Ejikele 43:19 - Bibilia Buk na Ŋun nagon koti luŋu a

¹⁹ A do ködyö tiŋdi Lewijin koanejin logon a ti kötumit na Sadok logon mijun köyö nyona i kitakiŋdya na nan kulo, dwöt lo ’dit anyen wuki nan a rubaŋga lo toron. Kilo a kulyaesi kwe ti MATAT ŊUN.

Ejikele 43:19 Iomraidhean Croise

1 Moran 2:27

Nyena a Solomona turöddi Abyatar kaŋo i gwon a koane lo MATAT; anyen tema-kiŋdya i kulyaet lo MATAT logon nye aje jamakin i kulya ti kötumit na Eli Silo yu nu.

1 Moran 2:35

A mor tiŋdi Benaya ŋuro lo Yoyada a duma lo kamörök, i ruddya na pirit na Yöaba, a mor tiŋdi koane Sadok i ruddya na pirit na Abyatar.

Yisaya 61:6

ama a ta mo luguni a koanejin ti MATAT, a ŋutu mo luŋgi ta a kölipönök ti Ŋun likaŋ; a ta mo nyesi tukwörien na jurön, a ta mo ruddye minyojin kase.

Yisaya 66:22

Nan MATAT lo kulya adi, Gwoso nagon ki ludukötyo ko kak ludukötyo nagon nan mo gwegwe kune mo yeyeŋon köyö i komor, nyena a nyakwariat kasu ko karin kasu mo yeŋe yeŋon ŋupi.

Ejikele 40:46

A nene kadi nagon diraddu i swot lo lobot na gwe a na koanejin logon meddya kita i pirit ’yuret na rubaŋgajin; kilo koanejin a nyakwariat ti Sadok. 1 kiden na kötumit na Lewi nyakwariat ti Sadok ka ’de logon a ’buruki i mijörö nyona ko MATAT i kitakiŋdya na lepeŋ.

Ejikele 43:23

Ko do aje tutuŋgö lalaju, a do wukiŋdye dwöt logon ’bak yuyuket se ko lopijot kobilityo logon ’bak yuyuket lo jwe i teŋ.

Ejikele 44:15

Ama koanejin logon a Lewijin logon a nyakwariat ti Sadok, se lo tiju pirit nio nake na rurwan i diŋit na giraddi ŋutu ti Yisaraele kaŋo köyö nu; kilo ŋutu ködyö lo mijun köyö ni i kitakiŋdya na nan, a se molu gwo ’de köyö i komor anyen wukiŋdya nan lokorio nagon a welesi se ko rima. Kilo a kulyaesi kwe ti MATAT ŊUN.

Ejikele 45:4

A ŋina pirit ködyö ko-rwene a nake na rurwan na jur, a nye ködyö gwe a na koanejin lo kita i pirit nake na rurwan logon mijun nyona i kitakiŋdya na nan MATAT. Iŋkoi, ŋina pirit ködyö gwon a na kadijik kase mora ko pirit nagon kadi nake na rurwan ’duköki kata.

Ejikele 48:11

A ŋina pirit ködyö gwe a na nyakwariat ti Sadok logon a ’boroki a koanejin, logon a tiju ’debba saresi kwe kulo, a gwe a ko girara i toron gwoso na koŋdi Lewijin i diŋit na giraddi ŋutu ti Yisaraele i toron nu.

Kenet 16:40

anyen gwon a toyeyeet i ŋutu ti Yisaraele, adi ŋuto logon a leŋe koane, kode a leŋe lo nyakwariat ti Arona, ti gwe ti mijun nyona i ’yuŋa na bökur ko MATAT i komor, an nye wora gwoso Korak ko teŋ nanyit— gwoso na kulyari MATAT ko Elejara ko Mose i kutuk nu.

Kenet 16:5

a nye kulyani ko Korak ko teŋ nanyit liŋ adi, Ko ’bure MATAT kwekwe ŋuto logon a lonyit ko logon a loke, a nye mo tomijuŋdye lepeŋ kanyit nyona; iŋkoi ŋuto logon nye a wulun lo a nye mo tomijuŋdye lepeŋ kanyit nyona.

Kenet 18:5

A ta ködyö kitani kitajin ti pirit nake na rurwan ko kitajin ti pirit ’yuret na rubaŋgajin, an woran ko pokin köti ko ŋutu ti Yisaraele loki.

2 Korinto 5:21

Kristo ’bak toron, ama Ŋun a kon lepeŋ a toron kogwon kulya kaŋ, anyen yi bonö gwon ko torigwo na Ŋun kanyit i mugun.

Ebere 7:27

Koanejin dumalak wukiŋdya rubaŋgajin temba i lor; a kokwe a lo toronjin kase a kirut gwe a ti toronjin ti ŋutu, ama kulya ti Yesu ’bayin i koŋdya sona, kogwon lepeŋ aje koŋdya daŋ geleŋ a tine nyoggu na wukiŋdye nye mugun nanyit i tatua nu.

1 Petero 2:5

anyen ta ’dukö gwoso ŋurupö lo gwon jörun a kadi na Mulö kötyo, anyen ta gwon a koanejin loke, i wukiŋdya na rubaŋgajin ti töilyet kasu logon Ŋun a ruk kogwon Yesu Kristo.

1 Petero 2:9

Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.