Ejikele 40:4 - Bibilia Buk na Ŋun nagon koti luŋu a

⁴ A ŋilo ŋuto kulyani ko nan adi, Ŋuro lo ŋuto, mete met ’bura ko yiŋe yiŋ ’bura, ko togwi ’dikiŋdye töili ilot i ŋo liŋ nagon nan de kwekwekin do kune, kogwon do a jwe ni anyen nan böŋö kwekiŋdya do se. Nyönyököki kötumit na Yisaraele ŋo liŋ nagon do de memet kune.

Ejikele 40:4 Iomraidhean Croise

Yisaya 21:10

Ta ŋutu kwe, logon a gwutö ko a seta gwoso ’bolot i pirit gwutet na ’bolot, nan tukökintiyö ta ŋo nagon nan a yiŋ ko MATAT lo kurumi, logon a Ŋun lo Yisaraele.

Yeremia 26:2

Nan MATAT lo kulya adi, Gwo ’de i ’baŋ lo kadi nio na MATAT, ko jamaki ŋutu ti köjinö liŋ ti Yuda logon po i kwakwaddu i kadi nio na MATAT kulo, taki lepeŋat kulyaesi liŋ logon nan a sarakin do i jamakiŋdya na lepeŋat kulo; an do ko ’de ’ya lele kulyaet.

Ejikele 2:1

A na meddi nan ŋina parara nu, a nan ’dorone kak rupu, a nan yiŋge gworo i jambu, adi, ŋuro lo ŋuto, ŋine ki! Nan ’dek jambu ko do.

Ejikele 2:3

A lepeŋ kulyani ko nan adi, ŋuro lo ŋuto, nan ŋilo soŋdu do i ŋutu ti Yisaraele logon a kötumit na ŋutu karerenyak logon a renya nan. Lepeŋat se ko merenyejin kase a toroŋdya nan ma ’di tojo ko lo lor.

Ejikele 3:17

Ŋuro lo ŋuto, nan aje kon do a katiyunit lo kötumit na Yisaraele; nyenagon ko do yiyiŋ kulya na jam nan kine, a ti do taki lepeŋat adi, MATAT lo kulya adi, Kunyar ta!

Ejikele 43:10

Ŋuro lo ŋuto, nyönyököki kötumit na Yisaraele kulya ti ŋina kadi nio na ŊUN, ko meta nanyit se ko temesi kanyit, anyen kusik kase ködyö yuyu kogwon toronjin kase.

Ejikele 44:5

A MATAT takiŋdye nan adi, Ŋuro lo ŋuto, tirikuni tiriku ’bura, meddi ’bura, ko yiŋe yiŋ ’bura po liŋ nagon nan takin do kine i kulya ti jujuwesi se ko saresi liŋ ti kadi nio na MATAT. Tirikuni ’bura i tiju na kötumit nagon lupörikin i kadi nio na MATAT se ko kötumitön nagon lupörikin kaŋo i pirit nake na rurwan kune.

Ejikele 47:6

A kirut lepeŋ pipije nan adi, ŋuro lo ŋuto, do aje inet kine kulya le? A kirut lepeŋ nyököddi nan bot i kijit na kare.

Matayo 10:27

Ŋo nagon nan tukökin ta i mudwe kine tuke ta i parara; ŋo nagon a moŋaki kasu i swo kine laŋe ta i loteko ti kadijik.

Matayo 13:9

ŋuto logon ko swo yiŋesi ti nye yiŋge kine kulya.

Konesi 20:27

kogwon nan a ko ’de ’ya tukökiŋdyö ta yeyeesi liŋ ti Ŋun.

1 Korinto 11:23

Kogwon saresi logon nan todinikin ta kilo nan a wu ko Matat, adi, i tukwaje lo tiki ’e Matat Yesu i tatua lu, lepeŋ a ’dumuŋdya ambata,

Nyökit 32:46

a nye kulyani ko se adi, Tiŋdi ta töilyet kasu i ’debba na kilo kulyaesi liŋ logon nan aje tukökin ta i lo lor kilo; anyen ta sarakin ŋwajik kasu, anyen se böŋö tiju i koŋdya na kulyaesi liŋ ti kilo saresi.