Ejikele 39:10 - Bibilia Buk na Ŋun nagon koti luŋu a

¹⁰ A lepeŋat mo tine ’dekan galaddu kaden mu ’diŋ kode tu i rudwö i toggu na kaden na nanama, ama a se mo nambi tito möriesi; nyena a lepeŋat mo ’dumaddi tito ti ŋutu logon a po i ’dumaddu na tito kase kulo, iŋkoi, se mo ryaggu tito ti ŋutu logon a po i ryaggu na tito kase kulo. Kilo a kulyaesi kwe ti MATAT ŊUN.

Ejikele 39:10 Iomraidhean Croise

Yuörö 12:36

a MATAT iŋge tiŋdu Ŋutu ti Ejipeto i gwon ko töilyet lo ’but ko kilo Ŋutu i rukökiŋdyö na se ŋo na mulun se kune. A se ryakaddi tito ti Ŋutu ti Ejipeto sona. Ŋutu ti Yisaraele a Yuörö kaŋo i jur lo Ejipeto.

Yuörö 3:22

a wate liŋ geleŋ geleŋ mo luŋgi minyojin ti pödö ko ti dakaŋ se ko boŋgwat i maratejin kase, ko i Ŋutu nagon a lepelok na si ’da kase i midijik kune, a ta mo tojubbi ŋwajik kasu lyan ko nawate ko kine ŋo; a ta mo ryakaddi tito ti Ŋutu ti Ejipeto sona.

Yisaya 14:2

A gweyajin ti ŋutu mo joŋgi lepeŋat a mo joŋdi se kase i pirit, a kötumit na Yisaraele mo ’debbi se a ’dupi lyan ko wate ko MATAT i jur; a se mo morgi se logon köju gwon a kamokak kase, a mo tumatyane ko se logon köju gwon a karudak kase.

Yisaya 33:1

Wöidiö, do katukaranit, do logon a ko tukara; do kadumanit, logon ŋutu a ko dumba do! Ko do a tutuggö tukaŋu, a do mo tukarani tukara, a ko do a tutuggö dumba, a do mo dumani duma.

Ejikele 39:11

A i ŋilu lor a nan mo tiŋdi Goga pirit nuket i Yisaraele, kweja adi pirit na ’dir na luŋu a Abarim, na gwon i swöt lo ’yure na tör, a kiko mo gwe ’bayin logon kajölök lwöŋöddi nyin, kogwon Goga se ko teŋon kanyit jore ti ŋutu mo nuka nyu; a ŋinu pirit na ’dir mo luŋuni a na Goga se ko teŋon kanyit ti ŋutu.

Mika 5:8

A pitono ti ŋutu ti Yakobo mo gwe i kiden na juron ko i kiden na gweyajin ti ŋutu jore, gwoso komiru i kiden na kijakwa ti mu ’diŋ, ko gwoso komiru titinti i kiden na yidin, a ko lepeŋ gwugwuoddu, a ryoka-kiŋdye yidin kak, a kekereŋdi se, a kalwokonit gwe ’bayin.

Abakuk 2:8

Do a ryaggu juron jore, nyena a kulye gweyajin ti ŋutu liŋ mo ryaggi do, kogwon do a ’bukuŋdyo rima ti ŋutu ko a koŋdya ŋonyan i kak, ko i köjino ko i ŋutu lio logon si ’da kata kulo.

Abakuk 3:8

Pon MATAT, do woran ko karya le? Do tukaŋan ko tör? Na woggiri do ko arabiajin kulok lo jikö ko kusanjin do wöro a katelanit.

Jakaria 14:14

ma ’di köti jur lo Yuda mo poki i mörö ko Yerusalema. A tukwörien na gweyajin liŋ ti ŋutu lo gwon nyona kulo mo morakine i pirit na geleŋ, kweja adi dakap ko pödö ko boŋgwat jore parik.

Matayo 7:2

Kogwon liliet nagon ta lileŋ na mo liliki i ta, a temet nagon ta yeŋ temakiŋdye kulye ŋutu na nye mo köti na temaki ’e ta.

Kweyatti 13:10

Ko ŋuto logon mökaŋ i to ’dupien ti nye jopani. Ko ŋuto logon tatuja ko baŋdu a ti nye agu tatuani ko baŋdu. Ŋina ’de ’dekarikin adi ti ŋutu ti Ŋun ŋoŋaddi tojo ko ’dutet ko ti yubbe yubbo.

Kweyatti 18:6

Konaki ta lepeŋ gwoso na konakiŋdye nye kulye ŋutu na. Ropaki ta lepeŋ daŋin murek kogwon oŋ na kon nye kune. ’Yulöki ta lepeŋ i koŋo nagon nye yeŋ ’yulokiŋdye kulye ŋutu na.