Ejikele 40:5 - Bibilia Buk na Ŋun nagon koti luŋu a

⁵ A nan meddi kadi na ŊUN a loraki kiden ko gorom nagon a mariŋ. A pa ’duŋi temet nagon ŋilo ŋuto momok na gwe a lokiliŋan buker logon a lojo, kweja adi temet na lokiliŋ geleŋ lojo gwon a lokiliŋ geleŋ logon a ’yalaki ’dapanit na könin kata. A lepeŋ tembi tu ’bökik na gorom a pa ’duŋi geleŋ; a nye tembi tojolan nanyit ki a pa ’duŋi geleŋ.

Ejikele 40:5 Iomraidhean Croise

Saumajin 125:2

Gwoso nagon merya a gömökindyö Yerusalema na, a köti MATAT gömbi ŋutu kanyit, suluja i na diŋit teŋ ko ŋupi ŋupi.

Yisaya 26:1

A i ŋilo lor a ŋutu ti Yuda mo yoloni ŋilo köli adi, Yi gwon ko köji nago; lepeŋ a gömbu yi ko gorom nagon a mariŋ köti ko lipo na ’du ’dulu i mariŋ kaŋo, anyen gwon a lwökit nikaŋ.

Yisaya 60:18

A nan mo tiridi taliŋ a kametanit ilot, ko löti lo rigwo a kasaranit ilot. A mörö mo tine yiŋa köti konut i jur, a köŋu ko tukaŋu tine yiŋa i lukata na lökokoritan kunök; a do mo luŋgi goroma kunök a Lwökisi, se ko kötumitön kunök a Pupuresi.

Ejikele 41:8

A nan koti iŋge meddya pirit na ’du lolorga kadi na ŊUN. A temet na pipilesi ti kadijik na ’di ’dik na gwon i mara kune gwe a pa ’duŋi ’bukuluŋ logon temet nanyit a lokiliŋan lojo buker.

Ejikele 42:15

A nagon ŋilo ŋuto aje tutuŋgö temba lukata na kadi na ŊUN nu, a lepeŋ joŋgi nan kaŋo lupöri kötumit na diraddu i swöt lo ’yure na, a tembi nu pirit ’bukuluŋ.

Ejikele 42:20

Iŋkoi, lepeŋ aje temba ŋinu pirit i swötön liŋ iŋwan, a gorom nagon lolorga lepeŋ na temuŋdye a lokiliŋan miajin mukanat i jolan nanyit, a tugalaŋ nanyit gwe a lokiliŋan miajin mukanat ŋina gorom koŋa ko pirit nake na rurwan, ko nagon abur kana na.

Ejikele 43:13

A kine gwe a temesi ti pirit ’yuret na rubaŋga.jin nagon tema a lokiliŋan, (kweja adi lokiliŋ geleŋ a ’yalaki ’dapanit na könin kata). A tojolan na gwo ’diet nanyit ki gwe a lokiliŋ geleŋ, a tugalaŋ nanyit i tuset gwe a lokiliŋ geleŋ, a togulu nanyit suluja i kutuk tojo kiden gwe a swöt na lokiliŋ i lolorga na swötön kanyit liŋ.

Jakaria 2:5

Kogwon MATAT lo kulya adi, Nan mo gwon kanyit a mariŋ nagon a kimaŋ, a nan mo gwe a minyo kanyit kiden.

Nyökit 3:11

(Kogwon ŋga mor lo Basan tuŋ lo pituŋdyö i pitönö ti ŋutu ti Repa; mete, saŋduk nuket nanyit a kuruwe kaŋo i lurutat logon a wiyu; nye nyuŋ kata Raba na ŋutu ti Amon, ’bayin sona le? A tojolan nanyit gwe a lokiliŋan buŋwan, ko tugalaŋ nanyit a lokiliŋan Iŋwan, gwoso lokiliŋ lo ŋuto.)

Kweyatti 21:12

Ŋina köji gwon ko gorom nagon a mariŋ najo ki, na gwon ko kötumitön puök wot murek, a malaikajin puök wot murek geleŋ geleŋ gwe i kine kötumitön; a karin iŋge wuroki i kine kötumitön geleŋ geleŋ nagon a karin ti kotumitbn puök wot murek ti nyakwariat ti Yisaraele.