Ejikele 39:9 - Bibilia Buk na Ŋun nagon koti luŋu a

⁹ A ŋutu lo si ’da i köjinö ti Yisaraele kulo mo iti kaŋo i ’du ’dumba na tito möriesi anyen nama a kaden. Kine tito a ’bukwö dumalak ko na ’di ’dik, ko daŋin, ko loya, ko turya wulukön se ko goro. A lepeŋat mo nambi se ko kiŋajin buryo.

Ejikele 39:9 Iomraidhean Croise

Saumajin 46:9

Nye a tutuŋoddu morojin tojo ko ’dutesi ti kak; a nye ’be ’beleŋgi daŋin, a nye ’be ’beleŋgi goro, a nye ’yuŋe arabiajin ko kimaŋ.

Yisaya 66:24

A na tiri se kaŋo nu a se mo meddi öpuö ti ŋutu logon aje renya nan kilo; kogwon kuru kase mo ti twatwa, ko kimaŋ nase mo ti peŋa, a ŋutu liŋ mo mane man kine öpuö.

Ejikele 39:10

A lepeŋat mo tine ’dekan galaddu kaden mu ’diŋ kode tu i rudwö i toggu na kaden na nanama, ama a se mo nambi tito möriesi; nyena a lepeŋat mo ’dumaddi tito ti ŋutu logon a po i ’dumaddu na tito kase kulo, iŋkoi, se mo ryaggu tito ti ŋutu logon a po i ryaggu na tito kase kulo. Kilo a kulyaesi kwe ti MATAT ŊUN.

Ejikele 39:8

Nan MATAT ŊUN lo kulya adi, Mete, lor logon nan aje jambu kulya kanyit lo ŋilo popo, a nye ’diri mo lo gwe.

Jakaria 9:10

A nye mo ’dupoddi arabiajin lo jijiko kaŋo Epuraima yu, se ko kusanjin moriesi Yerusalema yu; a dapin moriesi mo ’be ’beleŋoni kaŋo, a nye mo laikiŋdye taliŋ i juron; a tumatyan nanyit mo suluje i nene tor tojo ko nene tor, ko i kare Perat tojo ko ’dutesi ti kak. ŋutu ti Yerusalema mo nyokwe kase i jur

Malaki 1:5

a ta mo meddi kine kulya ko konyen kasu, a ta mo kulyani adi, MATAT logon a duma i lu swot lo koret na Yisaraele!

Yosua 11:6

A MATAT kulyani ko Yosua adi, An do kujönö se; kogwon ko ’bure i na diŋit nan de pakiŋdya se liŋ a lo tatatua ko ŋutu ti Yisaraele i könisi; a do mo ’duŋge ludaŋin ti kusanjin kase, a mo ’yuŋe arabiajin kase lo jirikö.