Ejikele 39:17 - Bibilia Buk na Ŋun nagon koti luŋu a

¹⁷ Nan MATAT ŊUN lo kulya adi, Do ŋuro lo ŋuto, luŋgi gweyarijin liŋ ti kwen se ko gwuruŋin liŋ adi, Momoruŋdye ta, ko poŋdi ta ni, iŋkoi, tutu-nuŋdye ta ’börik i swötön liŋ i rorwe lio duma lo rubaŋga logon nan tetena-kin ta i loki na merya ti Yisaraele lo. A ta mo nyesi lokore a möji rima.

Ejikele 39:17 Iomraidhean Croise

Suluet 31:54

A Yakobo ’duŋge rubaŋga i ŋilu mere, a luŋgi luŋasirik kanyit kulo i nyesir na kinyo; a se nyesi nyesu a mönuŋdye i ŋilu mere tukwaje liŋ.

Yisaya 18:6

A se liŋ mo kölökine i nyei kologulusen ti merya, ko i kijakwa ti kak, a logulusen mo ja ’beani ko lepeŋat, a kijakwa liŋ ti kak mo meliŋani ko lepeŋat;

Yisaya 29:2

A nan mo todelyaji Ariele, a mo gwe a ’du ’duesi ko gwiesi, a nye mo gwe köyö gwoso Ariele.

Yisaya 34:6

MATAT gwon ko baŋdu togon a toyimönö ko rima, ko a pirön ko welet;a toyimönö ko rima ti yisi ko ti yidin, ko a pirön ko Welet na puleŋa ti lopijoki. Kogwon MATAT koŋdya rubaŋga Bosera yu, se ko tatuja duma i jur lo Edorti.

Yisaya 34:7

A mekora mo ’do ’done ’do ’do ko se i pirit na geleŋ, seko dwönin lo ’di ’dik kodumalak. A kak nase mo tumatani tumata ko rima, a ŋutut nase mo tojörene ko welet.

Yisaya 56:9

Ta kijakwa liŋ ti mu ’diŋ ko ti yöbu, poŋdi ta i nyesu.

Yeremia 12:9

Jur lio lomore ŋona gwoso pirit ’danaet na lubögu nagon logulusen gömbu lepeŋ na le? Iti, momoru kijakwa ti mu ’diŋ liŋ, jo lepeŋat i nyesu.

Yeremia 25:33

A i ŋilu lor a öpuö ti ŋutu logon MATAT aje tatu kulo mo gwe kak suluja i ’dutet na kak tojo ko nene ’dutet, a se mo tine gwiorikin, a öpuö kase mo tine pepena, a mo tine nuka, a se mo gwe kak gwoso woro.

Yeremia 46:10

Lo lor a lor lo MATAT ŋun lo kurumi, ŋilo lor a lor logon nye ropakiŋdye merok kanyit. A baŋdu mo tatuje tatuja a yimönöni yimönö, a mere meran ko rima kase. Kogwon MATAT ŋun lo kurumi koŋdya rubaŋga i jur lo lobot nyona ko kare Perat.

Ejikele 29:5

A nan mo gubaddi do mu ’diŋ, do se ko somot liŋ ti kinasi kulök; a do mo ’dorone i pirit nagon a ’dar kana, a öpu inot mo tine ’dume i nuka; a nan mo tiŋdi do a kinyo lo kijakwa se ko lo kwen.

Ejikele 39:16

(A köji na gwon i ŋinu pirit köti mo luŋuni a Teŋon.) Nyena a se mo toke ’yi jur i ŋilo kiko.

Ejikele 39:4

A do ko teŋon kunok liŋ se ko gweyajin ti ŋutu lo gwon ko do kulo mo ’do ’done a twatwa i merya ti Yisaraele loki; a nan mo tiŋdi ta a kinyo lo gweyarijin liŋ ti kwen logon nyesu lokore, a gwuruŋin köti mo nyesi ta.

Jepania 1:7

Yiŋani ta taliŋ ko MATAT ŋun i komor! Kogwon lor lonyit gwe nyona ko po; iŋkoi, MATAT aje teteŋdya rubaŋga ko aje geluŋdya kömu kanyit a loke.

Matayo 24:28

Ko ’burwo mo gwon ya, a logulusen mo momoraddi nyu.

1 Samuele 16:3

A do de luŋgi Yisai i ŋilu rubaŋga, a nan kwekiŋdye do ko do koŋdya nyo; a do welakiŋdye nan nye a mor logon nan tatakin do karin kanyit lu.

1 Samuele 17:46

A MATAT de wukiŋdye do köyö i könin i lo lor, a nan de gwutökiŋdye do kak, a ’duŋöddi kwe inot kaŋo; a nan de tiŋdi öpuö ti kurumi na ŋutu ti Pelesete i lo lor i nyei ko kwen se ko gwuruŋin; anyen kak liŋ böŋö deden adi ŋun kata i Yisaraele,

1 Samuele 9:13

’De ’de nagon ta de lupöri i köji, ta de ryöryö lepeŋ i ŋerot nagon nye tiri i pirit na ’du i nyesu nyu; kogwon ŋutu de ti nyesu tojo lepeŋ a ’durökin, kogwon nye lo ’boroja rubaŋga; a i mukök a ŋutu logon a luŋu kulo de nyesi nyesu. Nyena iti ta ki kogwon ta de rurum ko lepeŋ soŋinana.