Ejikele 41:15 - Bibilia Buk na Ŋun nagon koti luŋu a

¹⁵ a kirut lepeŋ tembi tojolan na ŋina kadi nagon komorga pirit nagon a kölöki kana a ’baŋ na. (Ŋilo ’baŋ gwon i swöt lo tokotyaŋ lo kadi na ŊUN.) A temet na ŋina kadi se ko piritön woriesi na gwon i mara kanyit murek kulo gwe a lokiliŋan mia geleŋ. A kadi najo na kadi na ŊUN ko toŋkwet se ko baraŋöa na kaŋo

Ejikele 41:15 Iomraidhean Croise

Koli Lo ’but Parik 1:17

kaden ti kadi nikaŋ gwoso tika, a rikön kaŋ gwe a kaden berosa.

Koli Lo ’but Parik 7:5

Kwe inot gwon ki gwoso mere Karmela, a kupir kulök ti kwe gwe a lo ’bule parik, a se iŋge rerek mor.

Ejikele 41:12

A tugalaŋ na kadi nagon komorga ’baŋ lo lolorga kadi na ŊUN i swot lo tokotyaŋ na gwe a lokiliŋan merya buryo, a jolan nanyit gwe a lokiliŋan merya buŋwan, a tu ’bökik na gorom na kadi gwe a lokiliŋan mukanat.

Ejikele 41:13

A kirut ŋilo ŋuto tembi kadi na ŊUN a gwe a lokiliŋan mia geleŋ, a temet na pirit nagon kölöki kana a ’baŋ na, ko ŋinu kadi nagon komorga kadi na ŊUN na, se ko temet na goroma kanyit liŋ gwe a lokiliŋan mia geleŋ.

Ejikele 41:14

Köti a tugalaŋ na komor na kadi na ŊUN i swöt lo ’yure se ko pirit nagon a kölöki kana a ’baŋ na gwe a lokiliŋan mia geleŋ.

Ejikele 41:16

Iŋge mukö ko baulan, a se liŋ musala gwe ko kwilisesi nagon tulöddu kaŋo a nagusulak i swötön liŋ, a kine kwilisesi iŋge goro ko kaden kase i mara.

Ejikele 41:17

A i toŋkwet, ko i kadi na gwon köke, ko i goroma liŋ lukata ko kaŋo suluja kak tojo ko kwilisesi, ko i kwake na gwon i kötumit ki

Ejikele 42:1

A kirut ŋilo ŋuto joŋgi nan kaŋo i ’baŋ lo gwon kaŋo na kadi na ŊUN komorga swot lo lobot, a joŋgi nan i nene kadi nagon a kora a kadijik na ’di ’dik, komorga pirit nagon a kölöki kana a ’baŋ na, köti komorga nene kadi na gwon i swöt lo lobot.

Ejikele 42:10

A i swöt lo loki lo kadi na ŊUN komorga pirit nagon a kölöki kana a ’baŋ na, köti komorga kadi najo, a nene kadi najo gwe kata nagon a kökora a kadijik na ’di ’dik,

Ejikele 42:15

A nagon ŋilo ŋuto aje tutuŋgö temba lukata na kadi na ŊUN nu, a lepeŋ joŋgi nan kaŋo lupöri kötumit na diraddu i swöt lo ’yure na, a tembi nu pirit ’bukuluŋ.

Ejikele 42:3

Nyena a kine kadijik iŋge tetena a koŋiloreki musala musala, a piritön wöriesi nagon i barapöak i kune gwe kata i kine koŋiloreki musala nagon totoboŋ kune. A kine piritön wöriesi metaddi i pirit nagon a kölöki kana a ’baŋ, nagon morakiŋdya i ’baŋ lo lukata na, a köti metaddi i pirit na ’du i ’baŋ lo kaŋo.

Ejikele 42:5

A kadijik na ’di ’dik na gwon i koŋilore na ’dutet kune gwe a nagusulak lwö-lwöŋ na gwon kak se ko na gwon kiden kune, kogwon piritön woriesi nagon i barapöak i kune a riŋun pirit ’duket.

Jakaria 3:7

MATAT lo kurumi lo kulya sona adi, Ko do kodyo mo wöro i kiko-liŋ kwe ti MATAT ko i ’debba na yokiet nio, a do mo saŋi kadi nio, a do mo tiji mariŋan kwe, a nan mo rukokiŋdye do i morakiŋdya i se logon gwo ’dan ŋini kilo.