Ejikele 43:7 - Bibilia Buk na Ŋun nagon koti luŋu a

⁷ a ŋilo gworo takiŋdye nan adi, Ŋuro lo ŋuto, na a pirit na si ’daet nio na tumatyan, ko a pirit nio nagon nan gwogwo ’di ’e, nagon nan mo gwo-gwolorgi i kiden na ŋutu ti Yisaraele ŋupi na. A ma ’di lepeŋat kode moran kase mo köti tine köŋu karin kwe ko towutön nase se ko öpuö ti moran kase.

Ejikele 43:7 Iomraidhean Croise

1 Moran 8:13

Nan aje ’dukökiŋdyö do kadi si ’daet inot, nagon a pirit inot gwiliŋit ŋupi ŋupi.

2 Moran 16:4

A nye ’duŋge rubaŋgajin a ’yuŋe bökur i piritön kwakwasesi na gwon i ko ’dulan ti merya kune, ko i merya loki, ko i mukökö ti kaden lo rurwan liŋ.

1 Dekat 28:2

A kirut mor Dawidi pine ki a kulyani ko lepeŋat adi, Yiŋge ta nan luŋasirik kwe ko ŋutu kwe. Töili lio köju a ’dekan ’duggö kadi yukaet a na saŋduk na tomoret na MATAT ko a tökit na mokosi ti ŋun likaŋ; a nan aje teteŋdya ajo anyen pokin i ’duggö.

Saumajin 132:14

Na a ŋirit si ’daet nio ŋupi ŋupi; nan si ’da ni, kogwon nan nyanyar ŋina ŋirit.

Saumajin 46:5

Ŋun gwon i nu köji, nu köji ti bulö koro; Ŋun de ŋaparakin lepeŋ i baŋun na kak.

Saumajin 47:8

Ŋun tutumatyan i jurön liŋ; Ŋun sisi ’da i si ’daet nanyit nake.

Saumajin 68:17

Na ŋondi MATAT Sinai yu tojo i ŋirit nanyit nake na rurwan, arabiajin kanyit lo jijiko gwon a aliŋan ti aliŋan daŋin jore.

Saumajin 68:18

Na tiri nye ki nu, nye nyömöddu ŋutu jore lo momo-ka, a nye iŋge wuju ’dokesi nagon ŋutu karenyak a tin lepeŋ kune. MATAT Ŋun si ’da kata.

Saumajin 99:1

MATAT tutumatyan; ti gweyajin ti ŋutu böndi böndu! Nye sisi ’da a mor i kerubajin loki; ti kak yeyeti yeyeta!

Saumajin 99:5

Yuöggi ta MATAT Ŋun likaŋ; dulakine ta kak i ŋirit tökit na mokosi kanyit! Nye logon a loke lo!

Yuörö 25:8

Ti se tetenakiŋdye nan pirit nake na rurwan, anyen nan böŋö gwon kase kiden.

Yuörö 29:45

A nan mo gwolope i kiden na Ŋutu ti Yisaraele, a mo gwe a ŋun lose.

Yisaya 6:1

A i kiŋa lo twaji mor Ujiya lu, anan meddi MATAT sisi ’da i si ’daet na tomoran nagon a todumala ko a ’biliki ki; ko kumesikön ti boŋgwat kanyit a tojoreju kadi na MATAT.

Yisaya 66:1

A MATAT kulyani sona adi, ’Diko a si ’daet nio, a kak gwe a tökit nio na mokosi; a kadi gwe a nyo nagon ta ’dukökin nan? Iŋkoi, pirit a nyo nagon nan yukan kata?

Yeremia 14:21

Böŋö an do ko renya yi kogwon karin kunök; an do ko lauŋdya si ’daet inot na tumatyan nakwekwelen; böŋö yeyene yeye, an do ko ’beleŋ tomoret inot koyi na.

Yeremia 16:18

A nan mo kiyaŋ riŋge lepeŋat daŋin murek kogwon konesi kase narok se ko toronjin kase, kogwon se aje toluddya jur lio lomore ko nyömuejin kase loron köŋu keri a iŋge tojore lepeŋ ko kitajin kase na mamana.

Yeremia 17:12

Pirit nikaŋ nake na rurwan gwon a si ’daet na tumatyan nakwekwelen, naŋon a togwi ’diki ki suluja i suluet.

Yeremia 3:17

A i ŋinu diŋit a Yerusalema mo luŋuni a si ’daet nio na MATAT, a jurön liŋ mo momoruŋdye Yerusalema i bu ’ya na karin kwe ti MATAT, a lepeŋat mo köti tine kebbu töilyet kase lorok kulo.

Ejikele 1:26

A i loki na ŋina ’diko yu kase i kusik gwe a nene ŋo na meta gwoso ŋurupit naŋem na luŋu a sapira. ŋina ŋurupit a tetena gwoso si ’daet na tumatyan, a lele ŋo logon meta gwoso ŋuto si ’dani i ŋina si ’daet loki.

Ejikele 10:1

A kirut nan meddi nene ŋo gwoso ŋurupit naŋem nakwekwelen na luŋu a sapira i ’diko na gwon i kusik ti kerubajin na, gweya nanyit ŋuru gwoso si ’daet na tumatyan.

Ejikele 20:39

Nyena ta kötumit na Yisaraele, nan MATAT Ŋun lo kulya adi, A na ’but, ti ta liŋ geleŋ geleŋ iti i kwakwaddu na nyömuejin kasu logon a punyen, ama i mukök ta ’diri mo yiyiŋ nan, a ta mo tine köŋu karin kwe nake ko ’dokesi kasu se ko nyömuejin kasu logon a punyen kilo.

Ejikele 39:7

A nan mo tiŋdi ŋutu kwe Yisaraele i deŋdya na karin kwe nake na rurwan, a nan mo tine kölökiŋdyö karin kwe nake na rurwan i körö köti kwöŋ, a jurön mo deŋdi adi nan logon a MATAT ŋilo Loke lo Yisaraele.

Ejikele 43:9

Nyena ti se wusara towutön nase se ko öpuö ti moran kase pajo ko nan, a nan mo gwolore kase kiden ŋupi.

Ejikele 48:35

A temet na köji ’bukuluŋ gwe a lokiliŋan aliŋan puök wot budok. Nyena suluja i ŋilu lor tojo ko ŋupi, a ŋina köji mo luŋuni adi MATAT-kata-ni.

Ejikele 6:13

A kirut ta mo dene den adi nan a MATAT, na dotori öpuö ti ŋutu kasu lo tatua i kiden na nyömuejin kase logon a ŋunyen lorga piritön kase ’yuresi ti rubaŋgajin, i lurwat liŋ loki, ko i kusik ti merya liŋ, ko i mukökö ti kaden liŋ lo rurwan se ko i mukökö ti rinö lobot liŋ, kweja adi i piritön liŋ nagon se wukiŋdye nyömuejin kase liŋ rubaŋgajin lo mon paleleŋ kune.

Ejikele 6:5

A nan mo topeŋi öpuö ti ŋutu ti Yisaraele i komor na nyömuejin ti ŋunyen kase; a nan mo totorekiŋdye kuyu kasu lorga piritön kasu ’yuresi ti rubaŋgajin.

Osea 14:8

A Epuraima mo kulyani adi nye ti ’bön nyomuejin logon a gunyen kwöŋ. Nan a yiŋ kwakwasesi kasu a iŋge met ta. Nan gwoso ködini saru logon a lodon, radan nasu ŋo köyö.

Yoele 3:17

Nyena a ta mo deŋdi adi nan a MATAT ŋun losu, nan si ’da i mere lio loke Siona. A Yerusalema mo gwe a nake, a ŋutu lepelok mo köti tine lwöpöddu kata kwöŋ.

Lewi 26:30

A nan mo köŋi piritön kasu kwakwasesi na gwon i ko ’dulan ti merya kine, a mo tolikiŋdye piritön ’yuresi kasu ti bökur, a nan mo gubakiŋdye öpuö kasu na ’bu ’burön kune i loki na nyömuejin kasu lo ’bu ’burön; a nan mo maŋdi ta.

Mika 4:7

A nan mo gaji ŋutu lo bata kulo a pitönö, a mo koŋdi ŋutu lo riköji kulo a jur iŋgo; a nan MATAT mo lo tumatyane ko se i mere Siona suluja i na diŋit na tojo ko ŋupi.

Jakaria 13:2

Nan MATAT lo kurumi lo kulya adi, I ŋilu lor nan mo seyara karin ti nyömu-ejin logon a punyen kaŋo i lo jur, anyen se gwon ti yeyeŋ köti; a nan köti mo toyuöddi nebijin se ko mulökotyo lo tolutan kaŋo i lo jur.

Jakaria 13:3

A ko kodyö lele ŋuto a pukun köti gwoso nebi, a monye se ko ŋote na yupuŋdyö lepeŋ na mo kulyani ko lepeŋ adi, Do mo tine gwolor köti, kogwon do a jambu ’burönö i karin ti MATAT; a monye ko ŋote na yupuŋdyö lepeŋ na mo rembi lepeŋ na keŋ nye nu.

Matayo 28:20

todiniki ta se i debba na ŋo liŋ nagon nan aje sarakin ta kine; mete ta, nan gwon ko ta perok liŋ tojo ko ’dutet na kak.

Yoane 1:14

A Kulyaet lo worani a ŋuto, a mönuŋdye kayaŋ kiden, a yi meddi kwelen nanyit, kwelen gwoso ŋuro pilili lo Monye, a jore ko ’busan na nyaŋu se ko to ’diri.

Yoane 14:23

A Yesu waddi lepeŋ adi, Ko lele ŋuto nyanyar nan a nye mo ’debbi kulyaesi kwe, a Baba mo nyaŋi lepeŋ, a yi mo poŋdi ko lepeŋ ni, a mo gwolore ko lepeŋ i pirit na geleŋ a mede geleŋ.

2 Korinto 6:16

Kadi na Ŋun ŋona bubulö gwon a ŋo geleŋ ko nyömuejin le? Kogwon yi a kadi na Ŋun lo gwon jörun; gwoso na kulyari ŋun nu adi, Nan mo gwolor ko se, a mo wöröni ko se; a nan mo gwe a ŋun lose, a se mo gwe a ŋutu kwe.

Kweyatti 22:3

A ŋo na rurwan nagon Ŋun adi ti bulö kona kune mo köti gwe ’bayin kwöŋ. A si ’daet na tumatyan na Ŋun ko na ŋilo Kilolor mo gwe nyu, a köliŋönök kanyit mo twöji lepeŋ;