Ejikele 38:4 - Bibilia Buk na Ŋun nagon koti luŋu a

⁴ Nan mo lölöpuk do, a nan mo rekakiŋdye jabadalan konut i lukalaya; a nan mo pikuŋdye do kaŋo ko ŋutu kulök kamörök liŋ, ko kusanjin ko kajoŋak kase. Kilo ŋutu liŋ a jupu tito möriesi, lepeŋat jore parik morga ’bukwö na ’di ’dik se ko dumalak. Lepeŋat liŋ morga baŋdujin.

Ejikele 38:4 Iomraidhean Croise

2 Moran 19:28

Kogwon do a woran ko nan ko ’dö ’döyit, a kulya ti bu ’ya inot na mugun iŋge ’dur köyö i swö, a nan mo rukökiŋdye reyat nio konut i kume a mo kwakakiŋdye witi liŋ konut i kutuk, a nan mo tuwöriŋöddi do bot i lu kiko lo ŋoŋdi do lu.

1 Dekat 12:8

A kulye ŋutu walan koraddi ’börik kaŋo ko nyakwariat ti Gada a moraddi ko Dawidi yu i pirit ’danaet nago i yöbu. Lepeŋat a diniki mörö ko ’bukwö ko goro, a komorsikan kase gwe a najögitök gwoso ti kömiruöt, a lepeŋat gwe a lowulekak i wöwöki i merya gwoso nyaman.

2 Dekat 25:5

A Amajia kirut momori ŋutu lyan ti Yuda, a korakiŋdye se gwoso i kotumiton ti merenyejin, kweja adi ti Yuda ko ti Benyamina liŋ, a tiŋdi kanyomok ti kamorok ti alipan ko ti miajin i nyombu na se. A lepeŋ keŋdi ŋutu logon ko kiŋajin merya murek tojo ko ŋerot, a iŋge ryo ŋutu lo nyunyumwe alipan miajin musala logon jujukin i gor, ko bubulö moro ko goro ko ’bukwo.

Yisaya 37:29

Kogwon do a woran ko nan ko ’dö ’döyit, a kulya ti bu ’ya inot na mugun iŋge ’dur köyö i swö, a nan mo riukökiŋdye reyat nio konut i kume a mö kwakakiŋdye witi liŋ konut i kutuk, a nan mo tuwöriŋöddi do böt i lu kiko lo poŋdi do lu.

Yisaya 43:17

nan a tolupöddu arabiajin lo jikö ko kusanjin, iŋkoi, nan a tolupöddu kurumi na kamörök walan; a se pere kak, a se tine bulö ŋien ki, a se lepani lepa a tatuani tatua gwoso pata Ba lombo.

Yeremia 46:9

Ta ŋutu logon wörö ko kusanjin, ’dakaki ta! Ta ŋutu lo wörö ko arabiajin lo jijikö, wurösöni ta! Ta ŋutu ti Etiopia ko ti Put logon morga ’bukwö. ta ŋutu ti Luda logon a diniki rokuŋdya daŋin, iŋkoi, ta ŋutu walan, iti ta ŋerot!

Ejikele 23:12

A lepeŋ gwe ko pusök i nyaŋu na ŋutu ti Asura, logon a mödirön ko yumiat kase, ko a ŋutu walan logon a jupu tito möriesi, ko ŋutu lo wörö ko kusanjin, kilo ŋutu liŋ a teton logon ŋwajik wate nyanyar.

Ejikele 29:4

A nan mo tiŋdi jabadalan konut i lukalaya, a mo tiŋdi somot ti kinasi kulök i ’depakiŋdya konut i ’böriköt, a nan mo pikuŋdye do kaŋo i kiden na kinasi kulök ti Supiri, se ko somot liŋ ti kinasi kulök logon a ’depakiŋdya konut i ’böriköt kilo.

Ejikele 38:15

A do se ko gweyajin jore ti ŋutu lo gwon ko do i pirit na geleŋ kilo mo ŋiu kaŋo konut i pirit suluja i ’dutet na kak i swöt lo lobot, ta liŋ a teŋ duma parik na kamörök logon wökön ko kusanjin.

Ejikele 38:3

Kulyani adi, MATAT ŊUN lo kulya adi, Mete, do Goga kasaranit lo Rosi, ko lo Meseke, ko lo Tubala, nan a miriku ilot.

Ejikele 39:2

Nan mo lölöpuk do, a riköddi do ŋerot, a mo joŋdi do kaŋo i ’dutet na kak i swöt lo lobot, a mo joŋgi do i mörö ko merya ti Yisaraele.

Ejikele 39:20

A i ŋilo rorwe lio a ta mo nyesi kusanjin ko kajoŋak kase, ko ŋutu walan, se ko gweyarijin liŋ ti kamörök tojo ta a yimönö. Kilo a kulyaesi kwe ti MATAT ŊUN.

Daniele 11:40

A i diŋit na ’dutet a mor lo loki mo rupipije lepeŋ; ama a mor lo lobot mo pu ’dökine ko lepeŋ loki gwoso libibiu. A nye mo poŋdi ko arabiajin lo jijiko ko ŋutu lo wokon ko kusanjin se ko ki ’bojin jore; a se mo luponi i jurön, a mo ’diku ’dikun, a Iwoŋöddi ŋerot.

Amosa 4:2

MATAT ŊUN aje milyeju adi, ’Diri ’diri gwoso na gwoŋdi nan a loke na, perok mo popokin kasu ki logon merok mo joŋgi ta kaŋo a ŋwaka ko witiöt, a pitönö kasu mo jiköni ko jabadalan.