Ejikele 43:22 - Bibilia Buk na Ŋun nagon koti luŋu a

²² A i lor tomurek a do wukiŋdye lopijot meetyo logon ’bak yuyuket a lo rubaŋga lo toron; a lepeŋat ködyö lalaji pirit ’yuret na rubaŋgajin gwoso na lalaji se ko dwöt na.

Ejikele 43:22 Iomraidhean Croise

Yisaya 53:10

Ama gwon a ’deket na MATAT i mumuyugga na lepeŋ; amye aje itomijö lepeŋ; a ko nye aje tiŋdu gwiliŋit nanyit a rubaŋga lo toron nu, a nye mo meddi nyakwariat kanyit, a nye no tojo ’yi perok kanyit; a na MATAT mo puŋutu ru ŋerot ’bura ko lepeŋ i könin;

Yisaya 53:6

Yi liŋ a gigiri gwoso yidin;yi a girara geleŋ geleŋ i kikolin kaŋ; a MATAT aje sopakin toronjin kaŋ liŋ kanyit loki.

Ejikele 43:20

A do ködyö ’dumuŋdye kunie rima ti ŋilo dwöt, a ’bulukiŋdye i oŋgwora iŋwan ti pirit ’yuret na rubaŋgajin kulo, ko i tusesi iŋwan ti kutuk nanyit logon lolorga lepeŋ kulo; nyena a do lalaji pirit ’yuret na rubaŋgajin sona, i toke ’ya na lepeŋ.

Ejikele 45:18

Nan MATAT ŊUN lo kulya adi, I lor geleŋ lo yapa togeleŋ, do ködyo ’dumuŋdya dwöt lo ’dit logon ’bak yuyuket anyen toke ’yi pirit nake na rurwan.

Lewi 1:10

A ko turu ’buti nagon nye tikin a rubaŋga lo ’yu ’yura ’buluŋ a ’dumwe i yidin kata, kode i köbilu, kode i melon, a nye ködyö wukiŋdye mönik logon ’bak yuyuket;

Lewi 16:18

A nye ködyö lupöni kaŋo tojo i nu pirit ’yuret na rubaŋgajin na gwon ko MATAT i komor nu a toke ’yi nu pirit ’yuret, a nye ’dumuŋdye kunie rima ti dwöt ko kunie rima ti meetyo, a sekiŋdye se i oŋgwora ti nu pirit ’yuret na rubaŋgajin i mara kanyit.

Lewi 4:23

a ko Ŋina toron na kon nye na aje tokuruki lepeŋ, a nye ködyö joŋdi meetyo a lo rubaŋga lonyit, nilo meetyo ködyö gwon ’bak yuyuket,

Lewi 4:26

A nye ’yuŋe welesi kanyit liŋ i nu pirit ’yuret na rubaŋgajin, gwoso na ’yuŋe nye welesi ti rubaŋgajin ti taliŋ na; a koane koŋdi sona anyen ŋilo ŋuto totokela i toron nanyit, a nye pitökine pitöki.

1 Petero 1:19

Kine rima gwoso ti kilolor logon ’bak yuyuket kode moriko.