Ejikele 38:23 - Bibilia Buk na Ŋun nagon koti luŋu a

²³ Nyena a nan mo kweji todumalan nio se ko kelan nio, a nan mo tiŋdi mugun i dena ko ŋutu jore i komor. A kirut lepeŋat mo deŋdi adi nan logon a MATAT.

Ejikele 38:23 Iomraidhean Croise

Saumajin 9:16

MATAT a tindu mugun i dena, a nye ’duŋge ŋutet; ŋutu lorok a loka ko kita na kon se ko könisi kase.

Yuörö 14:4

A nan mo togo ’yi töili lo Paro, a nye mo kepoddi but nase, a nan mo te ’yi Paro se ko teŋ na kamörök kanyit liŋ a nan mo ryekiŋdye mugun bulet; a Ŋutu ti Ejipeto mo dene den adi nan logon a MATAT. A Ŋutu ti Yisaraele iŋge koŋdya gwoso na saraki ’e se nu.

Yisaya 25:3

Nyenagon a ŋutu iŋgo mo bu ’yedo; a köjinö ti jurön logon ko töilyet a lurwök mo kujönöni do.

Ejikele 20:41

A i diŋit na joŋdi nan ta kaŋo i kiden na gweyajin ti ŋutu, a tutunuŋdye ta kaŋo i jurön logon ta a tore aji kata kulu nu, a nan mo wuji ta gwoso rubaŋga lo mon paleleŋ; a nan mo kweji mugun a loke kogwon kulya kasu a ŋutu ti jurön memeddya.

Ejikele 20:42

A ta mo dene den adi nan a MATAT na joŋdi nan ta i jur lo Yisaraele nu, kweja adi ŋilo a jur logon nan koju a milyekin tiŋdu merenyejin kasu lu.

Ejikele 28:22

Tambi ko lepeŋ adi, MATAT ŊUN lo kulya adi, Do Sidona, mete, nan a miriku ilot, a nan mo kweji minyo lio konut kiden. A ŋutu mo deŋdi adi nan logon a MATAT i diŋit nagon nan mo ’duŋökiŋdye Sidona putesi, a mo kweji kelan nio kanyit kiden nu.

Ejikele 28:25

Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

Ejikele 36:23

A nan mo kwekiŋdye adi karin kwe nakukwön a nake na rurwan. Kine karin kwe a körö i kiden na jurön, kilo a ta lo köŋu kine karin i kiden na kilo juron. A i diŋit nagon nan mo kweji mugun a loke kogwon kulya kasu a ŋutu ti juron memeddya nu, a lepeŋat mo deŋdi adi nan logon a MATAT, ŋilo a nan MATAT ŊUN lo jambu.

Ejikele 37:28

A jurön mo dene den adi nan MATAT a tiŋdu ŋutu ti Yisaraele i gwon a ŋutu kwe loke lomore, kogwon pirit nio nake na rurwan gwon kase kiden ŋupi.

Ejikele 37:6

A nan mo to ’depakiŋdye ta murilö, a lokore na mugun mo juuŋdye juuŋdya kasu, a nan mo muŋge ŋina lokore ko ’böriköt, a tiŋdi köbuŋöt kasu i mugunya anyen ta yuyukan, a ta mo gwe jörun; a ta mo deŋdi adi nan logon a MATAT.

Ejikele 38:16

A ta mo ’diku i mörö ko ŋutu kwe Yisaraele gwoso ’diko na muggö kak. Kweja adi i perok lo popo a nan mo joŋdi ta i mörö ko jur lio, anyen jurön böpö deden nan i diŋit na tokitaji nan do Goga i kweja na kelan nio kase i komor nu.

Ejikele 39:13

Iŋkoi, ŋutu liŋ ti jur mo nugga lepeŋat, a kulya kase mo kuörö kuörö i lor logon nan mo kweji minyo lio lu. Kilo a kulyaesi kwe ti MATAT ŊUN.

Ejikele 39:21

A nan mo kweji minyo lio i kiden na jurön; a ŋutu liŋ ti jurön mo meddi ’duŋgö nio na putet logon nan ’du ’duŋökin lo, a se mo meddi könin lio logon nan a sopakin kase ki i riŋga na se lo.

Ejikele 39:27

A i diŋit na momoruŋdye nan se kaŋo i jurön ti merok kase, i kiden na gweyajin ti ŋutu a joŋdi se mede nu, a nan mo kweji mugun a loke kogwon kulya kase a jurön jore memeddya.

Ejikele 39:7

A nan mo tiŋdi ŋutu kwe Yisaraele i deŋdya na karin kwe nake na rurwan, a nan mo tine kölökiŋdyö karin kwe nake na rurwan i körö köti kwöŋ, a jurön mo deŋdi adi nan logon a MATAT ŋilo Loke lo Yisaraele.