Ejikele 39:21 - Bibilia Buk na Ŋun nagon koti luŋu a

²¹ A nan mo kweji minyo lio i kiden na jurön; a ŋutu liŋ ti jurön mo meddi ’duŋgö nio na putet logon nan ’du ’duŋökin lo, a se mo meddi könin lio logon nan a sopakin kase ki i riŋga na se lo.

Ejikele 39:21 Iomraidhean Croise

Saumajin 32:4

Kogwon könin ilot gwon ŋömöni köyö loki ko tuparan ko tukwaje; nan aje daŋun köyö i riŋit gwoso wereyo na pioŋ ti meliŋ.

Saumajin 94:10

Nye logon a tojumukindya ŋutu ti jurön lo, nye ti riŋga le? Nye logon todinikindyö ŋutu ko-ŋon lo, nye ti den le?

Yuörö 14:4

A nan mo togo ’yi töili lo Paro, a nye mo kepoddi but nase, a nan mo te ’yi Paro se ko teŋ na kamörök kanyit liŋ a nan mo ryekiŋdye mugun bulet; a Ŋutu ti Ejipeto mo dene den adi nan logon a MATAT. A Ŋutu ti Yisaraele iŋge koŋdya gwoso na saraki ’e se nu.

Yuörö 7:4

a Paro mo tine ’bön yiŋga ta, a kirut nan mo tanyakiŋdye könin lio ko Ejipeto loki, a nan mo joŋdi lödirön kwe kaŋo, iŋkoi, nan mo jojon Ŋutu kwe logon a nyakwariat ti Yisaraele kaŋo i jur lo Ejipeto ko konesi temejik ’duŋesi ti putet.

Yuörö 8:19

A kirut ’bunuk kulyani ko Paro adi, Ŋilo a morinet lo Ŋun lo koŋdya, ama a töili lo Paro gwe a iŋgo, a nye tine ’bön yiŋga se asut, gwoso nagon MATAT aje kulyari nu.

Yuörö 9:16

ama ko ŋina kwe nan aje kolökin do i gwon jörun, anyen kwekiŋdya do riŋit nio, anyen karin kwe böŋö totokuöji i kak ’bukuluŋ.

Yisaya 26:11

Ti se meddi pusök inot na se kogwon kulya ti ŋutu lorok, ko ti kusik kase yune yu. Ti kimaŋ nagon do a tetenakin merok kulö kina ti totumbe lepeŋat.

Yisaya 37:20

Nyena soŋinana pon MATAT Ŋun likaŋ, lwöki yi i könin lonyit, anyen tumatyanjin liŋ ti kak boŋö kuruŋdyö adi do geleŋ lo gwon a MATAT.

Ejikele 36:23

A nan mo kwekiŋdye adi karin kwe nakukwön a nake na rurwan. Kine karin kwe a körö i kiden na jurön, kilo a ta lo köŋu kine karin i kiden na kilo juron. A i diŋit nagon nan mo kweji mugun a loke kogwon kulya kasu a ŋutu ti juron memeddya nu, a lepeŋat mo deŋdi adi nan logon a MATAT, ŋilo a nan MATAT ŊUN lo jambu.

Ejikele 38:16

A ta mo ’diku i mörö ko ŋutu kwe Yisaraele gwoso ’diko na muggö kak. Kweja adi i perok lo popo a nan mo joŋdi ta i mörö ko jur lio, anyen jurön böpö deden nan i diŋit na tokitaji nan do Goga i kweja na kelan nio kase i komor nu.

Ejikele 38:23

Nyena a nan mo kweji todumalan nio se ko kelan nio, a nan mo tiŋdi mugun i dena ko ŋutu jore i komor. A kirut lepeŋat mo deŋdi adi nan logon a MATAT.

Ejikele 39:13

Iŋkoi, ŋutu liŋ ti jur mo nugga lepeŋat, a kulya kase mo kuörö kuörö i lor logon nan mo kweji minyo lio lu. Kilo a kulyaesi kwe ti MATAT ŊUN.

Mika 2:9

Ta rikun wate ti ŋutu kwe kaŋo kase i kadijik na nyanyara, a ta riŋuŋdye bulet nio kaŋo asut i ŋwajik kase lo ’di ’dik.

Malaki 1:11

Kogwon karin kwe kukwon i kiden na gweyajin lio ti ŋutu suluja i swot lo ’yure tojo i swot lo tokotyaŋ, a bökur wukine nan i piriton lio se ko ’dokesi nake; kogwon karin kwe kukwon i kiden na gweyajin ti ŋutu, nan MATAT lo kurumi lo kulya sona.

Malaki 1:5

a ta mo meddi kine kulya ko konyen kasu, a ta mo kulyani adi, MATAT logon a duma i lu swot lo koret na Yisaraele!

1 Samuele 5:11

Nyenagon a se sonyoddi lore a momori kimak liŋ ti Pelesete i pirit na geleŋ, a jambi adi, Sonye ta kaŋo saŋduk na ŋun lo Yisaraele ko ti lepeŋ nyököjine kanyit i pirit, an ko tatuja yi ko ŋutu kaŋ. Kogwon kujönö na twan gwe i köji ’bukuluŋ. A könin lo ŋun gwe pömöni parik nyu.

1 Samuele 5:7

nagon ŋutu ti Asedoda aje met ŋo na kona nu, a se kulyani adi, Saŋduk na ŋun lo Yisaraele tine bulö möŋdu kayaŋ ni; kogwon könin lonyit pömöni kayaŋ loki ko i ŋun likaŋ Dagona.

1 Samuele 6:9

Ko meddi ta lepeŋ go; ko nye kebbu kiko lo tu i koresi kase tojo ko Bete-semese, a ŋina de kwekiŋdye adi ŋilo a MATAT logon aje konakiŋdya yi ŋina tomiet duma; ama ko ’bayin, a yi de kuruŋdye adi, a leŋe könin lonyit lo gwuddyö yi, tuŋ ŋina a pokin kayaŋ a komor naron.