Ejikele 42:13 - Bibilia Buk na Ŋun nagon koti luŋu a

¹³ A kirut ŋilo ŋuto takiŋdye nan adi, Kine kadijik na gwon i swöt lo lobot ko na gwon i swöt lo loki komorga pirit nagon a kölöki kana a ’baŋ kune a nake na rurwan, nagon koanejin logon mijun nyona ko MATAT kulo mo nyesi rubaŋgajin loke parik lo rurwan mo ’de ’yi rubaŋgajin loke parik lo rurwan nyu, kweja adi ’doket na ’bolot, ko rubaŋga lo toron, se ko lo lyaŋan, kogwon ŋina pirit a nake na rurwan.

Ejikele 42:13 Iomraidhean Croise

Nemaya 13:5

a Eliasiba wulökiŋdye Tobia kadi duma nagon köju ’delarikin ’dokesi ti ’bolot, ko bökur, ko tito, se ko swötön topuökisi ti ’bolot, ko ti binyo, ko ti welet nagon a saraki adi ködyö a ti Lewijin, ko a ti kayolok, ko a ti katiyuk ti kötumitön, se ko koresi ti kinyojin nagon a ti koanejin.

Yuörö 29:31

A do ’dumuŋdye lopijot ’boriet, a deŋi lokore nanyit i nene pirit nake na rurwan;

Ejikele 40:38

A nene kadi na ’dit gwe kata nagon kötumit nanyit auŋdya i baraŋöa na gwon i kadi najo na gwon i kötumit na. ŋina kadi lokore na rubaŋga lo ’yu ’yura ’buluŋ lalai kata.

Ejikele 40:46

A nene kadi nagon diraddu i swot lo lobot na gwe a na koanejin logon meddya kita i pirit ’yuret na rubaŋgajin; kilo koanejin a nyakwariat ti Sadok. 1 kiden na kötumit na Lewi nyakwariat ti Sadok ka ’de logon a ’buruki i mijörö nyona ko MATAT i kitakiŋdya na lepeŋ.

Ejikele 41:12

A tugalaŋ na kadi nagon komorga ’baŋ lo lolorga kadi na ŊUN i swot lo tokotyaŋ na gwe a lokiliŋan merya buryo, a jolan nanyit gwe a lokiliŋan merya buŋwan, a tu ’bökik na gorom na kadi gwe a lokiliŋan mukanat.

Ejikele 42:1

A kirut ŋilo ŋuto joŋgi nan kaŋo i ’baŋ lo gwon kaŋo na kadi na ŊUN komorga swot lo lobot, a joŋgi nan i nene kadi nagon a kora a kadijik na ’di ’dik, komorga pirit nagon a kölöki kana a ’baŋ na, köti komorga nene kadi na gwon i swöt lo lobot.

Ejikele 42:10

A i swöt lo loki lo kadi na ŊUN komorga pirit nagon a kölöki kana a ’baŋ na, köti komorga kadi najo, a nene kadi najo gwe kata nagon a kökora a kadijik na ’di ’dik,

Lewi 10:17

Ko nyo ta a ko nyesu rubaŋga lo toron i pirit nake na rurwan? Kogwon a ŋo nake parik ko a tiki ta anyen ta ködyö ’doggu ŋonyan na na momoret, i toke ’ya na lepeŋat ko MATAT i komor.

Lewi 10:3

A kirut Mose kulyani ko Arona adi, ŋina a ŋo nagon MATAT aje kulyari adi, Nan ködyö gelwe a loke lo rurwan i se logon a ŋun köyö nyona kulo, a nan ködyo bulani bula i komor na ŋutu liŋ. A Arona yiŋani taliŋ.

Lewi 14:13

a lu ŋuto ködyö ’duŋge kilolor i pirit ’duŋet na rubaŋga lo toron se ko rubaŋga lo ’yu ’yura ’buluŋ i pirit nake na rurwan; kogwon rubaŋga lo lyaŋan ködyö a lo koane, gwoso rubaŋga lo toron lo; nye a loke parik lo rurwan.

Lewi 2:10

A ŋo na pituŋdyö i ŋina ’doket na ’bolot kune ködyö gwe a ti Arona ko ŋwajik kanyit, ŋina a swöt na ŋo nake parik na rurwan na ’yuraki MATAT.

Lewi 2:3

A ŋo na pituŋdyö i ŋina ’doket na ’bolot mo gwe a ti Arona ko ŋwajik kanyit; ŋina a swöt na ŋo nake parik na rurwan na ’yuraki MATAT.

Lewi 21:22

Nye bubulö nyesu kinyo lo ŋun lonyit, ko ti ŋo nake na rurwan na totopuŋdya, ko ti ŋo nake kune,

Lewi 24:9

A se ködyö gwe a ti Arona ko ŋwajik kanyit, a se ködyö nyesi lepeŋat i nene pirit nake na rurwan kogwon se a nake parik. Kine ambatajin a gelaki Arona i kiden na rubaŋgajin lo ’yuraki MATAT kogwon saret lo wurö anyen yeyeŋon ŋupi lo.

Lewi 6:19

A MATAT jambi ko Mose adi,

Lewi 6:29

A ŋutu lyan liŋ i kiden na kötumit na koanejin kilo buloni bulö nyesu kata; ŋilo a loke parik lo rurwan.

Lewi 7:1

Ŋilo a saret logon wuki ’e rubaŋga i kulya ti lyaŋan. Nye a loke parik lo rurwan.

Lewi 7:6

ŋutu lyan liŋ i kiden na kötumit na koanejin bubulö nyesu kata, nye ködyö nyei i nene pirit nake na rurwan; ŋilo a rubaŋga loke parik lo rurwan.

Kenet 16:40

anyen gwon a toyeyeet i ŋutu ti Yisaraele, adi ŋuto logon a leŋe koane, kode a leŋe lo nyakwariat ti Arona, ti gwe ti mijun nyona i ’yuŋa na bökur ko MATAT i komor, an nye wora gwoso Korak ko teŋ nanyit— gwoso na kulyari MATAT ko Elejara ko Mose i kutuk nu.

Kenet 16:5

a nye kulyani ko Korak ko teŋ nanyit liŋ adi, Ko ’bure MATAT kwekwe ŋuto logon a lonyit ko logon a loke, a nye mo tomijuŋdye lepeŋ kanyit nyona; iŋkoi ŋuto logon nye a wulun lo a nye mo tomijuŋdye lepeŋ kanyit nyona.

Kenet 18:7

A do se ko ŋwajik kulök i pirit na geleŋ ködyö kitani a koanejin i kulya ti ŋo liŋ ti pirit ’yuret na rubaŋgajin ko i kulya ti ŋo na gwon i lukata na boŋgo koret kune; ŋina a kita nasu. Nan a ’dogga ta i kita a koanejin. Ŋuto logon ’bayin a Lewityo lo mijun nyona lo ködyö tatatua.

Nyökit 21:5

A koanejin logon a kötumit na Lewi kulo ködyö miju nyona, kogwon MATAT Ŋun losu aje wuluŋdyö lepeŋat i kitakiŋdya na nye, ko i ’boroja na ŋutu ’diŋdya karin ti MATAT, a rerenyesi liŋ ko gwutesi liŋ ködyö gwe gwoso na liŋ se na.