Ejikele 38:22 - Bibilia Buk na Ŋun nagon koti luŋu a

²² A nan mo kitani ko twanti iŋgo se ko tatuja i ’dupökiŋdyö na do na putet; a nan mo to ’do-ji kuduöt dumalak logon ’do ’dokon, ko torok ti kudu, ko kimaŋ se ko pisek konut loki, ko i tepon kunök, ko i gweyajin jore ti ŋutu lo gwon ko do kulo.

Ejikele 38:22 Iomraidhean Croise

Suluet 19:24

Nyena a MATAT to ’dukiŋdye Sodoma se ko Gomora kimaŋ ko pisek na po ko MATAT ki yu;

Saumajin 11:6

Nye to ’doju kuk ti kimaŋ ko pisek gwoso kudu i ŋutu lorok; nye sondu köbuŋot lo ’yu ’yuŋa i riŋga na se.

Yisaya 28:17

A nan mo tiŋdi ’duŋgö gwogwo a temet na riki, löti lo rigwo gwe a temet na leleyo i gorom; torok ti kudu mo ’dokoddi mumulukesi nagon ta a ’dana kata kune, a bar mo muluaddi i pirit ’danaet nasu.

Yisaya 29:6

’De ’de kijek adi wulek, MATAT lo kurumi mo ’yö ’yu do lo kipya lo ki ko riŋitiŋ i, ko woŋon duma, ko libibiu, ko kudditei toyu lor na kimaŋ totumet.

Yisaya 34:3

A lo tatua kase mo gubajine kaŋo, a mön na öpuö kase mo möara ki; a merya mo ’doke ’dokon kö rimakase.

Yisaya 66:16

Kogwon MATAT mo ’duggö putet ko kimaŋ se ko baŋdu lonyit i ŋutu liŋ; a ŋutu logon MATAT a tatu kulo mo gwe jore.

Yeremia 25:31

A woŋon nanyit mo woŋoro tojo i ’dutesi ti kak, kogwon MATAT gwon ko putet ko juron, a nye mo si ’dakine i ’duŋgo na putet lo ŋutu liŋ, a nye mo tiŋdi ŋutu lorok i tatua ko baŋdu. Kilo a kulyaesi kwe ti MATAT.

Ejikele 13:11

Do Ejikele, taki ŋutu lo we ’ya ŋina gorom ko buya kilo adi ŋina gorom mo ’do ’doro; kudu mo ’do ’don a duma parik logon mumuluja, logon ’don ko torok mora ko köbuŋöt wome logon wuköddu ko riŋit.

Ejikele 28:23

Kogwon nan mo susunyukin lepeŋ twanti iŋgo, a nan soŋdi katatuak i kikolin kanyit; iŋkoi, ŋutu logon ko baŋdujin mo mörö ko lepeŋ i swötön liŋ, a ŋutu kanyit lo tatua kilo mo ’do ’done kanyit kiden.

Ejikele 39:6

A nan mo soŋdi kimaŋ i ’yuŋa na Magoga se ko ŋutu logon si ’da ’bura ’bak kujönö i juron lo gwon i tikönyö kulo; a se mo deŋdi adi nan logon a MATAT.

Ejikele 5:17

A nan mo sunyukiŋdye ta dyaŋ ko gwuruŋin anyen se ryaggu ŋwajik kasu. A twanti iŋgo se ko tatuja mo lwöŋöddi lwöpöddu kasu kiden, a nan mo jakiŋdye ta ŋutu logon ko baŋdujin i mörö ko ta. Nan MATAT aje jambu.

Yoele 3:2

a nan mo momoruŋdye jurön liŋ, a mo joŋdi se kak i pirit na ’dir na Yosepata, a nan mo ’duŋokiŋdye putet nyu kogwon kulya ti Yisaraele logon a ŋutu kwe lomoriot, kogwon se a torekin lepeŋat i kiden na jurön, a iŋge kökörö jur lio.

Matayo 7:27

A kudu ’done ’don, a bar poŋdi po, a köbuŋötön wuŋge wuggö, a puke puk nu kadi, a nye iŋge ’döro adi yurum.

Yosua 10:11

A ko gwe sona na woggiri se kaŋo ko ŋutu ti Yisaraele i komor, i diŋit nagon se gwe i dudulet na Bete-koron nu, a MATAT gubakiŋdye torok dumalak ti ki kase i kusik tojo ko Ajeka, a se twatwane twatwa; a se logon twatwa kogwon torok ti kudu kulu lwöŋe lwöŋ se logon ŋutu ti Yisaraele lo tatuja ko baŋdujin kulo.

Kweyatti 14:10

mo köti mömöju binyo nagon a woran na Ŋun, nagon ’buköki a ko ’yulö i koŋo na ŋoma nanyit. A se mo tomieni ko kimaŋ se ko pisek i komor na malaikajin loke se ko na ŋilo Kilolor.

Kweyatti 16:21

A kudu duma lo torok logon turukti geleŋ temuŋdya lwölwöŋ rotolan mia geleŋ kulo ’do ’done ko ŋutu loki; a ŋutu ŋoki i lömbu na Ŋun kogwon tömiesi ti torok ti kudu, kogwon se a tömiesi temejik parik.

Kweyatti 20:9

Lepeŋat a reun i kak ’bukuluŋ a tumbe mera na ŋutu ti Ŋun se ko köji nagon nye nyanyar na; a kimaŋ na ’duruu kak ki yu a totumbe kilo merok adi kuyum.

Kweyatti 8:7

A malaikatat togeleŋ lo kuddye buruŋ i lonyit. A torok ti kudu ko kimaŋ na ŋoŋdi a ŋo ’ya ko rima, a iŋge ’bukoki i na kak. A swot geleŋ na musala na kak, ko swot geleŋ na musala na kaden, se ko doru liŋ iŋge ’yura adi kuyum.