Ejikele 41:8 - Bibilia Buk na Ŋun nagon koti luŋu a

⁸ A nan koti iŋge meddya pirit na ’du lolorga kadi na ŊUN. A temet na pipilesi ti kadijik na ’di ’dik na gwon i mara kune gwe a pa ’duŋi ’bukuluŋ logon temet nanyit a lokiliŋan lojo buker.

Ejikele 41:8 Iomraidhean Croise

Ejikele 40:5

A nan meddi kadi na ŊUN a loraki kiden ko gorom nagon a mariŋ. A pa ’duŋi temet nagon ŋilo ŋuto momok na gwe a lokiliŋan buker logon a lojo, kweja adi temet na lokiliŋ geleŋ lojo gwon a lokiliŋ geleŋ logon a ’yalaki ’dapanit na könin kata. A lepeŋ tembi tu ’bökik na gorom a pa ’duŋi geleŋ; a nye tembi tojolan nanyit ki a pa ’duŋi geleŋ.

Ejikele 43:13

A kine gwe a temesi ti pirit ’yuret na rubaŋga.jin nagon tema a lokiliŋan, (kweja adi lokiliŋ geleŋ a ’yalaki ’dapanit na könin kata). A tojolan na gwo ’diet nanyit ki gwe a lokiliŋ geleŋ, a tugalaŋ nanyit i tuset gwe a lokiliŋ geleŋ, a togulu nanyit suluja i kutuk tojo kiden gwe a swöt na lokiliŋ i lolorga na swötön kanyit liŋ.

Kweyatti 21:16

A köji iŋge tetena ko goŋesi a regorego; a jolan nanyit kak ko tugalaŋ nanyit gwe jojo. A lepeŋ tembi köji ko temet, a gwe a mailijin aliŋ geleŋ ko miajin mukanat. A jolan nanyit kak, ko tugalaŋ nanyit, se ko jolan nanyit ki gwe jojo.