Ejikele 40:6 - Bibilia Buk na Ŋun nagon koti luŋu a

⁶ a lepeŋ iti i kadi najo nagon suluja lupörikin i kötumit na kaŋo tojo i tulöddu i lukata na mariŋ ŋina kötumit diraddu i swöt lo ’yure. A nye kiyaddi i kiyesi kanyit a tembi tu ’bökik na lupet na kötumit, a gwe a pa ’duŋi geleŋ.

Ejikele 40:6 Iomraidhean Croise

1 Moran 6:8

A kötumit na kadi na gwon kak na gwe i swöt lo loki lo kadi na MATAT; ŋuto bubulö kija ko kiyesi tojo ko koŋilore na gwon i kiden, a kirut i ŋina koŋilore tojo i koŋilore tomusala.

1 Dekat 9:18

A se yeoe tiju kötu-mit na mor na gwon i swöt lo ’yure nu. A kilo ŋutu gwe a katiyuk ti kötumitön ti mera na Lewijin.

1 Dekat 9:24

A kilo katiyuk ti kötumitön gwe i swötön iŋwan kulo, i swöt lo ’yure, ko i swöt lo tokotyao, ko i swöt lo lobot, ko i swöt lo loki;

Nemaya 3:29

A ko koanejin ŋerot a gwe a Sadok ŋuro lo Imer lo nyöggi teteŋdya piritön nagon a kököröju, komorga kadi nanyit. A ko Sadok ŋerot a gwe a Semaya ŋuro lo Sekania, katiyunit lo kötumit na gwon i swöt lo ’yure, lo nyöggi teteŋdya piritön nagon a kökö­röju.

Saumajin 84:10

Si ’da nio konut i ’baŋin lor geleŋ gwon a na ’but totoŋun si ’da i nene ŋirit perok aliŋ geleŋ. Nan ködyö nyanyar gwogwo ’di i kötumit na kadi na Ŋun lio, totoŋun si ’da i kemialan ti ŋutu katoronyak.

Yeremia 19:2

lupöri kötumit na luŋu a na Ta ’doka tojo ko pirit na ’dir na ŋuro lo Inoma, a do laije kulyaesi nyu loron nan de tatakin do kulo.

Ejikele 10:18

A kirut minyo lo MATAT kö ’yi kutuk na kötumit na kadi nanyit a gwi ’diki i kerubajin loki.

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 40:20

A kirut lepeŋ nyömöddi nan i swöt lo lobot, a nan meddi kadi najo na gwon i kötumit nagon diraddu i swöt lo lobot, nagon lupörikin i ’baŋ lo gwon kaŋo na kadi na ŊUN na. A lepeŋ tembi tojolan nanyit se ko tugalap nanyit.

Ejikele 40:22

A kwilisesi kanyit, ko baraŋöa nanyit, se ko pöjinö kanyit ti kaden ti tömur, temesi kase gwe jojo ko temesi ti po na gwon i kötumit na diraddu i swöt lo ’yure na; a kiyesi buryo kiyajie kata, a baraŋöa gwe kase ŋerot.

Ejikele 40:24

A nye nyömöddi nan i swöt lo loki, a nan meddi kadi najo na gwon i kötumit na diraddu i swöt lo loki; a lepeŋ tembi togwi ’diesi logon tomoraki i ’dutesi ti goroma kulo se ko baraŋöa nanyit, a se gwe jojo ko kunie kune.

Ejikele 40:26

A kiyesi buryo kiyaji ’e kata, a baraŋöa gwe kase ŋerot; a togwi ’diesi lo tomoraki i ’dutesi ti goroma kanyit kulo iŋge gigiruki ŋöjinö ti kaden ti tömur, lele i lo swöt ko lele i lu swöt.

Ejikele 40:5

A nan meddi kadi na ŊUN a loraki kiden ko gorom nagon a mariŋ. A pa ’duŋi temet nagon ŋilo ŋuto momok na gwe a lokiliŋan buker logon a lojo, kweja adi temet na lokiliŋ geleŋ lojo gwon a lokiliŋ geleŋ logon a ’yalaki ’dapanit na könin kata. A lepeŋ tembi tu ’bökik na gorom a pa ’duŋi geleŋ; a nye tembi tojolan nanyit ki a pa ’duŋi geleŋ.

Ejikele 40:7

A nye tembi kadijik na ’di ’dik na lolokoto i swötön liŋ murek ti ŋina kadi najo i lukata nanyit, a tojolan nase liŋ geleŋ geleŋ gwe a pa ’duŋi geleŋ, a tugalap nase gwe a pa ’dupi geleŋ köti. A kwakiat na gwon i kiden na kine kadijik kune gwe a lokiliŋan mukanat mukanat, a temet na tu ’bökik na lupet nagon ŋuto lupöri i baraŋöa a tulöddi lukata na gwe a pa ’dupi geleŋ.

Ejikele 41:16

Iŋge mukö ko baulan, a se liŋ musala gwe ko kwilisesi nagon tulöddu kaŋo a nagusulak i swötön liŋ, a kine kwilisesi iŋge goro ko kaden kase i mara.

Ejikele 42:15

A nagon ŋilo ŋuto aje tutuŋgö temba lukata na kadi na ŊUN nu, a lepeŋ joŋgi nan kaŋo lupöri kötumit na diraddu i swöt lo ’yure na, a tembi nu pirit ’bukuluŋ.

Ejikele 43:1

A i mukök a lepeŋ joŋgi nan i kötumit, kweja adi ŋina a kötumit nagon diraddu i swöt lo ’yure na.

Ejikele 43:17

A i mukök nanyit gwe a ŋurupit lobot logon tojolan nanyit a lokiliŋan puök wot iŋwan, a tugalaŋ nanyit gwe a lokiliŋan puök wot iŋwan köti, a togulu nanyit suluja i kutuk tojo kiden gwe a swöt na lokiliŋ i lolorga na swötön kanyit liŋ. A gwo ’diet na ŋina pirit ’yuret na rubaŋgajin gwe a lokiliŋ geleŋ i tuset lonyit, a kiyesi gwe kata nagon diraddu i swöt lo ’yure.

Ejikele 43:8

Lepeŋat a tiŋdu lupet na kötumit nase didiŋö ko kötumit nio, iŋkoi, lepeŋat a tiŋdu kaden kase ti kötumit didiŋö ko kaden ti kötumit nio, a gorom nagon a mariŋ tuŋ ka ’de na koŋi nan ko se. A se iŋge kör karin kwe nake ko ŋo kase na mamana nagon se kökon kune nyena a nan iŋge totum se i woran nio.

Ejikele 44:1

A kirut ŋilo ŋuto nyököddi nan bot i kötumit na kaŋo na pirit nake na rurwan, nagon diraddu i swöt lo ’yure na; a lepeŋ iŋge kinu.

Ejikele 46:12

a ko kasaranit wukiŋdya nan Matat ’doket na tupalikan na töili, kode ŋina ’doket a rubaŋga lo ’yu ’yura ’buluŋ, kode a rubaŋgajin ti taliŋ, a kötumit na diraddu i swöt lo ’yure na ködyö gakine lepeŋ; a lepeŋ wukiŋdye rubaŋga lonyit lo ’yu ’yura ’buluŋ se ko rubaŋgajin kanyit ti taliŋ gwoso na koŋdi nye i sabata na. A kirut nye kodyo iti kaŋo, a i mukok nagon nye aje tu kaŋo nu, a kotumit kinuni kinu.

Ejikele 47:1

A kirut ŋilo ŋuto nyököddi nan i kotumit na kadi na Ŋun, a nan meddi pioŋ lelekun kaŋo i lukak na lupet na kotumit na ŋina kadi i swot lo ’yure (kogwon komor na kadi diraddu i swot lo ’yure); a pioŋ ’doke kak i swot lo lutaten na kadi na Ŋun i swot lo loki na pirit ’yuret na rubaŋgajin.

Ejikele 8:16

A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.