Ejikele 43:10 - Bibilia Buk na Ŋun nagon koti luŋu a

¹⁰ Ŋuro lo ŋuto, nyönyököki kötumit na Yisaraele kulya ti ŋina kadi nio na ŊUN, ko meta nanyit se ko temesi kanyit, anyen kusik kase ködyö yuyu kogwon toronjin kase.

Ejikele 43:10 Iomraidhean Croise

1 Dekat 28:11

A kirut Dawidi tiŋdi ŋuro lonyit Solomona miret na baraŋöa na kadi na Ŋun, ko kadijik kanyit, ko kadijik kanyit ’delesi ti tukwörien, ko kadijik kanyit koŋiloreki, ko kadijik kanyit ti lukata, ko kadi na saŋduk nagon muket nanyit toronjin lala kata na.

1 Dekat 28:19

A Dawidi kulyani adi, Kine ŋo liŋ nagon kona ko miret na kita kine, MATAT a kwekin nan i wuret na könin lonyit.

Yuörö 25:40

Nyena mete met ’bura adi ti do tetene teten se gwoso lomirakin lose logon a kweki do i mere lu.

Ejikele 16:61

A kirut do mo yeyene yeye kikolin kulök a iŋge yu kwe, na wuji do kiasirik kunök duma ko na ’dit nu. A nan mo tiŋdi do se a ŋwajik kunök, ama se ’bayin i kulya ti tomoret nio ko do.

Ejikele 16:63

A i diŋit nagon nan mo pitökiŋdye do i ŋo liŋ na kon do kune nu, a do mo yeyene yeye a yune yu kwe, a do mo köti tine ŋaju kutuk kwöŋ kogwon yu na kwe. Ŋilo a kulyaet lio lo MATAT ŊUN.

Ejikele 28:12

Ŋuro lo ŋuto, yo ’yi köli delyaet i kulya ti mor lo Turo, yuluki lepeŋ adi, MATAT ŊUN lo jambu adi, Do köju a lo ’but lo totopuŋdya i ŋo liŋ, do a jore ko koŋon, do a lokwekwelen bia parik.

Ejikele 40:4

A ŋilo ŋuto kulyani ko nan adi, Ŋuro lo ŋuto, mete met ’bura ko yiŋe yiŋ ’bura, ko togwi ’dikiŋdye töili ilot i ŋo liŋ nagon nan de kwekwekin do kune, kogwon do a jwe ni anyen nan böŋö kwekiŋdya do se. Nyönyököki kötumit na Yisaraele ŋo liŋ nagon do de memet kune.

Ejikele 43:11

A ko kusik kase aje yu ko ŋo liŋ na kon se kune, nyönyököki lepeŋat kulya liŋ ti ŋina kadi, ko gweya nanyit, ko kötumitön na lupörikin kaŋo se ko lukata, ko miret nanyit ko saresi ’dukesi. Nyönyököki lepeŋat kine ŋo liŋ ko wuröki se kak a lepeŋat memeddya, anyen se ködyö yeye kine ŋo ko kökon se.

Ejikele 44:5

A MATAT takiŋdye nan adi, Ŋuro lo ŋuto, tirikuni tiriku ’bura, meddi ’bura, ko yiŋe yiŋ ’bura po liŋ nagon nan takin do kine i kulya ti jujuwesi se ko saresi liŋ ti kadi nio na MATAT. Tirikuni ’bura i tiju na kötumit nagon lupörikin i kadi nio na MATAT se ko kötumitön nagon lupörikin kaŋo i pirit nake na rurwan kune.

Roma 6:21

Nyenagon ’bulit a nyo nagon ta a wu i koŋdya na ŋo nagon soŋinana toyujö kusik kasu kine? Kogwon ’dutet na kine ŋo gwon a twan.

Yosua 22:28

Nyenagon a yi yeyeji adi, Ko ködyö mo a jamaki yi kode jamaki nyakwariat ka ŋ sona i di ŋit na ŋoŋo nu, a yi kodyö kulyani adi, Mete ta miret na pirit ’yuret na ruba ŋgajin ti MATAT, na teten kobaba na, ti gwon a na ruba ŋgajin lo ’yu ’yura ’buluŋ, kode a na rubaŋgajin lo ’du ’du ŋö; ama anyen gwon a tokoret i kiden nika ŋ ko ta.