Ejikele 39:11 - Bibilia Buk na Ŋun nagon koti luŋu a

¹¹ A i ŋilu lor a nan mo tiŋdi Goga pirit nuket i Yisaraele, kweja adi pirit na ’dir na luŋu a Abarim, na gwon i swöt lo ’yure na tör, a kiko mo gwe ’bayin logon kajölök lwöŋöddi nyin, kogwon Goga se ko teŋon kanyit jore ti ŋutu mo nuka nyu; a ŋinu pirit na ’dir mo luŋuni a na Goga se ko teŋon kanyit ti ŋutu.

Ejikele 39:11 Iomraidhean Croise

Yuörö 8:14

A se ’du ’dumbe lepeŋat a ’domio, a kak mone ŋeŋek.

Ejikele 38:2

Ŋuro lo ŋuto, komorgi Goga kasaranit lo Rosi, ko lo Meseke, ko lo Tubala yu i jur lo Mago-ga, ko keŋ kulya narok i kulya kanyit.

Ejikele 39:10

A lepeŋat mo tine ’dekan galaddu kaden mu ’diŋ kode tu i rudwö i toggu na kaden na nanama, ama a se mo nambi tito möriesi; nyena a lepeŋat mo ’dumaddi tito ti ŋutu logon a po i ’dumaddu na tito kase kulo, iŋkoi, se mo ryaggu tito ti ŋutu logon a po i ryaggu na tito kase kulo. Kilo a kulyaesi kwe ti MATAT ŊUN.

Ejikele 39:12

A kötumit na Yisaraele mo joŋgi yapala buryo i nugga na lepeŋat anyen toke ’ya jur.

Ejikele 39:15

A nagon kilo ŋutu mo wöŋu jur ’bukuluŋ nu, a ko lele lose a meddya kuyutyo lo ŋuto, a nye togwi ’dikiŋdye kweyet i nyona na ŋilo kuyutyo, tojo kanukak mo a joŋga ŋilo kuyutyo i nugga i pirit na ’dir na luŋu a na Goga se ko teŋon kanyit ti ŋutu na.

Ejikele 47:18

A i swöt lo ’yure, lokökorit ködyö suluja Kasar-enon i kiden na Auran ko Damaseke kepoddu Yardene i kiden na Gilada ko jur lo Yisaraele tojo tör na gwon i swöt lo ’yure tojo Tamara, a ŋilo mo gwe a swöt lo ’yure.

Kenet 11:34

Nyenagoŋ a karin ti nu pirit gwiyöni a Kibirot-atawa, kogwon se a nugga ŋutu logon ko rinyuŋ kulo nyu.

Kenet 34:11

a ŋilo koret ködyö dudulara kak suluja Sepam tojo ko Ribela i swöt lo ’yure lo Ayin; a ŋilo koret ködyö dudulara kak, a yeŋaddi tojo ko ŋoŋet lo tör na Kineret i swöt lo ’yure;

Luka 5:1

A gwe sona, na gwo ’di ’e Yesu nyona ko tör na Genesareta nu, a ŋutu jore ri ’diaddi ’borik ko lepeŋ yu i yiŋga na kulyaet lo Ŋun.

Yoane 6:1

A i mukok na ŋina, a Yesu laŋgi i nu pele na tor na Galilaya. (Tor na Galilaya luŋu a Tor na Tiberia.)