Ejikele 43:5 - Bibilia Buk na Ŋun nagon koti luŋu a

⁵ A mulökötyo lo po ko ŊUN ’biluŋdye nan ki, a joŋgi nan i ’baŋ lo lukata, a minyo lo MATAT iŋge jore i lukata na kadi nanyit.

Ejikele 43:5 Iomraidhean Croise

1 Moran 18:12

A gwe sona ko nan aje kö ’yu do, a Mulökötyo lo MATAT de ’doggi do a nan tine denara do. Nyena ko nan a tu i takiŋdya na Aba, a nye tine ryö do, a nye de tatuje nan, ma ’di ködyö nan köliŋönit ilot kukuk MATAT suluja i tolupudien nio.

2 Moran 2:16

A se kulyani ko lepeŋ adi, Mete, yi köliŋönök kulök gwon ko ŋutu iŋgo merya mukanat ni; ti lepeŋat böŋö iti ga ’yu na duma ilot; kode Mulökötyo lo MATAT ŋona a ’depaddu lepeŋ ki a gubakiŋdye lepeŋ i lele mere kode i lele loro. A nye kulyani adi, Ta ti soŋdu.

2 Dekat 5:14

a koanejin tine bulo gwo ’dan i koŋdya na kita nase kogwon ŋilu luru; kogwon minyo lo MATAT a tojoreju kadi na Ŋun.

Yuörö 40:34

A kirut a luru muŋge kemia torumet, a minyo lo MATAT töjoreji kemia.

Koli Lo ’but Parik 1:4

Ti yi moraddi ko do, ti yi wöki i pirit na geleŋ. Mor a joŋ nan i lukata na kadi nanyit. Yi a lyöŋön ko a nyola kogwon kulya kunök; a yi mo pupurje nyaŋu inot lwölwöŋ binyo; ’diri a na ’but ko ŋutu nyanyar do.

Yisaya 6:3

A lele lo serapim ’dulukiŋdye lele lo adi, Loke, loke, loke, MATAT lo kurumi; kak ’bukuluŋ a jore ko minyo lonyit.

Ejikele 1:28

A parara na lolorga lepeŋ na metani gwoso görigöri i ’diko i lor lo kudu; kweja adi meta gwoso minyo lo MATAT.

Ejikele 10:4

A minyo lo MATAT ŋiörö ki i kerubajin loki a mijörö i kutuk na kötumit na kadi nanyit. A kadi na MATAT iŋge jore ko luru, a ’baŋ iŋge muluwa ko parara na minyo lo MATAT.

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 11:24

A mulökötyo lo po ko ŊUN ’dukuŋdye nan ki a joŋgi nan Kaledea yu i ŋutu lo gwon i to ’dupien kulu. Kine ŋo liŋ a ŋo nagon mulökötyo lo po ko ŊUN a kwekin nan köyö i töili, a kirut kine ŋo na met nan kune wusaddi kaŋo köyö.

Ejikele 3:5

Kogwon nan ’bayin soŋdu do i jur lo ŋutu logon jambu kutuk nago na Lwaka, ama nan soŋdu do i kötumit na Yisaraele.

Ejikele 37:1

A riŋit na MATAT gwe köyö i mugun, a nye ’dokoddi nan kaŋo i riŋit na mulökötyo lonyit, a tiŋdi nan kak i kiden na pirit na ’dir nagon a jore ko kuyu.

Ejikele 40:2

A nan meddi kulya ti ŊUN koyö i töili adi nye lo joŋdya nan i jur lo Yisaraele, a tosi ’dakiŋdye nan kak i loki na mere lojo parik, a nan iŋge met kadijik nagon meta gwoso köji diruŋdya köyö ni.

Ejikele 44:4

A kirut lepeŋ joŋgi nan lukata tiri kötumit na gwon i swöt lo lobot tojo i komor na kadi na MATAT; a nan boŋgi boŋga, a nan meddi minyo lo MATAT a jore i kadi na MATAT, a nan ’dorone kak rupu.

Ejikele 8:3

A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.

Konesi 8:39

a na poŋdi se kaŋo i pioŋ kata nu, a Mulokotyo lo Matat joŋgi Pilipo kaŋo ’de ’de, a ŋilo ŋuto tine met lepeŋ köti; a nye kölumbö iti i kiko lonyit ko lyöpön a duma.