Ejikele 40:39 - Bibilia Buk na Ŋun nagon koti luŋu a

³⁹ a misajin iŋwan gwe kata i lukata na baraŋöa na kadi najo na gwon i kötumit na, murek i lele swöt ko murek i lele swöt. Kine misajin ’duŋörikin toro ’bo nagon wuki a rubaŋgajin lo ’yu ’yura ’buluŋ, ko rubaŋgajin ti toron se ko rubaŋgajin ti lyaŋan.

Ejikele 40:39 Iomraidhean Croise

Yisaya 53:10

Ama gwon a ’deket na MATAT i mumuyugga na lepeŋ; amye aje itomijö lepeŋ; a ko nye aje tiŋdu gwiliŋit nanyit a rubaŋga lo toron nu, a nye mo meddi nyakwariat kanyit, a nye no tojo ’yi perok kanyit; a na MATAT mo puŋutu ru ŋerot ’bura ko lepeŋ i könin;

Yisaya 53:5

Ama nye a remo kogwon lyaŋesikaŋ, nye a mumuyuka kogwon toronjin kaŋ; riŋesi na ’durukin kanyit loki kune se na tiŋdu yi gwon taliŋ, a ’dikasin na ’bitöki lepeŋ kune se na tobia ’yi yi.

Ejikele 40:40

a misajin murek gwe kaŋo i goŋet lo baraŋöa na ŋina kadi najo na gwon i kötumit ko ŋuto tu i lupet na kötumit na diraddu i swöt lo lobot na; a kunie misajin murek gwe kaŋo i lele swöt lo baraŋöa na kadi najo na gwon i kötumit na.

Ejikele 40:41

Iŋkoi, misajin iŋwan gwon i lele swöt ko kunie iŋwan i lele swöt nyona ko lupet na kötumit na kadi najo; kweja adi lepeŋat liŋ a misajin budök nagon ’duŋörikin toro ’bo nagon wuki a rubaŋgajin.

Ejikele 40:42

Köti a misajin iŋwan gwe kata nagon a ŋurupö lo tuturu a ti rubaŋgajin lo ’yu ’yura ’buluŋ, a tojolan nase gwe a lokiliŋ geleŋ ko swöt, a tugalaŋ nase gwe a lokiliŋ geleŋ ko swöt, a tojolan nase ki gwe a lokiliŋ geleŋ. Kine misajin petarikin tito ’duŋesi ti rubaŋgajin lo ’yu ’yura ’buluŋ se ko tito ’duŋesi ti toro ’bo ti kulye rubaŋgajin.

Ejikele 41:22

gwoso pirit ’yuret na rubaŋgajin. Jolan nanyit ki a lokiliŋan musala, a jolan nanyit kak gwe a lokiliŋan murek, a tugalaŋ nanyit gwe a lokiliŋan murek; a gopesi kanyit, ko kak nanyit, se ko mara kanyit gwe a kaden. A ŋilo ŋuto takiŋdye nan adi, ŋina a misa na gwon ko MATAT i komor.

Ejikele 42:13

A kirut ŋilo ŋuto takiŋdye nan adi, Kine kadijik na gwon i swöt lo lobot ko na gwon i swöt lo loki komorga pirit nagon a kölöki kana a ’baŋ kune a nake na rurwan, nagon koanejin logon mijun nyona ko MATAT kulo mo nyesi rubaŋgajin loke parik lo rurwan mo ’de ’yi rubaŋgajin loke parik lo rurwan nyu, kweja adi ’doket na ’bolot, ko rubaŋga lo toron, se ko lo lyaŋan, kogwon ŋina pirit a nake na rurwan.

Ejikele 44:16

Lepeŋat ködyö lo lupö i pirit nio nake na rurwan, a lepeŋat miju nyona ko misa nio anyen kitakiŋdya nan, a se lo ’debbi jujuwesi kwe.

Ejikele 46:2

A kasaranit kodyo lupöri baraŋöa na kadi najo na gwon i kotumit na kaŋo tojo i lukata, a lepeŋ gwo ’de nyona ko kodini lo kotumit. A koanejin kodyo wukiŋdye rubaŋga lo ’yu ’yura ’buluŋ logon a lo kasaranit se ko rubaŋgajin kanyit ti taliŋ. A ŋilo kasaranit kodyo rugwuŋökine kak i kwakwaddu i lupet na kotumit nagon tuloddu lukata. A lepeŋ kirut lupöni kaŋo, ama a kotumit tine kinu tojo ko koriri i ’doro na kolor.

Lewi 5:15

Ko lele ŋuto a ’beleŋgu saret a iŋge toroŋdya ’bak denet i nene na ŋo nake na rurwan ti MATAT, ti nye joŋdi lopijot ko MATAT ni a rubaŋga lonyit lo lyaŋan. ŋilo lopijot köbilityo lo ’dumwe i teŋ na yidin kata lo ködyö gwon ’bak yuyuket. Do ködyö keŋdya ’bulit na ŋilo lopijot köbilityo gwoso pödöjin na tema ko sekele na pirit nake na rurwan; ŋilo a rubaŋga i kulya ti lyaŋan.

Lewi 5:19

Ŋilo a rubaŋga i kulya ti lyaŋan; kogwon ŋilo ŋuto gwon ko toron ko MATAT i komor.

Lewi 6:6

A nye jakiŋdye koane rubaŋga lonyit lo konaki MATAT i kulya ti lyaŋan. ŋilo rubaŋ ködyö gwon a lopijot köbilityo logon ’bak yuyuket, lo dumwe i teŋa yidin kata, gwoso i kenet inot na ropet na rubaŋga i kulya ti lyaŋan;

Malaki 1:12

Ama ta gwon i lauŋdya na karin kwe na kulyari ta adi, Misa nio na MATAT a toluta, kinyo logon wuki koyo i misa lo ’bayin a nene ŋo.

Malaki 1:7

Ta a lauŋdya karin kwe kogwon ta a wukiŋdya kinyo logon a lut koyo i pirit ’yuret na rubaŋgajin. A ta waddi pija adi, Yi tolut do ada? Adi, Kogwon ta yeyeju adi, Misa na MATAT ’bayin a nene ŋo.

Luka 22:30

anyen ta böŋö nyenyesu ko mömöju ko nan i pirit na geleŋ i tumatyan nio, ko anyen si ’da i si ’daesi ti tumatyan i ’duŋgö na kulya ti kötumiton puök wot murek ti Yisaraele.

2 Korinto 5:21

Kristo ’bak toron, ama Ŋun a kon lepeŋ a toron kogwon kulya kaŋ, anyen yi bonö gwon ko torigwo na Ŋun kanyit i mugun.