Ejikele 41:22 - Bibilia Buk na Ŋun nagon koti luŋu a

²² gwoso pirit ’yuret na rubaŋgajin. Jolan nanyit ki a lokiliŋan musala, a jolan nanyit kak gwe a lokiliŋan murek, a tugalaŋ nanyit gwe a lokiliŋan murek; a gopesi kanyit, ko kak nanyit, se ko mara kanyit gwe a kaden. A ŋilo ŋuto takiŋdye nan adi, ŋina a misa na gwon ko MATAT i komor.

Ejikele 41:22 Iomraidhean Croise

1 Moran 6:20

A tojolan na ŋina toŋkwet ko tugalaŋ nanyit ko tojolan nanyit ki liŋ gwe a lokiliŋan merya murek; a nye muluje lukata nanyit ko dakap nake. A nye köti teteŋdi nene pirit ’yuret na rubaŋgajin ko kaden logon gwoso tika.

1 Moran 6:22

a nye muluje kadi na MATAT ’bukuluŋ ko dakap, tojo ko nye a tutuŋ liŋ. Köti a nye muluje ko dakap nu pirit ’yuret liŋ nagon a na toŋkwet nu.

1 Moran 7:48

A Solomona teteŋdi toro ’bo liŋ lo gwon i kadi na MATAT, gwoso pirit ’yuret na rubaŋgajin nagon a dakap, ko misa na ambatajin na peta ko Ŋun i komor nagon a dakap,

2 Dekat 4:19

A Solomona teteŋdi tito liŋ na gwon i kadi na ŋun, gwoso pirit ’yuret na rubaŋgajin nagon a dakap, ko misajin ti ambatajin na peta ko Ŋun i komor,

Yuörö 25:23

A do ködyö teteŋdi kaden ’bokolot a misa. Tojolan nanyit a lokiliŋan murek, ko tugalaŋ nanyit a lokiliŋ geleŋ, a tojolan nanyit ki gwe a lokiliŋ geleŋ ko swöt.

Yuörö 30:8

A na togwi ’dikiŋdye Arona lombojin ki i sömukö nu, a nye ködyö ’yuŋe bökur; kweja adi bökur ti jaran ’yura ko MATAT i komor temba i nyakwariat kasu.

Tolupesi 9:2

Lepeŋ aje ’duŋgo lokore, ko aje ŋo ’ya binyo kanyit, lepeŋ koti aje peddya misa nanyit.

Koli Lo ’but Parik 1:12

Na gwoŋdi mor i yukan kanyit i dotoet loki nu, a welet nio narada möara paleleŋ.

Ejikele 23:41

a se si ’dani i dotoesi nakwekwelen, a iŋge petakin misajin kase i komor nagon se tiŋdi bökur lio se ko welet nio.

Ejikele 44:16

Lepeŋat ködyö lo lupö i pirit nio nake na rurwan, a lepeŋat miju nyona ko misa nio anyen kitakiŋdya nan, a se lo ’debbi jujuwesi kwe.

Lewi 24:6

A do ködyö peddi se a ’dokiŋ murek, kweja adi buker i ’doke geleŋ, i loki na misa nagon tetena ko dakap nake na gwon ko MATAT i komor nu.

Malaki 1:12

Ama ta gwon i lauŋdya na karin kwe na kulyari ta adi, Misa nio na MATAT a toluta, kinyo logon wuki koyo i misa lo ’bayin a nene ŋo.

Malaki 1:7

Ta a lauŋdya karin kwe kogwon ta a wukiŋdya kinyo logon a lut koyo i pirit ’yuret na rubaŋgajin. A ta waddi pija adi, Yi tolut do ada? Adi, Kogwon ta yeyeju adi, Misa na MATAT ’bayin a nene ŋo.

1 Korinto 10:21

Ta ti bulö matuŋdya i kopo na Matat ko köti i kopo na mulökö lorok. Ta ti bulö nyesu i misa na Matat ko köti i misa na mulökö lorok.

Kweyatti 3:20

Mete, nan gwogwo ’dan i kotumit, a totoggi totoggu. Ko lele ŋuto a yiŋga gworo lio a paji kotumit, a nan mo luponi ko lepeŋ yu, a yi mo nyesi ko lepeŋ i pirit na geleŋ.

Kweyatti 8:3

A kirut lele malaikatat ŋoŋdi ŋo a gwo ’de i pirit ’yuret na rubaŋgajin. Lepeŋ gwon ko ta ’dok nagon a dakap anyen tiki ’e bökur, a lepeŋ iŋge tiki bökur a duma parik anyen wuwukin i pirit na geleŋ ko kwakwasesi ti ŋutu liŋ ti Ŋun. Lepeŋ wukiŋdya se i loki na pirit ’yuret na rubaŋgajin nagon a dakap i komor na ŋina si ’daet.