Ejikele 4:3 - Bibilia Buk na Ŋun nagon koti luŋu a

³ ’Dumuŋdye doka ko tiki lepeŋ a mariŋ nagon a witi i kiden nasu ko ŋina köji, ko ti do komorgi lepeŋ; a nye mo gwe gwoso nagon a tuma, a do mo lo gwe a katumanit. A kine ŋo na kona kine gwe a kweyet i kötumit na Yisaraele.

Ejikele 4:3 Iomraidhean Croise

Yisaya 20:3

A MATAT kulyani adi, Gwoso nagon kölipönit liŋ Yisaya a wörö a limu ko mokosi kana kiŋajin musala nu, anyen gwon a kweyet anyen tusöŋu ŋutu ti Ejipeto ko ti Etiopia,

Yisaya 22:7

A piritön kunök na ’dir na nyunyumwe kune aje jore ko arabiajin lo jijikö, a ŋutu lo wöwöki ko kusanjin gwo ’de i kötumitön.

Yisaya 8:18

Mete, nan se ko ŋwajik logon MATAT a tin nan kilo gwon a kweyesi ko a sörösi i Yisaraele ko MATAT lo kurumi logon sisi ’da i mere Siona.

Yeremia 39:1

A i kiŋa tobuŋwan na gwoŋdi Sedekia a mor lo Yuda. i yaŋa topuök nu, a Nebukadaresar mor lo Babela se ko kamörök kanyit liŋ poŋdi i mörö ko Yerusalema a se tumbe lepeŋ.

Yeremia 39:2

A i kiŋa topuök wot geleŋ na gwoŋdi Sedekia a mor nu, i perok buŋwan ti yapa toiŋwan, a se tuŋe ŋorom nagon a mariŋ na ŋinu köji.

Ejikele 12:11

Ti do taki se adi do a kweyet lose. Kulya nagon do aje kon kine mo kokonaki se köti; lepeŋat mo jojoŋa i to ’dupien i jur lo pajo.

Ejikele 12:6

A i sömukö, ’dumuŋdye tito kunök ko ’dukukiŋdye se konut i kwe ko iti kaŋo a lepeŋat memeddya. Ti do muke muk komor inot anyen do gwon ti met jur. Kogwon nan koŋdya do a kweyet i ŋutu ti kötumit na Yisaraele.

Ejikele 5:2

Do ködyö ’yuŋa swöt geleŋ na musala i kiden na köji i diŋit nagon perok tumesi aje ’baka nu; a do ködyö ’du ’duŋuje swöt geleŋ na musala na kilo kupir ko baŋdu lorga köji; a do ratakiŋdye swöt geleŋ na musala na kilo kupir i köbuŋöt anyen wuwuköji, a nan mo ’dutuŋdye baŋdu kaŋo a riköddi se.

Daniele 11:17

A lepeŋ mo tiŋdi tirikwet i po ko riŋit i te ’ya na tumatyan na mor lo loki ’bukuluŋ; a mo tiŋdi jujuwesi ti ko ’yu na möro, a koŋdi se. A nye mo tiŋdi lepeŋ ŋuro nakwan a narakwan nanyit anyen to ’doro ’yu tumatyan; ama kine kulya molu ti jukin kode parakiŋdya lepeŋ.

Lewi 2:5

A ko rubaŋga ilot a ’doket na ’bolot na kekelo ko doka, a se ködyö gwe a lo ’bolot na jiö a naliliŋök nagon ’bak kape, a ŋola ko welet;

Luka 2:34

A Simeona ’boroji lepeŋat, a kulyani ko Maria ŋote lupudi adi, Mete, lo ŋuro a wulwe a to ’dorowet ko a toŋiyit lo ŋutu jore ti Yisaraele, a nye mo gwe a kweyet logon ŋutu mo renya lepeŋ,

Ebere 2:4

Ŋun koti ko mugun nanyit a toggu ŋo na tokor se kune a tokoŋ adi a gwak, i tiŋdu na kweyesi, ko sorosi, ko kitajin temejik ka ’de ka ’de, ko i gwelakiŋdya na ’dokesi ti Mulokotyo Loke gwoso na ’deggi nye na.