Ejikele 39:25 - Bibilia Buk na Ŋun nagon koti luŋu a

²⁵ Nyenagon nan MATAT ŊUN lo kulya adi, Soŋinana nan de nyönyökun ŋutu ti Yakobo bot i to ’dupien, iŋkoi, nan wowon konyen ko kötumit na Yisaraele ’bukuluŋ; a nan mo yinöni kogwon karin kwe nake na rurwan.

Ejikele 39:25 Iomraidhean Croise

Saumajin 85:1

Pon MATAT, do a gwon ko ŋele na ’but ko Jur ilot; do a toyitundyö kulya ti kötumit na Yakobo i gwon ’bura.

Yuörö 20:5

do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase monye ko torela i kusik tojo ko nyakwariat tomusala ko toiŋwan ti Ŋutu logon maman nan kilo;

Yisaya 14:1

A MATAT mo wone konyen ko kötumit na Yakobo, iŋkoi, a mo koti wuluŋdye kötumit na nye logon a Yisaraele, a mo tosi ’dakiŋdye lepeŋat i jur lose gwak, a Lwaka mo momoruŋdye kase ni, a mo ’depakiŋdye ko Yakobo i kötumit.

Yisaya 56:8

Nan MATAT Ŋun logon tutunuŋdya bot ŋutu ti Yisaraele lo riköji kulo, lo kulya adi, Nan köti mo tutunun ŋutu kulye logon a ko nyuŋ jwe.

Yeremia 23:3

a kirut nan ko mugun nio mo tutuŋdye pitönö ti teŋ na köbilu kwe i jurön liŋ logon nan köju a rikoddi se kata kulu, a nan mo nyökuŋdye se kase i ŋoro, a se mo rade radan, a mo ŋdine ŋdi.

Yeremia 29:14

Nan MATAT lo kulya adi, Iŋkoi, ta mo ryöryö nan, a nan mo löpuköddi to ’dupien nasu kaŋo, a nan mo pepenuŋdye ta i jurön liŋ ko i piritön liŋ nagon nan aje riköddu ta kata kunu, a nan mo nyökuŋdye ta bot i nu pirit nagon nan köju a tin ta i momoka kata a ’dupi nu, ŋilo a nan MATAT lo jambu.

Yeremia 3:18

A i kilu perok a kötumit na Yuda molu morakiŋdye i kötumit na Yisaraele, a lepeŋat liŋ mo poŋdi kaŋo i jur lo lobot tojo i jur logon nan aje tikin merenyejin kasu a lomore lo.

Yeremia 30:10

Do Yakobo köliŋönit lio, an do ko kujönö, iŋkoi, do Yisaraele, an do ko delya, ŋilo a nan MATAT lo jambu.Kogwon nan mo lwölwökun do pajo nyu, iŋkoi, nan mo lwölwökun nyakwa­riat kulök i jur lo gwoŋdi se a ’dupi lu. Kötumit inot na Yakobo mo yiyitwe, a mo si ’dani ’bura ko taliŋ, a lele ŋuto mo gwe ’bayin lo tokujöŋdu se.

Yeremia 30:18

Nan MATAT lo kulya adi, Mete, nan mo nyönyökökin kötu­mit na Yakobo kadijik kase, iŋkoi, nan mo wowon konyen ko piritön kase si ’daesi, a köjinö mo nyököni ’dukö kase i sudiet, iŋkoi, kadijik temejik mo nyökö ’dukö kase i piritön ti köju kunu.

Yeremia 30:3

Kogwon mete, nan MATAT lo kulya adi, Perok mo popo logon nan mo nyökuŋdye ŋutu kwe Yisaraele se ko Yuda bot i to ’dupien, a nan mo toyituŋdye se i jur logon nan köju aje tin merenyejin kase lo, a se mo ruddye lepeŋ. ŋilo a nan MATAT lo jambu.

Yeremia 31:1

Nan MATAT lo kulya adi, I ŋinu diŋit nan mo gwon a ŋun lo kötumitön liŋ ti Yisaraele, a se mo gwe a ŋutu kwe.

Yeremia 31:3

köju ’beron nan MATAT a pukokin ko lepeŋat, kulya adi, Nan aje nyar ta ko nyaret nagon ti ’duddyö kwöŋ, nyenagon a nan iŋge pikun ta köyö ni ko nyaŋu nagon ti ’baka kwöŋ.

Yeremia 32:37

Mete, nan mo pepenun lepeŋat i jurön liŋ logon nan a riköddu se kata ko ŋoma ko yulön se ko woran duma kulu; a nan mo nyökuŋdye se bot i na pirit, a nan mo tiŋdi se i gwolor ’bura ’bak nene ŋo.

Yeremia 33:26

a kirut a nan kodyo renyani nyakwariat ti Yakobo se ko ti Dawidi koliponit lio, a nan kodyo tine wulun lele lo kotumit nanyit i saŋu na nyakwariat ti Abarayama, ko ti Yisaka se ko ti Yakobo. Kogwon nan mo nyonyokun se bot i to ’dupien yu, a nan mo wone konyen ko se.

Yeremia 33:7

A nan mo nyökuŋdye kötumit na Yuda ko na Yisaraele bot, a mo nyöggi gweuŋdya se ki gwoso na kokwe nu.

Ejikele 20:40

Nan MATAT Ŋun lo kulya adi, Ta kötumit na Yisaraele liŋ mo kitakiŋdya nan i jur losu i mere lio loke lo rurwan logon a mere lojo lo Yisaraele. A nan mo wuji ta nyu ko ’busan; a nan mo luŋgi ta anyen gwe-gwelakiŋdya nan ŋo kasu, ko ’dokesi kasu na nyunyumwe, se ko rubaŋgajin kasu liŋ loke.

Ejikele 34:13

A nan mo joŋdi lepeŋat kaŋo i gweyajin ti ŋutu, a nan mo pepenuŋdye lepeŋat i jurön, a nan mo toyituŋdye lepeŋat i lukata na jur lose; a nan mo tunyeji lepeŋat i loki na merya ti Yisaraele nyona ko karya ko i piritön liŋ ti jur nagon sisi ’darikin kune.

Ejikele 36:10

A nan mo tupöije ŋutu anyen si ’da kasu pini, kweja adi kilo a ŋutu ti kötumit na Yisaraele ’bukuluŋ. A köjinö mo si’darikin si ’darikin, a piritön nagon a rubajin kune mo nyököni ’dukö.

Ejikele 37:11

A kirut lepeŋ takiŋdye nan adi, Ŋuro lo ŋuto, kilo kuyu a kötumit ’bukuluŋ na Yisaraele. Mete, se kulya adi, Kuyu kaŋ gwe a loteyok, yenet nikaŋ aje ’baka; yi aje ’duŋöji kaŋo asut.

Ejikele 39:7

A nan mo tiŋdi ŋutu kwe Yisaraele i deŋdya na karin kwe nake na rurwan, a nan mo tine kölökiŋdyö karin kwe nake na rurwan i körö köti kwöŋ, a jurön mo deŋdi adi nan logon a MATAT ŋilo Loke lo Yisaraele.

Osea 1:11

A ŋutu ti Yuda ko ti Yisaraele mo momori i ŋirit na geleŋ, a se mo wulokiŋdye ’borik duma lose geleŋ; a se mo puputuru ŋerot ’bura i jur, kogwon molu gwon a lor duma lo Yejerele.

Yoele 2:18

A kirut MATAT gwe ko pusok i parakiŋdya na jur lonyit, a won konyen ko ŋutu kanyit.

Amosa 9:14

A nan mo nyokuŋdye ŋutu kwe Yisaraele kaŋo i to ’dupien, a lepeŋat mo nyoggi ’duggö köjinö nagon a murwöki a si ’dani kata; a se mo ’yuddi kaden ti binyo a möji binyo kase, a se mo kuŋi meleseno a nyesi ludweki kase.

Naum 1:2

Adi, MATAT a Ŋun logon a kayinonit ko a lo roropakiŋdya, MATAT roropakiŋdya ko a jore ko woran; MATAT ropakiŋdya kaŋisak kanyit a ’de ’yi woran a na merok kanyit.

Jakaria 1:14

A malaikatat logon jambu ko nan lo kulyani ko nan adi, Laije adi, MATAT lo kurumi lo kulya sona adi, Toili lio mimien parik kogwon Yerusalema se ko Siona.

Jakaria 8:2

Nan MATAT lo kurumi lo kulya adi, Toili lio mimien bia parik ko Siona, a iŋge mien ko lepeŋ ko delya a duma parik.