Ejikele 38:19 - Bibilia Buk na Ŋun nagon koti luŋu a

¹⁹ A i yulön nio se ko i woran nio na pape a nan mo milyeji milyeju adi, ’Diri ’diri i ŋilu lor rigirigi mo gwon kata i jur lo Yisaraele.

Ejikele 38:19 Iomraidhean Croise

Saumajin 18:7

1 nu diŋit a kak yeyeti yeyeta ko a yoyoŋgi yoyoŋga; köti a muköko ti merya mijöro mijörö, a se böböndi böböndu kogwon nye a woran.

Saumajin 18:8

A köŋuröt ŋuriörö ki kanyit i kumesikön, a kimaŋ na tototumbö luŋene kaŋo kanyit i kutuk; a pisek ti kimaŋ iŋge tuleun kaŋo ko lepeŋ.

Saumajin 79:5

Pon MATAT, do woworan koyi diŋit ŋoman? Yinö inot yeŋon tule gwoso kimaŋ le?

Yisaya 42:13

MATAT a lupö kaŋo gwoso ŋuto wa, a nye toyuje woran gwoso kamörönit; a nye luluje lulujö, a maraŋaddi kaŋo, a nye wa ’yi wa ’yu ko merok kanyit, kulya adi.

Yisaya 42:15

A nan mo köröddi merya ko lurwat, a mo toteyoŋdi ŋo topem kase liŋ; a nan mo löpuŋge karya a tikönyö, a mo toteyoŋdi joran.

Ejikele 36:5

Nyenagon nan MATAT ŊUN lo kulya adi, I yulön nio na pape nan jambu po narok i kulya ti kulye jurön, kegga nan jambu i kulya ti Edom. Ŋutu ti Edom ’de ’dekan jur lio a lose, lepeŋat lyölyöpi ko töilyet liŋ jambu ’da ’daresi, anyen morga jur a ryaggi nye.

Ejikele 36:6

Nyena keŋ keju i kulya ti jur lo Yisaraele. Taki merya, ko lurwat, ko karya, se ko piritön na ’dir kune adi, MATAT ŊUN lo kulya adi, Mete ta, nan jambi i yulön nio na pape, kogwon ŋutu ti jurön a tomijö ta ko ’dö ’döyösi.

Ejikele 39:25

Nyenagon nan MATAT ŊUN lo kulya adi, Soŋinana nan de nyönyökun ŋutu ti Yakobo bot i to ’dupien, iŋkoi, nan wowon konyen ko kötumit na Yisaraele ’bukuluŋ; a nan mo yinöni kogwon karin kwe nake na rurwan.

Ejikele 39:6

A nan mo soŋdi kimaŋ i ’yuŋa na Magoga se ko ŋutu logon si ’da ’bura ’bak kujönö i juron lo gwon i tikönyö kulo; a se mo deŋdi adi nan logon a MATAT.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Yoele 2:18

A kirut MATAT gwe ko pusok i parakiŋdya na jur lonyit, a won konyen ko ŋutu kanyit.

Yoele 3:16

A MATAT maraogi Siona yu, a gworo lonyit woŋe Yerusalema, a ki ko kak yeyeti yeyeta. Ama a MATAT gwe a pirit ’danaet na ŋutu kanyit, iŋkoi, lepeŋ a piro nago na titiyu a na ŋutu ti Yisaraele.

Naum 1:2

Adi, MATAT a Ŋun logon a kayinonit ko a lo roropakiŋdya, MATAT roropakiŋdya ko a jore ko woran; MATAT ropakiŋdya kaŋisak kanyit a ’de ’yi woran a na merok kanyit.

Jakaria 1:14

A malaikatat logon jambu ko nan lo kulyani ko nan adi, Laije adi, MATAT lo kurumi lo kulya sona adi, Toili lio mimien parik kogwon Yerusalema se ko Siona.

Nyökit 29:20

A kirut MATAT mo tine pitökin lepeŋ, ama kölumbö a woran na MATAT se ko yulön nanyit puriörö ki ko lu ŋuto, a lömisi liŋ logon a wuröki i ŋina buk kulo mo poki kanyit loki, a MATAT mo seyaddi karin kanyit kaŋo i kak ’bukuluŋ.

Nyökit 32:22

Kogwon kimaŋ a totule ’i ko woran nio, a nye ’yuraddi teŋ ko wi na pirit na mulökö, a nye totumbe kak ko radan nanyit, ko a ’yurakiŋdya gwo ’diesi ti merya.

Ebere 12:26

Gworo lonyit a böbön kak i ninu diŋit, ama soŋinana lepeŋ aje milyeju adi, Nan mo böbön dan geleŋ köti ti gwon a kak ka ’de ama ko ki köti.

Ebere 12:29

kogwon Ŋun likaŋ ’diri a kimaŋ na tototumbö.

Kweyatti 11:13

A i ŋinu diŋit gwak, a rigirigi duma gwe kata, a swöt topuök lo köji iŋge duyömöki kak; a ŋilu rigirigi iŋge tatuja ŋutu aliŋan buryo; a pitönö lo pituŋdyö kulo iŋge kujönö parik, a pupurje Ŋun lo ki.

Kweyatti 16:18

A kirut gwe a meme ’dekta na ki, ko woŋesi se ko tope na kipyala ti ki, a rigirigi duma gwe kata. Rigirigi duma parik gwoso ŋilo a ko meta suluja i gwon na ŋutu i na kak.

Kweyatti 16:20

a tikönyö liŋ liki likin a merya tine meta.