Ejikele 40:17 - Bibilia Buk na Ŋun nagon koti luŋu a

¹⁷ A kirut ŋilo ŋuto joŋgi nan lukata i ’baŋ lo gwon kaŋo na kadi na ŊUN, a nan meddi kadijik na ’di ’dik ko pirit na ’du nagon a linyö ko ŋurupö lolorga ’baŋ; a kadijik na ’di ’dik merya musala gwe i loki nanyit.

Ejikele 40:17 Iomraidhean Croise

1 Moran 6:5

A nye köti ’duŋge nene kadi a koŋilore nagon toto ’bo ko gorom na ŋinu kadi na MATAT, i lolorga na lepeŋ ’bukuluŋ kweja adi i kadi najo ko i toŋkwet liŋ; a nye kokoŋi ŋinu kadi lolopet a kadijik na ’di ’dik.

2 Moran 23:11

A nye joŋgi kaŋo kusanjin nagon moran ti Yuda a tikin kolor a ’dokesi. Kine kusanjin gwon i lupet na kadi na MATAT, nyona ko kadi na Natana-melek duma lo kadi na mor. Kadi nanyit gwon i lukata na mariŋ na kadi na MATAT. A mor ’yuŋe arabiajin lo jijikö logon a ti kolor kulo.

1 Dekat 23:28

A kita nase ködyö gwe i parakiŋdya na nyakwariat ti Arona i kita na kadi na MATAT, i meddya na lukata na maripan se ko kadijik na ’di ’dik, ko i toke ’ya na ŋo liŋ nagon a nake na rurwan, ko kunie kitajin ti kadi na Ŋun.

1 Dekat 9:26

kogwon kilo katiyuk iŋwan temejik ti kötumitön logon a Lewijin kulo, a yiniki i meddya na kadijik se ko ’delesi ti tukwörien na kadi na Ŋun.

2 Dekat 31:11

A kirut Kijikia saŋi saŋu anyen kadijik na ’di ’dik na gwon i kadi na MATAT kune tetena. A se teteŋdi teten­dya.

Yuörö 27:9

A do teteŋdi mariŋ na kemia. Boŋgwat na leleyo nagon a tetena ko waro na sirita a namin kune ködyö gwon a mariŋ i merete lo swot lo loki, ririkörö nase liŋ i merete geleŋ a lokiliŋan mia geleŋ;

Ejikele 10:5

A woŋon na köpukön ti kerubajin yiŋani tojo i ’baŋ lo kaŋo woŋon gwoso gworo lo ŊUN Kabulönit lo ŋo liŋ lo jambu.

Ejikele 40:18

A tugalap na pirit na ’du na gwe jojo ko tojolan na kadijik najo na gwon i kötumitön lupesi kune. ŋina pirit na ’du gwon i kwakiat ti kine kötumitön liŋ, a luŋuni a pirit na ’du madaŋ.

Ejikele 40:38

A nene kadi na ’dit gwe kata nagon kötumit nanyit auŋdya i baraŋöa na gwon i kadi najo na gwon i kötumit na. ŋina kadi lokore na rubaŋga lo ’yu ’yura ’buluŋ lalai kata.

Ejikele 40:44

A kirut ŋilo ŋuto joŋgi nan i ’baŋ lo gwon lukata, a nan meddi kadijik na ’di ’dik murek i lukata na ’baŋ. Nene kadi geleŋ gwon i merete lo kadi najo na gwon i kötumit na gwon i swöt lo lobot na, ŋina kadi diraddu i swöt lo loki; a nene na gwe i merete lo kadi najo na gwon i kötumit na gwon i swöt lo loki, ŋina kadi diraddu i swot lo lobot.

Ejikele 40:45

A lepeŋ takiŋdye nan adi, Na kadi nagon diraddu i swöt lo loki na a na koanejin logon meddya kita na kadi na ŊUN.

Ejikele 40:46

A nene kadi nagon diraddu i swot lo lobot na gwe a na koanejin logon meddya kita i pirit ’yuret na rubaŋgajin; kilo koanejin a nyakwariat ti Sadok. 1 kiden na kötumit na Lewi nyakwariat ti Sadok ka ’de logon a ’buruki i mijörö nyona ko MATAT i kitakiŋdya na lepeŋ.

Ejikele 41:10

A pirit nagon a kölöki kana a ’baŋ na lolorgi kadi na ŊUN i swötön liŋ i kiden na kunie kadijik se ko kine kadijik na ’di ’dik. A temet na tugalaŋ na ŋilo ’baŋ gwe a lokiliŋan merya murek.

Ejikele 41:6

a kine kadijik na ’di ’dik gwe ko koŋiloreki musala musala, kweja adi kadijik na ’di ’dik merya musala i koŋilore geleŋ. A kunie piritön nagon a rimuŋdyo kaŋo kune gwe kata lolorga gorom na kadi i mara kanyit, anyen toggu kadijik na ’di ’dik, anyen se kodyö gwon ti tökö ko gorom na kadi na ŊUN.

Ejikele 42:1

A kirut ŋilo ŋuto joŋgi nan kaŋo i ’baŋ lo gwon kaŋo na kadi na ŊUN komorga swot lo lobot, a joŋgi nan i nene kadi nagon a kora a kadijik na ’di ’dik, komorga pirit nagon a kölöki kana a ’baŋ na, köti komorga nene kadi na gwon i swöt lo lobot.

Ejikele 42:10

A i swöt lo loki lo kadi na ŊUN komorga pirit nagon a kölöki kana a ’baŋ na, köti komorga kadi najo, a nene kadi najo gwe kata nagon a kökora a kadijik na ’di ’dik,

Ejikele 42:3

Nyena a kine kadijik iŋge tetena a koŋiloreki musala musala, a piritön wöriesi nagon i barapöak i kune gwe kata i kine koŋiloreki musala nagon totoboŋ kune. A kine piritön wöriesi metaddi i pirit nagon a kölöki kana a ’baŋ, nagon morakiŋdya i ’baŋ lo lukata na, a köti metaddi i pirit na ’du i ’baŋ lo kaŋo.

Ejikele 42:4

A kiko gwe kata logon tirikin i komor na kine kadijik tojo i ’baŋ lo lukata, a tugalaŋ na ŋilo kiko gwe a lokiliŋan puök, a tojolan nanyit gwe a lokiliŋan mia geleŋ. A kötumitön ti kine kadijik komorgi swöt lo lobot.

Ejikele 44:1

A kirut ŋilo ŋuto nyököddi nan bot i kötumit na kaŋo na pirit nake na rurwan, nagon diraddu i swöt lo ’yure na; a lepeŋ iŋge kinu.

Ejikele 45:5

A nene pirit nagon jolan nanyit a lokiliŋan aliŋan merya murek wot mukanat, ko tugalaŋ nanyit a lokiliŋan aliŋan puök na kodyö gwe a na Lewijin lo kita köyö i kadi kulo; a köjinö nagon se sisi ’dari kune kodyo gwe i ŋina pirit.

Ejikele 46:21

A kirut lepeŋ joŋgi nan kaŋo i ’baŋ lo gwon kaŋo, a tuwöröddi nan i tusesi iŋwan ti ’baŋ; a tusesi liŋ ti ’baŋ gwe ko kulye ’baŋin geleŋ geleŋ.

Kweyatti 11:2

Ama an do ko tem ’baŋ lo gwon kaŋo na kadi, kölöki kogwon a tiki ŋutu ti jurön, a se mo ryoryöggi Köji Nake ko yapala merya iŋwan wot murek.