Ejikele 42:14 - Bibilia Buk na Ŋun nagon koti luŋu a

¹⁴ Ko koanejin a lupö i pirit nake na rurwan, lepeŋat ködyö ti tu i ’baŋ lo kaŋo ’bak kölökiŋdyö boŋgwat kase kitaesi kak i kine kadijik na ’di ’dik kata, kogwon se a nake na rurwan; lepeŋat mo rusukiŋdyö kunie boŋgwat i ŋerot na tiri se nyona ko pirit nagon a wulöki ŋutu logon kana nu.

Ejikele 42:14 Iomraidhean Croise

Yisaya 61:10

Nan lyölyöŋön parik ko MATAT, ködudwö nio lyölyöŋi ko Ŋun liŋ; kogwon nye a tojubbu nan ko lwökit gwoso boŋgo, nye aje muggö nan ko löti lo rigwo gwoso boŋgo duma nagon a muit, gwoso nagon kayemanit a tojubbu mugun ko jibia ti kwe, ko gwoso ŋuro na yeyema na tokweleŋdu mugun nanyit ko ŋurupö lokwekwelen na.

Ejikele 44:1

A kirut ŋilo ŋuto nyököddi nan bot i kötumit na kaŋo na pirit nake na rurwan, nagon diraddu i swöt lo ’yure na; a lepeŋ iŋge kinu.

Ejikele 44:19

A nagon se iti kaŋo ko ŋutu yu i ’baŋ lo kaŋo nu, a se ködyö rusuŋdye boŋgwat nagon se kikitari kune kaŋo a kolö-kiŋdye se i kadijik na ’di ’dik nagon a nake na rurwan kune; a se ködyö jupukiŋdye kunie boŋgwat ka ’de, an se joŋga kelan na rurwan na ŊUN i ŋutu kata ko boŋgwat kase.

Lewi 16:23

A Arona ködyö lupöni i kemia torumet lukata, a nye rösöddi boŋgwat na tetena ko waratat naparere kune kaŋo na jupukin nye i diŋit na lupöri nye i pirit nake na rurwan nu, a nye kölökiŋdye lepeŋat nyu;

Lewi 16:24

a nye tukwöji mugun i nene pirit nake, a nye jupukiŋdye boŋgwat kanyit, a nye lupöni kaŋo a wukiŋdye rubaŋga lonyit lo ’yu ’yura ’buluŋ, se ko rubaŋga lo ’yu ’yura ’buluŋ i kulya ti ŋutu kulo, a nye toke ’yi mugun se ko kilo ŋutu.

Lewi 8:13

A Mose joŋdi ŋwajik ti Arona kulo, a tojubbi se ko jölöbiyajin, a doggi mukökö kase ko kambajin, a torakiŋdye lepeŋat töröbusijin, gwoso na saŋi MATAT Mose nu.

Lewi 8:7

A nye tojubbi Arona ko jölöbiya, a dukuki-ŋdye lepeŋ kamba, a tojubbi lepeŋ ko boŋgo muit, a tiŋdi epoda ko lepeŋ i mugun, a doggi lepeŋ ko kamba na epoda na gweya ko tobodwan, a tora-kiŋdye lepeŋ kanyit i mugun.

Luka 9:62

a Yesu kulyani ko lepeŋ adi, Lele ŋuto ’bayin logon a suluja kuŋu a kirut boŋgi bot logon jujukin i Tumatyan na Ŋun.

Roma 13:14

Ama jupukiŋdye ta Matat Yesu Kristo a tito kasu möriesi; an ta ko yeyeju ta i toyimönöju na ’dekesi ti mugunya kasu ti na kak.

Roma 3:22

Kweja adi Ŋun a tiŋdu ŋutu i gwon a lo rigwo kanyit i komor kogwon yubbö nase na Yesu Kristo. Kine kulya a ti ŋutu liŋ tuka ’de ’bayin kwöŋ;

Galatia 3:27

Kogwon ta liŋ logon a batisaki ko Kristo i mugun kilo, ta aje jupukiŋdya Kristo gwoso boŋgo.

1 Petero 5:5

Köti ta teton kodyö twötwö temejik kasu. Ta liŋ ködyö jupukiŋdya tokoyok gwoso boŋgo anyen tokitakin ko ’börik; kogwon a wurö adi, Ŋun rerenya ŋutu kabulak ti kusik ama kwekiŋdya ’busan i ŋutu lokoyokak.