Ejikele 43:15 - Bibilia Buk na Ŋun nagon koti luŋu a

¹⁵ a suluje i mukök na ŋurupit lo ’dutet tojo i kwe nanyit nagon rubaŋgajin ’yura kata na gwe a lokiliŋan iŋwan ki, a goŋesi kanyit iŋge gweye ki a oŋgwora iŋwan logon a lokiliŋan geleŋ geleŋ.

Ejikele 43:15 Iomraidhean Croise

1 Moran 1:50

A Adoniya gwe ko kujönö i kulya ti Solomona, a nye ŋine ŋien, a iti tu, a morgi go pogwora ti pirit ’yuret na rubaŋgajin.

1 Moran 2:28

A kirut lore ’dure ko Yöaba yu, kogwon Yöaba aje kepöddu Adoniya, ma ’di ködyö lepeŋ a ko kepöddu Abisaloma, a Yöaba wöki i kemia na MATAT a morgi pogwora ti pirit ’yuret na rubaŋgajin.

Saumajin 118:27

MATAT a Ŋun, nye aje tindu yi parara. Toŋi rubaŋga ko nekenet, joŋgi lepeŋ teŋ ko oŋgwora ti ŋirit ’yuret na rubaŋgajin.

Yuörö 27:1

A do ködyö teteŋdi kaden ’bokolot a pirit ’yuret na rubaŋgajin, tojolan nanyit a lokiliŋan mukanat, ko tugalaŋ nanyit a lokiliŋan mukanat; a nye gwe jojo a regorego, a tojolan nanyit ki gwe a lokiliŋan musala.

Yuörö 27:2

A do tetenakiŋdye lepeŋ oŋgwora i goŋesi kanyit Iŋwan; a oŋgwora kanyit ködyö gwe a ŋo geleŋ ko lepeŋ, a do muluje lepeŋ ko mölwö.

Yisaya 29:7

A lodir lojuron liŋ logon momoroko Ariele, ko se liŋ logon morö ko lepeŋ ko pirit nanyit nago iri todelyaju na lepeŋ kilo mo gwe gwoso rudweet, gwoso ŋoma memeta i tukwaje,

Ejikele 43:20

A do ködyö ’dumuŋdye kunie rima ti ŋilo dwöt, a ’bulukiŋdye i oŋgwora iŋwan ti pirit ’yuret na rubaŋgajin kulo, ko i tusesi iŋwan ti kutuk nanyit logon lolorga lepeŋ kulo; nyena a do lalaji pirit ’yuret na rubaŋgajin sona, i toke ’ya na lepeŋ.

Lewi 9:9

A ŋwajik ti Arona wukiŋdye lepeŋ rima, a nye sukiŋdye morinet lonyit i kine rima a sekiŋdye lepeŋat i oŋgwora ti pirit ’yuret na rubaŋgajin, a nye ’bukökiŋdye kine rima i mukök na pirit ’yuret na rubaŋgajin;