

Ta koanejin, yiŋgetakine kulya, ta ŋutu ti kötumit na Yisaraele, yiŋge ta go, ta ŋutu ti mede na mor, tiŋdi ta swö i yiŋga, kogwon ŋutet a ’duŋöki ta; kogwon ta gwon gwoso loket Misepa yu, ko gwoso birya nagon a riki Tabor loki.

Amosa 8:7

Nan MATAT logon kötumit na Yakobo aje bu ’ya mugun ko nan lo aje milyeju adi, ’Diri ’diri nan mo ti böŋö konesi kase kwöŋ ma ’di geleŋ to.