Ejikele 38:9 - Bibilia Buk na Ŋun nagon koti luŋu a

⁹ a ta mo poŋdi ŋerot gwoso libibiu, a do se ko tepon kunök liŋ mo muŋge kak gwoso ’diko, kweja adi kilo a gweyajin jore parik ti ŋutu lo gwon ko do i pirit na geleŋ kilo.

Ejikele 38:9 Iomraidhean Croise

Yisaya 25:4

Kogwon do a mariŋ nago na lomerika, do a mariŋ nago na ŋutu lo yöŋö go i diŋitan kase nagusulak, do a pirit duŋöet na kudu, ko a tölimöt i kolor; kogwon wuggö na ŋutu logon ko töilyet a lurwök gwon gwoso puggö na kudu i gorom,

Yisaya 28:2

Meddi, MATAT a yökijö lele ŋuto iŋgo lo riŋit logon mo gubakiŋdya kak ko könin a riŋitö parik, gwoso ’don na torok ti kudu ko köbuŋöt tukaret, gwoso ’dokon na pioŋ jore na baraŋdu.

Yisaya 5:28

Loya kase a lopi, a daŋin kase liŋ aje du ’yö, a sulukwakan ti kusanjin kase metani gwoso lelya nagon a wiyu. a mokosi kase ti arabiajin gwe gwoso libibiu.

Yeremia 4:13

Mete ta, katukaranit ’di ’dikun gwoso ’dikolo, a urabiajin kanyit woku gwoso libibiu, a kusanjin kanyit gwe a na wule kak Iwolwoŋ yukuŋ; Woidio yi, karan popo, yi aje likin!

Ejikele 13:11

Do Ejikele, taki ŋutu lo we ’ya ŋina gorom ko buya kilo adi ŋina gorom mo ’do ’doro; kudu mo ’do ’don a duma parik logon mumuluja, logon ’don ko torok mora ko köbuŋöt wome logon wuköddu ko riŋit.

Ejikele 30:18

A tuparan mo gwe a mudwe i Takapenesa, i diŋit na ’beleŋgi nan gwuluŋi saret lo Ejipeto nyu nu, a riŋit nanyit nagon nye bu ’ye mugun na mo ’bakani ’baka; a ’dikolo mo muŋge lepeŋ, a ŋwajik kanyit nawate mo joŋani i to ’dupien.

Ejikele 38:16

A ta mo ’diku i mörö ko ŋutu kwe Yisaraele gwoso ’diko na muggö kak. Kweja adi i perok lo popo a nan mo joŋdi ta i mörö ko jur lio, anyen jurön böpö deden nan i diŋit na tokitaji nan do Goga i kweja na kelan nio kase i komor nu.

Daniele 11:40

A i diŋit na ’dutet a mor lo loki mo rupipije lepeŋ; ama a mor lo lobot mo pu ’dökine ko lepeŋ loki gwoso libibiu. A nye mo poŋdi ko arabiajin lo jijiko ko ŋutu lo wokon ko kusanjin se ko ki ’bojin jore; a se mo luponi i jurön, a mo ’diku ’dikun, a Iwoŋöddi ŋerot.

Yoele 2:2

inkoi, lor logon a mudwe ko a lurwo ŋilo gwe nyona, ŋilo lor a lo ’dikolo ko a lo mudwe logon adi ’dii! Lodir duma lo merok iŋgo ti riŋiton a muk merya gwoso mudwe, a tojore nase gwoso ŋina gwe a ko meta sona koju ’beron, a mo koti tine meta sona i kulye nyakwariat liŋ ti kiŋajin lo popo.

Kweyatti 20:9

Lepeŋat a reun i kak ’bukuluŋ a tumbe mera na ŋutu ti Ŋun se ko köji nagon nye nyanyar na; a kimaŋ na ’duruu kak ki yu a totumbe kilo merok adi kuyum.