Ejikele 4:14 - Bibilia Buk na Ŋun nagon koti luŋu a

¹⁴ A kirut nan mo ’yi adi, Böŋö pon MATAT ŊUN, nan ’beron a ko toluddya mugun; nan a ko nyesu ŋo nagon twa ka ’de, kode ŋo nagon koa ko gworoŋ; nan a ko sŋoddu lokore na ’burön köyö i kutuk suluja i to ’dit nio tojo ko soŋinana.

Ejikele 4:14 Iomraidhean Croise

Yuörö 22:30

Do ködyö koŋdya jojo ko dwönin kulök se ko yidin kunök; turu ’buti ködyö mönuŋdyö ko ŋote perok buryo, ama i lor tobudök lonyit a do tiŋdi nan lepeŋ.

Yuörö 22:31

Ta ködyö geluŋdya ’börik a Ŋutu kwe loke; nyenagon ta ködyö ti nyesu lokore na koa ko gwuruŋin; ama ta ködyö gubakin ’dioŋin.

Yisaya 65:4

lepeŋat sisi ’da i gululömö, a se joŋgi tukwaje i piritön na mumuk; lepeŋat nyenyesu lokorio ti wuryö, a diköriöt kase iŋge töjore ko kigwo ti ŋo lo mamana;?

Yisaya 66:17

Kulu ŋutu logon geluŋdya ’börik a loke ko a toke ’ya ’börik i lupö i meleseno, logon kekepoddu nene geleŋ i kiden nase, logon nyenyesu lokorio ti wuryö ko mijok se ko go manat kulu, mo ’ba ’baka liŋ i pirit na geleŋ, nan MATAT lo kulya,

Yeremia 1:6

A kirut a nan kulyani adi, Pon MATAT ŋun, mete, nan ti den jambu, kogwon nan nyuŋ a ŋuro lo ’dit.

Ejikele 20:49

A kirut nan kulyani adi, Pon MATAT ŊUN, ŋutu liŋ jambu i kulya kwe adi nan jambu lilimön ka ’de.

Ejikele 4:15

A kirut lepeŋ kulyani ko nan adi, Nan mo tiŋdu do kin ti kiteŋ ’bayin a ti ŋutu, anyen do pe ’yi ambatajin kunök.

Ejikele 44:31

A koanejin ködyö tine nyesu nene ŋo nagon twan ka ’de kode nagon a koa ko gworoŋ, kode nye a kwenti kode a kijakutat.

Ejikele 9:8

A gwe sona, nagon se nyuŋ gwon i tatuja na ŋutu nu, a nan kölökine geleŋ; a nan ’dorone kak rupu, a nan gwine gwien pija adi, Pon MATAT ŊUN, do aje ’bukökiŋdyö woran inot i Yerusalema; do ’diri mo tutukar pitönö liŋ ti ŋutu ti Yisaraele le?

Daniele 1:8

Ama a Daniele yeyeji kanyit i toili adi nye ti bulo toluddya mugun ko kinyojin ti mor logon a weletan kode binyo nagon lepeŋ mamat; nyena a lepeŋ pipije duma lo ŋutu logon a kona a ’baŋin kulo anyen rukokiŋdyo nye an nye ko toluddya mugun.

Lewi 17:15

A ŋutu liŋ logon a nyesu ŋo na twan ka ’de, kode ŋo na kokoa ko gwuruŋin, kode nye yuŋwe i jur kode a ŋuto lo si ’da a lepetyo, a ŋilo ŋuto ködyö lalaji boŋgwat kanyit, a tukwöji mugun, a gwe a lut i kulya ti keri tojo ko sömukö; a kirut nye mo gwe a loke.

Lewi 19:7

A ko ködyö lele swöt a nyei i lor tomusala lonyit, a nye gwe a ŋo na mamana; a nye mo tine rukö,

Lewi 22:8

A nye ködyö tine nyesu ŋo nagon twan ka ’de, kode nagon a koa ko gworoŋ, i toluddya na mugun nanyit ko se: nan logon a MATAT.

Konesi 10:14

A Petero waddi adi, Ti gwon sona pon Matat; kogwon nan kwöŋ a ko nyesu ŋo nagon abur kode nagon jakiŋdya ŋutu lut i kulya ti keri.

Nyökit 14:21

Ta ködyö ti nyesu nene ŋo nagoŋ a twan ka ’de; ta bubulö tiŋdu lepeŋ i ŋutu lo si ’da a lepelok kasu i turön, anyen lepeŋat lo nyesu, kode ta bubulö tugwörökiŋdyö i lwaka; kogwon ta a gweya na ŋutu loke lo rurwan ko MATAT Ŋun losu. Ta ködyö ti deŋa kilolor ko le ti ŋote.

Nyökit 14:3

Ta ködyö ti nyesu nene ŋo na mamana.