Ejikele 40:45 - Bibilia Buk na Ŋun nagon koti luŋu a

⁴⁵ A lepeŋ takiŋdye nan adi, Na kadi nagon diraddu i swöt lo loki na a na koanejin logon meddya kita na kadi na ŊUN.

Ejikele 40:45 Iomraidhean Croise

1 Dekat 6:49

Ama a Arona ko ŋwajik kanyit köju lo wukiŋdya rubaŋgajin i pirit ’yuret na rubaŋgajin lo ’yu ’yura ’buluŋ ko i pirit ’yuret na bökur. A se koŋdi sona i kwe na kitajin liŋ ti pirit nake na rurwan na totopuŋdya na, ko i toke ’ya na toronjin ti Yisaraele, gwoso i ŋo liŋ nagon Mose koliŋonit lo Ŋun a sarakiŋdye se köju nu.

1 Dekat 9:23

Nyena a kilo ŋutu se ko nyakwariat kase gwe a katiyuk ti kötumitön ti kadi na MATAT, kweja adi nu kemia.

2 Dekat 13:11

Lepeŋat wukiŋdya MATAT rubaŋgajin lo ’yu ’yura ’buluŋ, ko bökur lo mon paleleŋ temba i ko’bure ko i sömukö i ’doro na kolor, a peddi ambatajin ko Ŋun i komor jojo i misa nake na rurwan, ko i meddya na gwo ’diet lo lombojin na tetena ko dakap, anyen lombojin kanyit tutule temba i ’doro na kolor; kogwon yi ’debba jujuwesi ti MATAT nun likaŋ, ama ta aje ko ’yu lepeŋ.

Saumajin 134:1

Ta köliŋönök liŋ ti MATAT, pupurje ta MATAT, iŋkoi, ta logon gwo ’dan i kadi na MATAT temba i tukwaje kilo, pupurje ta lepeŋ!

Ejikele 40:17

A kirut ŋilo ŋuto joŋgi nan lukata i ’baŋ lo gwon kaŋo na kadi na ŊUN, a nan meddi kadijik na ’di ’dik ko pirit na ’du nagon a linyö ko ŋurupö lolorga ’baŋ; a kadijik na ’di ’dik merya musala gwe i loki nanyit.

Ejikele 40:38

A nene kadi na ’dit gwe kata nagon kötumit nanyit auŋdya i baraŋöa na gwon i kadi najo na gwon i kötumit na. ŋina kadi lokore na rubaŋga lo ’yu ’yura ’buluŋ lalai kata.

Ejikele 44:11

Lepeŋat ködyo kita i pirit nio nake na rurwan i tiju na kötumitön ti kadi nio, ko i kita köyö i kadi lukata. Lepeŋat ködyö ’duŋgö rubaŋgajin lo ’yu ’yura ’buluŋ se ko rubaŋgajin logon wuki kogwon kulya ti ŋutu, a lepeŋat ködyö gwo ’de kase i komor i kitakiŋdya na se.

Ejikele 44:15

Ama koanejin logon a Lewijin logon a nyakwariat ti Sadok, se lo tiju pirit nio nake na rurwan i diŋit na giraddi ŋutu ti Yisaraele kaŋo köyö nu; kilo ŋutu ködyö lo mijun köyö ni i kitakiŋdya na nan, a se molu gwo ’de köyö i komor anyen wukiŋdya nan lokorio nagon a welesi se ko rima. Kilo a kulyaesi kwe ti MATAT ŊUN.

Ejikele 45:4

A ŋina pirit ködyö ko-rwene a nake na rurwan na jur, a nye ködyö gwe a na koanejin lo kita i pirit nake na rurwan logon mijun nyona i kitakiŋdya na nan MATAT. Iŋkoi, ŋina pirit ködyö gwon a na kadijik kase mora ko pirit nagon kadi nake na rurwan ’duköki kata.

Ejikele 8:5

A kirut lepeŋ kulyani ko nan adi, Ŋuro lo ŋuto, metaddi i swot lo lobot. Nyena a nan metaddi i swöt lo lobot, a nan iŋge meddya ŋilo nyömue yinet gwogwo ’dan i swöt lo lobot na kötumit nagon lupörikin i pirit ’yuret na rubaŋgajin.

Lewi 8:35

A ta momordi i kötumit na kemia torumet tuparan ko tukwaje perok buryo i ’debba na saret lo MATAT an ta twatwa; kogwon a saraki nan sona.

Kenet 18:5

A ta ködyö kitani kitajin ti pirit nake na rurwan ko kitajin ti pirit ’yuret na rubaŋgajin, an woran ko pokin köti ko ŋutu ti Yisaraele loki.

Kenet 3:32

A Elejara ŋuro lo koane Arona ködyö gwe a duma lo ŋutu temejik ti Lewijin ko i gwon a kametanit lo katiyuk ti nu pirit nake na rurwan.

Kenet 3:38

A ŋutu logon ködyö ’beggu kemialan kase i komor na nu kemia torumet i swöt lo ’yure lo nyeruŋdye kolor kulo gwe a Mose, ko Arona se ko ŋwajik kanyit logon tiju nu pirit nake na rurwan a na ŋutu ti Yisaraele; a koŋuto logon ’bayin a lele lose a mijun nyona, a nye ködyö tatuani tatua.

1 Timoteo 6:20

Timoteo, tini ti po nagon do a yinikin kata kine. Paji jamesi kana ti na kak se ko rerenyesi i kulya ti ŋo nagon nutu luŋ a denesi ama se a ’burönö kine.

Kweyatti 1:6

logon a tiŋdu yi tumatyan i kitakiŋdya na Ŋun Monye lonyit a koanejin lo, koti ti kido saret gwe ko lepeŋ Ŋupi ŋupi. Amin.