Ejikele 42:11 - Bibilia Buk na Ŋun nagon koti luŋu a

¹¹ nagon kiko tirikin kanyit i komor. Lepeŋat gwon jojo ko kadi najo nagon a kökora a kadijik, na gwon i swöt lo lobot na, i jolan nase, ko i tugalaŋ nase, ko i kötumitön nagon lupörikin kaŋo, ko i gweya nase, se ko i kötumitön kase na lupörikin lukata.

Ejikele 42:11 Iomraidhean Croise

Ejikele 42:4

A kiko gwe kata logon tirikin i komor na kine kadijik tojo i ’baŋ lo lukata, a tugalaŋ na ŋilo kiko gwe a lokiliŋan puök, a tojolan nanyit gwe a lokiliŋan mia geleŋ. A kötumitön ti kine kadijik komorgi swöt lo lobot.

Ejikele 43:11

A ko kusik kase aje yu ko ŋo liŋ na kon se kune, nyönyököki lepeŋat kulya liŋ ti ŋina kadi, ko gweya nanyit, ko kötumitön na lupörikin kaŋo se ko lukata, ko miret nanyit ko saresi ’dukesi. Nyönyököki lepeŋat kine ŋo liŋ ko wuröki se kak a lepeŋat memeddya, anyen se ködyö yeye kine ŋo ko kökon se.

Ejikele 44:5

A MATAT takiŋdye nan adi, Ŋuro lo ŋuto, tirikuni tiriku ’bura, meddi ’bura, ko yiŋe yiŋ ’bura po liŋ nagon nan takin do kine i kulya ti jujuwesi se ko saresi liŋ ti kadi nio na MATAT. Tirikuni ’bura i tiju na kötumit nagon lupörikin i kadi nio na MATAT se ko kötumitön nagon lupörikin kaŋo i pirit nake na rurwan kune.

Ejikele 48:30

Kilo a kikolin logon lupörikin kaŋo köji kata. Temet na köji i swöt lo lobot a lokiliŋan aliŋan iŋwan ko miajin mukanat,