Ejikele 40:29 - Bibilia Buk na Ŋun nagon koti luŋu a

²⁹ A kadijik na ’di ’dik na gwon i lukata na ŋina kadi najo i swötön liŋ murek kune, ko togwi ’diesi logon a tomoraki i ’dutesi ti goroma kulo, se ko baraŋöa nanyit, temesi kase gwe jojo ko ti kunie kune. A kwilisesi gwe kata i swötön kanyit ko i baraŋöa nanyit. A tojolan na ŋina kadi najo na gwon i kötumit na gwe a lokiliŋan merya mukanat, a tugalaŋ nanyit gwe a lokiliŋan merya murek wot mukanat.

Ejikele 40:29 Iomraidhean Croise

1 Moran 7:4

A nye tiŋdi kaden i ’dokiŋ musala, a kolokindye kwakiat kase i kaden a kwilisesi daŋin musala, a kine kwilisesi todiraki todirakin i swötön murek.

2 Dekat 31:11

A kirut Kijikia saŋi saŋu anyen kadijik na ’di ’dik na gwon i kadi na MATAT kune tetena. A se teteŋdi teten­dya.

Nemaya 13:5

a Eliasiba wulökiŋdye Tobia kadi duma nagon köju ’delarikin ’dokesi ti ’bolot, ko bökur, ko tito, se ko swötön topuökisi ti ’bolot, ko ti binyo, ko ti welet nagon a saraki adi ködyö a ti Lewijin, ko a ti kayolok, ko a ti katiyuk ti kötumitön, se ko koresi ti kinyojin nagon a ti koanejin.

Nemaya 13:9

A kirut nan tiŋdi saret anyen lepeŋat totoke kadijik na ’di ’dik; a iŋge toyitun tito ti kadi na Ŋun i lukata nase, se ko ’dokesi ti ’bolot ko bökur.

Yeremia 36:10

A kirut Baruk kenakiŋdye ŋutu liŋ kulya­esi ti Yeremia logon a wuröki i waraga na pudula kulo, i kadi na MATAT. Lepeŋ keŋdya i kadi na Gemaria ŋuro lo Sapana kawurönit na gwon i lukata na ’baŋ lo ’du, i lupet na kötumit ludukötyo na kadi na MATAT.

Ejikele 40:10

A ŋina kadi najo na gwon i kötumit nagon diraddu i swöt lo ’yure na gwe ko kadijik na ’di ’dik musala i lukata nanyit i swötön liŋ murek. Kine kadijik musala musala temet nase gwon jojo. A togwi ’diesi logon a tomoraki i ’dutesi ti goroma i swötön liŋ murek kulo temet nase köti gwe jojo.

Ejikele 40:12

A i komor na kine kadijik na gwon i swötön murek kune gwe a goroma na ’di ’dik nagon temet nase a lokiliŋan geleŋ geleŋ i koŋa na se ko pirit wöriet. A temet na kine kadijik na gwon i swötön murek kune gwe a lokiliŋan buker buker.

Ejikele 40:16

A kadijik na ’di ’dik nagon gwon i lukata na ŋina kadi najo i swötön kanyit murek kune gwe ko kwilisesi. A togwi ’diesi logon a tomoraki i ’dutesi ti goroma lo gwon i kiden na kine kadijik köti gwe ko kwilisesi. Kine kwi lisesi a nagalapak lukata a tulöddi kaŋo a nagusulak kogwon tu ’bökik na gorom. A baraŋöa köti gwe ko kwilisesi i swötön liŋ lukata, a pöjinö ti kaden ti tömur iŋge gigiruki i togwi ’diesi logon a tomoraki i ’dutesi ti goroma kulo.

Ejikele 40:25

A kwilisesi gwe kata i swötön kanyit ti ŋina kadi najo na gwon i kötumit na ko i baraŋöa nanyit gwoso kwilisesi ti kunie kune; a tojolan na ŋina kadi gwe a lokiliŋan merya mukanat, a tugalaŋ nanyit gwe a lokiliŋan merya murek wot mukanat.

Ejikele 40:33

A kadijik na ’di ’dik na gwon i lukata na ŋina kadi najo i swötön liŋ murek kune, ko togwi ’diesi logon a tomoraki i ’dutesi ti goroma kulo, se ko baraŋöa nanyit, temesi kase gwe jojo ko ti kunie kune. A kwilisesi gwe kata i swötön kanyit ko i baraŋöa nanyit. A tojolan na ŋina kadi najo na gwon i kötumit na gwe a lokiliŋan merya mukanat, a tugalaŋ nanyit gwe a lokili­ŋan merya murek wot mukanat.

Ejikele 40:36

A kadijik na ’di ’dik na gwon i lukata na ŋina kadi najo i swötön liŋ murek kune, ko togwi ’diesi logon a tomoraki i goroma kulo, se ko baraŋöa nanyit, temesi kase gwe jojo ko ti kunie kune. A kwilisesi gwe kata i swötön kanyit. A tojolan na ŋina kadi najo na gwon i kötumit na gwe a lokiliŋan merya mukanat, a tugalaŋ nanyit gwe a lokiliŋan merya murek wot mukanat.

Ejikele 40:7

A nye tembi kadijik na ’di ’dik na lolokoto i swötön liŋ murek ti ŋina kadi najo i lukata nanyit, a tojolan nase liŋ geleŋ geleŋ gwe a pa ’duŋi geleŋ, a tugalap nase gwe a pa ’dupi geleŋ köti. A kwakiat na gwon i kiden na kine kadijik kune gwe a lokiliŋan mukanat mukanat, a temet na tu ’bökik na lupet nagon ŋuto lupöri i baraŋöa a tulöddi lukata na gwe a pa ’dupi geleŋ.