Ejikele 38:16 - Bibilia Buk na Ŋun nagon koti luŋu a

¹⁶ A ta mo ’diku i mörö ko ŋutu kwe Yisaraele gwoso ’diko na muggö kak. Kweja adi i perok lo popo a nan mo joŋdi ta i mörö ko jur lio, anyen jurön böpö deden nan i diŋit na tokitaji nan do Goga i kweja na kelan nio kase i komor nu.

Ejikele 38:16 Iomraidhean Croise

2 Moran 19:19

Nyena soŋinana ŋon MATAT Ŋun likaŋ, böŋö lwöki yi i könin lonyit, anyen tumatyanjin liŋ ti kak böŋo kuruŋdyö adi do ŋon MATAT, logon a Ŋun geleŋ tuŋ.

Yuörö 14:18

A Ŋutu ti Ejipeto de dene den adi nan logon a MATAT, na wuji nan bulet i diŋit na te ’yi nan Paro ko arabiajin kanyit lo jijikö se ko kamörök kanyit lo wörö ko kusanjin kulo nu.

Yuörö 14:4

A nan mo togo ’yi töili lo Paro, a nye mo kepoddi but nase, a nan mo te ’yi Paro se ko teŋ na kamörök kanyit liŋ a nan mo ryekiŋdye mugun bulet; a Ŋutu ti Ejipeto mo dene den adi nan logon a MATAT. A Ŋutu ti Yisaraele iŋge koŋdya gwoso na saraki ’e se nu.

Yisaya 2:2

A mo gwe sona i perok lo popo, a mere lo kadi na MATAT mo tikine a duma lo merya, a mo ’bilikine ki totogun lurwat; a juron liŋ mo lulurara kata,

Yisaya 29:23

Ama na meddi ŋwajik kanyit ŋo nagon nan a kön kase kiden kune, a se mo bu ’ye karin kwe a nake, a se mo twöji nan a loke logon luŋu a Loke lo Yakobo, a mo kujönöni nan Ŋun lö Yisaraele.

Yisaya 5:16

Ama a MATAT lo kurumi todumalakine ki i ’duggö gwogwo, a Ŋun Loke kwekiŋdye mugun a loke i löti lo rigwo.

Yisaya 8:13

Ama MATAT lo kurumi a nye lepeŋ logon ta ködyö kuruŋdyö a loke lo; ti nye geleŋ tokujöŋdi ta, ko ti lepeŋ geleŋ tusöŋi ta.

Ejikele 20:41

A i diŋit na joŋdi nan ta kaŋo i kiden na gweyajin ti ŋutu, a tutunuŋdye ta kaŋo i jurön logon ta a tore aji kata kulu nu, a nan mo wuji ta gwoso rubaŋga lo mon paleleŋ; a nan mo kweji mugun a loke kogwon kulya kasu a ŋutu ti jurön memeddya.

Ejikele 28:22

Tambi ko lepeŋ adi, MATAT ŊUN lo kulya adi, Do Sidona, mete, nan a miriku ilot, a nan mo kweji minyo lio konut kiden. A ŋutu mo deŋdi adi nan logon a MATAT i diŋit nagon nan mo ’duŋökiŋdye Sidona putesi, a mo kweji kelan nio kanyit kiden nu.

Ejikele 36:23

A nan mo kwekiŋdye adi karin kwe nakukwön a nake na rurwan. Kine karin kwe a körö i kiden na jurön, kilo a ta lo köŋu kine karin i kiden na kilo juron. A i diŋit nagon nan mo kweji mugun a loke kogwon kulya kasu a ŋutu ti juron memeddya nu, a lepeŋat mo deŋdi adi nan logon a MATAT, ŋilo a nan MATAT ŊUN lo jambu.

Ejikele 38:23

Nyena a nan mo kweji todumalan nio se ko kelan nio, a nan mo tiŋdi mugun i dena ko ŋutu jore i komor. A kirut lepeŋat mo deŋdi adi nan logon a MATAT.

Ejikele 39:21

A nan mo kweji minyo lio i kiden na jurön; a ŋutu liŋ ti jurön mo meddi ’duŋgö nio na putet logon nan ’du ’duŋökin lo, a se mo meddi könin lio logon nan a sopakin kase ki i riŋga na se lo.

Ejikele 39:27

A i diŋit na momoruŋdye nan se kaŋo i jurön ti merok kase, i kiden na gweyajin ti ŋutu a joŋdi se mede nu, a nan mo kweji mugun a loke kogwon kulya kase a jurön jore memeddya.

Ejikele 39:7

A nan mo tiŋdi ŋutu kwe Yisaraele i deŋdya na karin kwe nake na rurwan, a nan mo tine kölökiŋdyö karin kwe nake na rurwan i körö köti kwöŋ, a jurön mo deŋdi adi nan logon a MATAT ŋilo Loke lo Yisaraele.

Daniele 10:14

a nan poŋdi konut ni anyen nan ko tokurukiŋdyö do po nagon mo ’du ’dukin i ŋutu kulök i perok lo popo. Kogwon kine po na meta kune a ti perok logon nyuŋ popo.

Daniele 2:28

ama ŋun kata ki yu logon a kakweyanit lo Iwono, a nye aje kwe-kiŋdya do pon mor Nebukadanesar ŋo nagon mo kokona i perok lo popo, Rudweet inot se ko ŋo nagon do a met konut i kwe na gwoŋdi do konut i dotoet nu sekune.

Osea 3:5

A i mukok a ŋutu ti Yisaraele mo yitwene i ga ’yu na MATAT Ŋun lose se ko Dawidi mor lose; a se mo ŋoŋdi ko Matai ni bobonuŋdyo yinuŋdyo kulya kanyit na ’but ti molu nu.

Yoele 3:11

Ta juron lio lo didiŋö, poŋdi ta ’de ’de, momoruŋdye ta i pirit na geleŋ. (Sonyoddi ŋutu kulök walan kak pon MATAT!)

Lewi 10:3

A kirut Mose kulyani ko Arona adi, ŋina a ŋo nagon MATAT aje kulyari adi, Nan ködyö gelwe a loke lo rurwan i se logon a ŋun köyö nyona kulo, a nan ködyo bulani bula i komor na ŋutu liŋ. A Arona yiŋani taliŋ.

Mika 4:1

A mo gwe sona i perok lo popo, a mere logon kadi na MATAT gwon kata lo mo togwi ’dikine ki a lojo Iwolwöŋ merya liŋ, a lepeŋ mo ’dulujine ki Iwolwöŋ lurwat. A gweyajin ti ŋutu mo ’bukuŋdye kanyit ni,

Nyökit 31:29

Kogwon nan a den adi i mukök na twan nio ta ’diri mo ’yö ’yot ’börik asut, a ta mo löpuköddi kaŋo i kiko logon nan a saŋi ta lo; a kulya narok mo poki kasu i kulye perok ti ŋerot, kogwon ta mo koŋdya ŋo nagoŋ a narok ko MATAT i komor, i towoŋa na nye, kogwon konesi kasu.

1 Timoteo 4:1

Mulökötyo Loke a jambu kokeadi, i diŋitan ti mukök kulye ŋutu mo kökolökin yupet, a lepeŋat mo yiŋge muloko ’burönök se ko todinesi ti mulökö lorok.

2 Timoteo 3:1

Ama dene den adi, diŋitan nagusulak mo popo i perok ti ’dutet.

Kweyatti 20:9

Lepeŋat a reun i kak ’bukuluŋ a tumbe mera na ŋutu ti Ŋun se ko köji nagon nye nyanyar na; a kimaŋ na ’duruu kak ki yu a totumbe kilo merok adi kuyum.