Ejikele 43:2 - Bibilia Buk na Ŋun nagon koti luŋu a

² A nan meddi minyo lo ŊUN lo Yisaraele popo i swöt lo ’yure, a woŋon na po nanyit gwe gwoso woŋon na karya jore adi wunu, a kak iŋge pararaju ko minyo lonyit.

Ejikele 43:2 Iomraidhean Croise

Yisaya 17:12

Wöidiö, woŋon na lodirön, se woŋoro ki gwoso woŋon na tör duma na ’balaŋ adi yoŋ! Wöidiö, rumön na jurön, se rurumön gwoso rumön na karya temejik!

Yisaya 6:3

A lele lo serapim ’dulukiŋdye lele lo adi, Loke, loke, loke, MATAT lo kurumi; kak ’bukuluŋ a jore ko minyo lonyit.

Ejikele 1:24

A na tiri kilo ŋo nu, a nan yiŋge woŋon na köpukön kase gwoso woŋon na karya jore adi wunu, ko gwoso rumön na kipya lo ki logon a gworo lo Kabulönit lo ŋo liŋ, ko gwoso woŋon na yodom na ŋutu jore parik adi gumm; a nagon kilo ŋo gwogwo ’dan nu, a se köluŋdye köpukön kase kak.

Ejikele 1:28

A parara na lolorga lepeŋ na metani gwoso görigöri i ’diko i lor lo kudu; kweja adi meta gwoso minyo lo MATAT.

Ejikele 10:4

A minyo lo MATAT ŋiörö ki i kerubajin loki a mijörö i kutuk na kötumit na kadi nanyit. A kadi na MATAT iŋge jore ko luru, a ’baŋ iŋge muluwa ko parara na minyo lo MATAT.

Ejikele 11:22

A kirut kerubajin ’bi ’yi köpukön kase ki, ko mokosi logon a liteki kulo kase i mara, a minyo lo ŊUN lo Yisaraele gwe kase loki.

Ejikele 11:23

A minyo lo MATAT ŋiörö ki i kiden na köji, a gwi ’diki i mere loki lo gwon i swöt lo ’yure na köji.

Ejikele 3:23

Nyena a nan ŋine ŋien a iti i pirit nagon a ’dar, mete, a minyo lo MATAT gwo ’de nyu, gwoso minyo logon nan köju a met nyona ko kare Kebar lu; a nan ’dorone kak rupu.

Ejikele 43:4

A minyo lo MATAT lupöni i kadi nanyit tiri kötumit na diraddu i swöt lo ’yure na.

Ejikele 44:2

A MATAT takiŋdye nan adi, Na kötumit nagon gwon kinu na ködyö yeŋon kinu, ŋuto ködyö ’bayin lo lupöri nyin; kogwon nan MATAT ŊUN lo Yisaraele aje lupöri nyin; nyenagon lepeŋ ködyö yeŋon kinu.

Ejikele 9:3

A minyo lo ŊUN lo Yisaraele ŋiörö ki i kerubajin nagon lepeŋ gwon kata kune, a iti i kutuk na kötumit na kadi. A lepeŋ luŋgi ŋutu logon a jupu boŋgo na waratat naparere logon a torakiŋdya tito wuresi kanyit i mukök lo.

Abakuk 2:14

Kogwon kak mo lotojore ko deŋdya na minyo lo MATAT gwoso nagon tor duma na ’balaŋ a tojore ko piŋo nu.

Abakuk 3:3

ŋun po Teman yu, ŋilu Loke po i mere Parana yu, minyo lonyit a muk ’dikolo a kak iŋge jore ko pupura nanyit.

Abakuk 3:4

A tomilyaŋ nanyit kobbi gwoso parara, a parara puruŋdye kanyit i konisi, a riŋit nanyit iŋge muko i lukata nanyit.

Yoane 12:41

Yisaya köju jambu kine kulya kogwon lepeŋ a met minyo lonyit, a jambi kulya ti lepeŋ.

Kweyatti 1:15

a mokosi kanyit kobbi gwoso mölwö nagon aje nama ko aje ŋoto a nake; a gworo lonyit gwe gwoso woŋon na karya jore adi wunu.

Kweyatti 14:2

A nan yiŋge woŋon ki yu gwoso woŋon na karya jore ko gwoso rumön duma na kipya lo ki. A woŋon na yiŋ nan na gwe gwoso na kajulök ti tomon lo ju ’yö tomon kase.

Kweyatti 18:1

A i mukök na ŋina, a nan meddi lele malaikatat ŋo kak ki yu. Lepeŋ gwon ko kido saret a duma, a kak metani a nake kogwon parara na minyo lonyit.

Kweyatti 19:1

A i mukök na ŋina, a nan yiŋge woŋon duma gwoso woŋon na ŋutu jore parik ki yu, woŋon adi, Aleluya! Ŋun likaŋ a Kalwökönit, lepeŋ ka ’de bubula, lepeŋ a Kabulönit lo ŋo liŋ!

Kweyatti 19:6

A kirut nan yiŋge woŋon gwoso na ŋutu jore, ko gwoso woŋon na karya jore, ko gwoso rumön duma na kipyala ti ki, woŋoro adi, Aleluya, kogwon Matat Ŋun likaŋ Kabulönit lo ŋo liŋ tutumatyan!

Kweyatti 21:11

gwon ko minyo lo Ŋun. A kobbu nanyit gwe gwoso kobbu na puruŋit nakwekwelen gwoso yasipidi na gwörö ko gurut jore parik, ko a nake gwoso ŋurupit nasulyöŋ.

Kweyatti 21:23

a ŋina köji tine ’dekarikin kolor kode yapa i pararaju kanyit loki, kogwon minyo lo Ŋun aje tiŋdu lepeŋ parara, a ŋilo Kilolor gwe a lombo lonyit.