Ejikele 4:10 - Bibilia Buk na Ŋun nagon koti luŋu a

¹⁰ A kinyo logon do mo nyönyö lo mo gwe ko temet, kweja adi swötön musala ti iŋwan ti rotolo geleŋ; a do mo nyesi daŋ geleŋ i lor.

Ejikele 4:10 Iomraidhean Croise

Yisaya 3:1

Kogwon mete, MATAT logon a MATAT lo kurumi jojoŋga kaŋo i Yerusalema ko i Yuda go liŋ nagon ŋutu a tökökin ’börik kata kune, kweja adi kinyo ko pioŋ,

Yeremia 32:9

A nan iŋge gwöruŋdyö melesen na gwon Anatot yu ko Kanamele ŋuro lo luŋaser baba i könin, a nan temakiŋdye lepeŋ gurut sekelejin puök wot buryo ti pödö nagon tema ko mijan.

Ejikele 12:18

Ŋuro lo ŋuto, nyesi kinyo ilot a do kikira, ko möji pioŋ a do böböŋdu ko kujönö.

Ejikele 14:13

Ŋuro lo ŋuto, ko ŋutu ti jur ’bukuluŋ a toroŋdya nan a iŋge kö ’yu twöju na nan, a nan mo riöddi könin lio a nyökuŋdye kinyo lose a lo ’dit logon töggu se lo, a nan mo sunyukiŋdye lepeŋat dyaŋ, a tukaŋi ŋutu se ko toro ’bo.

Ejikele 4:11

Do mo köti möju pioŋ ko temet, kweja adi malaŋgijin murek ti pioŋ nagon a ko jore; a do mo möji se daŋ geleŋ i lor.

Ejikele 4:16

A nye köti kulyani ko nan adi, Ŋuro lo ŋuto, mete, nan mo nyönyökun kinyo a lo ’dit i Yerusalema; lepeŋat mo nyesu kinyo ko temet kukujönö; a lepeŋat mo möji pioŋ ko temet dedelya.

Ejikele 45:12

A ŋurupit sekele geleŋ ködyö gwe a gerajin merya murek, a sekelejin mukanat ködyö gwe a sekelejin mukanat gwak, a sekelejin puök ködyö gwe a sekelejin puök gwak, a sekelejin merya mukanat ködyö gwe a mina nagon ta temba ko nye.

Lewi 26:26

A ko nan a nyökuŋdyö kak kinyo losu logon töggu ta lo a lo ’dit parik, a ŋutu wate puök mo deŋi ambatajin kasu i namet geleŋ, a mo tembi ambatajin kasu ko mijan; a ta mo nyesi nyesu, a mo tine yimönö.