Ejikele 38:3 - Bibilia Buk na Ŋun nagon koti luŋu a

³ Kulyani adi, MATAT ŊUN lo kulya adi, Mete, do Goga kasaranit lo Rosi, ko lo Meseke, ko lo Tubala, nan a miriku ilot.

Ejikele 38:3 Iomraidhean Croise

Saumajin 120:5

Wöidiö nan i mönundyö nio Meseke yu, i si ’da nio a lepetyo i kiden na ŋutu ti Kedar!

Ejikele 13:8

Nyenagon nan MATAT ŊUN lo kulya sona adi, Kogwon ta jambu kulya nagon a köpuröt kana, a ŋo na met ta kasu i töilyet kune gwe a ’burönö, nyenagon mete ta, nan mo gwon a miriku losu. Ŋilo a kulyaet lio lo MATAT ŊUN.

Ejikele 29:3

Tambi jambu, ko taki lepeŋ adi, MATAT ŊUN lo kulya adi, Do Paro mor lo Ejipeto, do kinyop duma logon piriki i kiden na kinasi ti Supiri, mete, nan a miriku ilot. Do kulya adi, Supiri ilot a ilot lomore, do lo teteŋdya lepeŋ.

Ejikele 32:26

Meseke, ko Tubala, se ko ŋutu kase liŋ jore gwon nyu, a nukaki lolorga se. Lepeŋat liŋ a lawe a ko tawero, a tatua ko baŋdujin. Kogwon kilo a se logon koju a tokujoŋdu ŋutu lo gwon jorun i kak.

Ejikele 35:3

taki lepeŋat adi, MATAT ŊUN lo kulya adi, Ta ŋutu ti mere Seir, mete ta, nan a miriku losu, a nan mo riöddi könin lio kaŋo i mörö ko ta, a nan mo koŋdi jur losu a murwö ko a ruba.

Ejikele 38:2

Ŋuro lo ŋuto, komorgi Goga kasaranit lo Rosi, ko lo Meseke, ko lo Tubala yu i jur lo Mago-ga, ko keŋ kulya narok i kulya kanyit.

Ejikele 38:4

Nan mo lölöpuk do, a nan mo rekakiŋdye jabadalan konut i lukalaya; a nan mo pikuŋdye do kaŋo ko ŋutu kulök kamörök liŋ, ko kusanjin ko kajoŋak kase. Kilo ŋutu liŋ a jupu tito möriesi, lepeŋat jore parik morga ’bukwö na ’di ’dik se ko dumalak. Lepeŋat liŋ morga baŋdujin.