Ejikele 41:10 - Bibilia Buk na Ŋun nagon koti luŋu a

¹⁰ A pirit nagon a kölöki kana a ’baŋ na lolorgi kadi na ŊUN i swötön liŋ i kiden na kunie kadijik se ko kine kadijik na ’di ’dik. A temet na tugalaŋ na ŋilo ’baŋ gwe a lokiliŋan merya murek.

Ejikele 41:10 Iomraidhean Croise

Ejikele 40:17

A kirut ŋilo ŋuto joŋgi nan lukata i ’baŋ lo gwon kaŋo na kadi na ŊUN, a nan meddi kadijik na ’di ’dik ko pirit na ’du nagon a linyö ko ŋurupö lolorga ’baŋ; a kadijik na ’di ’dik merya musala gwe i loki nanyit.

Ejikele 40:38

A nene kadi na ’dit gwe kata nagon kötumit nanyit auŋdya i baraŋöa na gwon i kadi najo na gwon i kötumit na. ŋina kadi lokore na rubaŋga lo ’yu ’yura ’buluŋ lalai kata.

Ejikele 42:1

A kirut ŋilo ŋuto joŋgi nan kaŋo i ’baŋ lo gwon kaŋo na kadi na ŊUN komorga swot lo lobot, a joŋgi nan i nene kadi nagon a kora a kadijik na ’di ’dik, komorga pirit nagon a kölöki kana a ’baŋ na, köti komorga nene kadi na gwon i swöt lo lobot.

Ejikele 42:3

Nyena a kine kadijik iŋge tetena a koŋiloreki musala musala, a piritön wöriesi nagon i barapöak i kune gwe kata i kine koŋiloreki musala nagon totoboŋ kune. A kine piritön wöriesi metaddi i pirit nagon a kölöki kana a ’baŋ, nagon morakiŋdya i ’baŋ lo lukata na, a köti metaddi i pirit na ’du i ’baŋ lo kaŋo.